Jeremi 50:14 - U TIENU MAAMA TILI 2013

¹⁴ Bogini mani ki sedi bu toabu po, Yinba yaaba n gaani ki lindi Babilonni. Yinba yaaba n kpali yi dabana, toa o mani. Yin da sieni ba penyendu, Kelima o tudi o Diedo po.

Gourmanchéma Bible

¹⁴ Bogini mani ki sedi mi janjanma po. Gaani mani ki lindi Babilona. Yinba yaaba n kpali yi dabana, toa o mani. Yin da sieni mani baa penyendu Kelima o tudi Li Miali Diedo po.

Jeremi 50:14 ပူးပေါင်းရင်းမြစ်များ

2 Samueli 10:9

Joabi den sua ke o baa yaa tiendi bu toabu o nintuali leni o puoli kuli. Lanwani, o den gandi Isidayeli jakoanda siiga yaaba n pa ki cie ki tieni toagoli yaali n baa tuogi leni Siiri yaaba.

Pisomi 51:4

Ŋuudi ki ñani n tagili, Ŋuudi ki ñani n po n tuonbiadi,

Esayi 13:4

Ku niligu fuugu ye li juali yuli po Nani yaa niba n yabi yeni. Diema boncianla yaa nibuoli n taani Ki pia laa fuugu. Li Miali Diedo U Paaciamu Kuli Daano cua Ki baa le o toatieba n taani Ki da maama bu toabu po.

Esayi 5:28

Bi piemi kuli luani, Bi dabana mo kuli kpali. Bi taami taawoga naani leni a tana yeni. Bi teliti mo yaa taana n yaa tie Nani o pinpinjoa yeni.

Jeremi 46:9

I taami, ña mani! Ti teliti, yi tiini mani! A jakoanda, ña mani! Yinba Etiopi leni Puti diema yaaba, Yaaba n bani li gbankoandigu mubinma, ña mani. Yinba Ludi yaaba, yaaba n bani li dabanli bonŋanla, ña mani!»

Jeremi 49:14

N gbadi o Diedo kani laabaali. Bi soani o tondo i nibuoli siiga ke wan yedi: «Fii mani ki bogini bu toabu po, Ki gedi ki ban tuogi Edomi.

Jeremi 49:35

Li Miali Diedo U Paaciamu Kuli Daano n maadi yaa maama n tie ne: «N baa kua Elami dabanli, Lini yaali n tie o fidu yeni.

Jeremi 50:11

Mangi mani yi pala, mangi mani yi pala Yinba yaaba n pua mi diema nufanu yeni! Yugi ki cii mani nani yaa naasalo yaa gbanu n saagi, Yigini mani nani yaa taami n pia u paalu yeni.

Jeremi 50:29

Yini mani a dabantuada Leni yaaba n bani li dabanli kuli, Ban cua ki baa Babilonni. Gaani ki lindi mani u dogu, Niloba kuli n da sani ki cia. Pa o mani o tuona panpaani. Guani o mani wan tieni yaala kuli, Kelima o tieni mi kafaama o Diedo, Isidayeli Tienu yua n Gagidi ki ŋani po.

Jeremi 50:42

Bi kpali li dabanli, ki yugidi li kpaanli. Bi pia ku tugumoangu, kaa gba ninñima. Bi niali dune nani mi ñincianma yeni. Bi jagi i taami po ki caligi Nani niyendo yeni bu toabu po, Ki baa koani leni fini Babilonni.

Jeremi 50:7

Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba, Kelima bi tieni ti tuonbiadi O Diedo mi teginma daano po, Wani, bi baanba n den dugi yua yaa po.›

Jeremi 50:9

N baa teni i nibuoli n fii nujienu diema po, Ki koani leni Babilonni diema ki diedi ma. Bi piemi tie nani yaa jakoando Yaa nuu n nua ki kan guani fanma.

Jeremi 51:2

N baa soani Babilonni kani yaaba n baa lendi, Ki yogidi ki ñani o diema niba kuli. U nufanu n baa pua o yaa daali, Bi niba baa ña i kaani kuli ki fii ki sedi o po.»

Jeremi 51:27

Sieni mani li jakoandicabili mi diema nni. Piebi mani li naatuntunli i nibuoli siiga! Yini mani i nibuoli kuli n taani, Ararati, Minni leni Asikenasi diema nni! Teni bi toatieba yudanba N lingi bi toatieba o po, Ki lingi i taami o po, Ban taani nani i naaci tawaligu yeni.

Jeremi 51:3

Da cedi mani Babilonni dabantuado Yua n kpali o dabanli, Bi yua n kpiagidi o yuli o gbankoandigu po, Bi o jawaaba yaaba n dagidinni toabu. Bolini mani o toagoli kuli.

Habakuki 2:17

Yin ban soani yaa tuona Liban po Baa guani ki baa yi yula po. Yi den kpa ti fuayandi boncianla. Moala, ti fuayandi yeni baa jieni yi. Li baa tua yeni Kelima yi kpa bi niba boncianla, Ki tieni mi diema, mi dogi leni mi niba mi biadima.

Habakuki 2:8

Yi fie bi niba boncianla piama ki kpabidi ba. Ama bi siiga yaaba n den sieni kaa kpe mo Baa fie yi yaa piama ki kpabidi yi. Li baa tua yeni kelima yi kpa bi niba boncianla, Ki tieni mi diema, mi dogi leni mi niba mi biadima.

Mi Doagidima 17:5

O yutunli po den pia yaa yeli n tie bondoaginkaala: “U dociamu Babilonni, a puoconcona leni ki tinga cagindi kuli yaa naa.”

1 Samueli 17:20

Davidi den fii ku tiŋaapanpangu ki ŋaa ti yandi leni yankpaatoa, ki taa o tugili ki gedi nani Isayi n den puogi o maama. Wan den pundi li toanagili kani yaa yogunu, a toagola den caa ki baa caligi li toatuogili kaanu, ki yiedi i toayiedi.