Jeremi 50:26 - U TIENU MAAMA TILI 2013

²⁶ Ña mani hali i tinbiani ki cua o kani. Luodi mani o buabuana, Ki ñani yaala n ye lienni ki dogini, Ki pa la o Diedo, Liba kuli n da sieni.

Gourmanchéma Bible

²⁶ Ña mani hali i tinbiani ki cua o kani. Luodi mani o buabuana. Ñani mani yaala n ye lienni ki dogini dogini, Ki yuandi ki sia u dogu ki da sieni liba kuli.

Jeremi 50:26 ပူးပေါင်းရင်းမြစ်များ

Esayi 10:6

N soani ba, ban fii ki sedi yaa diema Yaa niba n ki ŋua Tienu po, Ki go fii ki sedi yaaba n biendi n pali yeni po. Bi baa fagi ba ki baa li baali, Ki ŋmaa ba bonŋanla nani U sanu nni moamoadi yeni.

Esayi 14:23

N baa teni likani n tua baagu, A guda kaanu. N baa pidi o leni mi bolinma ŋaanu. Li Miali Diedo U Paaciamu Kuli Daano n yedi yeni.

Esayi 25:10

Kelima o Diedo nuu n maa li naa juali po.» Bi nugi Moabi ki bili o li buoli nni, Nani ban yen nugi ti muadi maama Ti bugidi buogu nni yeni.

Esayi 45:3

N baa pa ŋa yaa ŋalimano n wuo Leni yaa piama n wuo. Yeni, a baa bandi ke n tie Li Miali Diedo Isidayeli Tienu yua n taa a yeli ki yini a.

Esayi 5:26

O yini yaa nilanbuoli yaa banli n foagi. O piebi ki yini u tinbianu yaaba kuli. Bi jaligi ki cua kaa pua biabia.

Jeremi 50:10

Bi baa gedi ki fagi Kalide diema. Yaaba n baa gedi ki fagi ma kuli baa guo.› » O Diedo n yedi yeni.

Jeremi 50:13

O Diedo pabienli po, Nilo kan go yaa ye Babilonni nni. Babilonni kpandi paboanli kaanu. Yua n poandi likani kuli, li baa lidini o, Ki go yagi o yama wan fuoni, Kelima lan gundi maama po.

Jeremi 50:15

Fii mani o po leni bu toabu kuudi, Ki kuudi mani i kaani kuli. O tuo o tadingu. O tanpuuna kuli wudi ki baa, O bilini mo kuli wudi ki gbeni, Kelima li tie o Diedo pantuuli yo. Tuu o mani yi panli. Tieni o mani nani wan tieni toaba maama yeni!

Jeremi 50:23

Li gaa lede ke Babilonni yua n bi tie Li ŋandunli kuli tuatuaga mudi, Ki cabidi cabidi? Li gaa lede ke Babilonni pua nufanu Cain i nibuoli kuli siiga!

Jeremi 50:41

U nibuolu ñani nujienu po. Nibuociamu leni yaa badiba n yabi N fii hali i tinbiani po.

Jeremi 51:44

N baa fii ki sedi Beli po Babilonni nni. N baa lobidi wan kpibi yaala o ñoabu nni. I nibuoli kan go yaa tigibi ki caa o kani. Ba Babilonni bilinu ŋmadi ki baa.

Jeremi 51:64

‹Babilonni n baa bodi cain maama n yeni. Min baa teni yaa fala n baa o n yeni. O kan go fidi ki fii ki sedi.› » Jeremi maama kuli n yeni.

Mise 7:10

N yibali baa le lani kuli i fe n cuo o, Wani yua n den tua nni, Li Miali Diedo a Tienu ye le? Bi baa ŋmaa n yibalinba nani u sanu nni moamoadi yeni. N nuni baa le lani kuli.

Matie 6:26

Diidi mani ti bonyugiditi, baa coagi, baa yendi, baa wuo ki kuodi liba a buana nni. Ama yi Baa yua n ye tanpoli n dindi ba. Yii bani ke yi pia mayuli ki cie ti bonyugiditi?

Mi Doagidima 14:19

Maleki den ceni ki tinga duven tiidi bonjoana, ki kuodi duven ŋanbikaanu nni, lani n tie yaa ŋanbikaanu n pia U Tienu pabienli.

Mi Doagidima 19:15

Yaa jugisiega n mani, den ña o ñoabu nni, wan baa pua i nibuoli leni yaaga. O muubi ti kudi badigbiamu ki baa gobidi ki yaa kpaa ba. O baa ŋmaa duven ŋanbikaanu nni, yuu n tie U Tienu U Paaciamu Kuli Daano pabiencianli nni.