Jeremi 50:11 - U TIENU MAAMA TILI 2013

¹¹ Mangi mani yi pala, mangi mani yi pala Yinba yaaba n pua mi diema nufanu yeni! Yugi ki cii mani nani yaa naasalo yaa gbanu n saagi, Yigini mani nani yaa taami n pia u paalu yeni.

Gourmanchéma Bible

¹¹ Mangi mani yi pala, mangi mani yi pala Yinba yaaba n pua mi diema nafanu yeni! Yugi ki ci mani nani yaa naasalo yaa gbanu n saagi, Duni mani nani yaa taami n pia u paalu yeni.

Jeremi 50:11 ပူးပေါင်းရင်းမြစ်များ

Pisomi 22:12

Da foagidi leni nni, Kelima li paboanli nagini n kani, Niloba mo ki kpendi ki baa todi nni.

Mi Kpanjama 17:5

Yua n ñuadi o luodo sugi yua n tagi o yo, Yua mangi o pali o lielo yebiadima po, Bi kan cedi o fanma.

Esayi 47:6

N pali den beni n niba po, Ke n teni ke bi laa i fe, Ki den taa ba ki tieni yi nuu nni. Ama yii den gbadi bi po ninñimiba kuli. Yi den tuni ba o jakpelo yaala n kpiagi.

Esayi 47:8

Moala cengi mani line, Yinba yaaba n mangidi yi pala Leni mi yema, ki kaa ke yi jigi co. Yi tua yi pala nni: «Tinba, tinba bebe lige, Yaala n sieni kuli tie fanma. Ti kan tua kpepuona abada. Ti kan bandi maakuuga mo n tie yaala.»

Jeremi 12:14

O Diedo yedi mi naa maama Isidayeli yieninlieba yaaba n ki ŋani yeni po, bani yaaba n fie min puni n niba Isidayeli yaaba yaa tinga. Diidi, n baa ñani ba bi tinga nni. N baa ŋabi ki ñani Juda buolu bi siiga.

Jeremi 46:20

Ejipiti tie yaa naasalo n ŋani bonŋanla. Ama ki naasibiadiga ñani nujienu po ki cua ki tabini o.

Jeremi 46:21

Ejipiti diema nni, ba ban daa yaa toatieba Lebidi ki sani. Ba ke bi wubi ba nani a naatonbila yeni, Oba kuli naa sedi ki baa mua jama, Bi fala daali, Yaa daali n bi tie ban sedi jama.

Jeremi 5:28

Bi noadi bonŋanla ke bi gbani ñuliti, Bi tuongunda ki pia bianu. Baa koani ki baa gaa ki kpienbiga, Bi bonla kuli cuoni bi po bonŋanla. Bi baga ki ye leni luodo.

Jeremi 5:8

Bi tie yaa tanjala n dini ki guo, Yuakuli ŋua ki coa o yieninlielo pua puoli.

Jeremi 50:17

Isidayeli tie nani i yangbanli n deli Yaa pia ke o bodi yeni. Asiiri bado n kpa dini o. Nebukanesa Babilonni bado mo juodi ki mudi o kpaba.

Jeremi 50:27

Kpa mani o naatona kuli, Gedini ba mani u yankodikaanu kani. Fala baa ba kelima bi yogunu pundi, Bi buudi daali pundi.

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Ki mangi bi pala leni ŋan soani nni yaa tuonli. A teni ke ŋan den bili yaa daali cua. Ŋan teni lan tua bimoko yaa po yeni.

Esekieli 35:15

Nani ŋan den mangi a pali Isidayeli buolu faali bodima po yeni, N baa soani amoko yene. A juana leni a diema baa tua fanpienma, Fini leni Edomi diema kuli. Lani, bi baa bandi ke n tie Li Miali Diedo.› »

Esekieli 36:5

Lanwani, mini o Diedo, U Tienu yedi mi naa maama: ‹N pabiencianli nni, n fu leni yaa nilanbuoli n lindi Isidayeli diema. N fu leni Edomi yaaba yo ki cie. Bi pamanli nni leni bi faliga nni, bi den cua ki fagi mi diema yankpaakaani ke yin tua bi yii.

Ose Tili 10:11

Efrayimi buolu den tie nani yaa naasalo N bani li tuonli bonŋanla, Ki bua ki yaa ŋmaadi ŋalikama. N baa maani o tulu yuu n ŋani yeni po ku daagu, Ki doali o li naakuuli. Juda diema yaaba baa yaa ko, Bani Jakob buolu baa yaa la Yaala n mudi a tangbana, ki fuli.

Amosi 4:1

Yinba yaa puopiada n ye Samari juali po, Ki gbengi nani Basan tialu naañuana yeni, Cengi mani yaa maama n tie ne: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Abidiasi 1:12

Edomi yaaba, yi kan bi mangi yi pala, Yi kpiiba Juda yaaba fala daali, Yi kan bi mangi yi pala u nufanu N pua ba yaa daali, Bi ki sugi ba bi paboanli daali.

Habakuki 1:15

Kalide yaaba co bi niba ti yonbidi, Nani ban co yaa jami leni ki jandiaga yeni. Bi co ba bi taali nni, Ki mangidi bi pala boncianla li po.

Sakari 14:12

O Diedo n baa teni yaa bonbiadila N baa yaa nilanbuoli n baa fii ki tieni Jerusalemi yaaba bu toabu tie line: Bi gbanandi baa bedi ke bi da fo. Bi nuni baa bedi bi nunbuodi nni, Bi landi mo n bedi bi ñoana nni.

Mi Tiadima 32:15

Yesuruni den dini ki gbengi, ki yiadi u danbu, Yi den dini ki guo ki gbengi, ki noadi bonŋanla. Isidayeli yaaba den ŋaa bi Tagido Ki fali bi faabima Tanciangu.