Jeremi 49:26 - U TIENU MAAMA TILI 2013

²⁶ Landaali bi baa kpa o nipanba o dogu sani nni. O jakoanda mo kuli baa bodi. Li Miali Diedo U Paaciamu Kuli Daano n yedi yeni.

Gourmanchéma Bible

²⁶ Laa daali bi baa kpa o nipanba o dogu sani nni. O jakoanda mo kuli baa bodi. Li Miali Diedo U Paaciamu Kuli Daano n yedi yeni.

Jeremi 49:26 ပူးပေါင်းရင်းမြစ်များ

Jeremi 11:22

Lani yaa po yo, ke Li Miali Diedo U Paaciamu Kuli Daano maadi mi naa maama: «Diidi mani, n baa yie bi po. Ki jugisiega baa je bi jawaaba, mi koma mo n baa je bi bisiaba leni bi bijaba kuli.

Jeremi 50:30

Lani n teni ke o toatiejawaaba baa kpe mu daamu nni, O jakoanda mo kuli baa bodi. O Diedo n yedi yeni.

Jeremi 9:21

O Diedo ñoamabonli nne: Bi niba baa kpe ki wudi, Nani ti bugidi yeni i kuani nni, Nani ban yendi yaa dikala Ki luni yua n yendi puoli po yeni, Oba kuli kan taa ba.

Jeremi Bubula 2:21

Bi jawaaba leni a jakpela, Bikuli bili bili tiipo i sani nni. N jafanba leni n jawaaba, Bu toabu dini bikuli. A pabienli nni, a kpa ba ke ninñima ki cuo ŋa.

Esekieli 27:27

A ŋalimano, a daamu leni a kpenkpenditiadi, Yaaba n gobidi a ñinbiadi leni yaaba n ŋanbidi ti, Yaaba n den kpendi ki daa a kpenkpenditiadi Yaa toatieba n ye a kani kuli, Leni yaa nitaankaaba n den ye a siiga, Bikuli baa baa mi ñincianma siiga A bodima daali.

Amosi 4:10

N den luni yi siiga u yianbiadipuodiko Yuu n naani leni Ejipiti yuu, Ki teni ke bi kpa yi nipanba leni mu jugisiemu, Ki fie yi taami mo. N den teni ke yi toanagili tinkpila nuulibiadu kua yi. Ama ba leni lani kuli, yii den lebidi ki guani n kani. O Diedo n yedi yeni.