Jeremi 49:24 - U TIENU MAAMA TILI 2013

²⁴ Damasi tadigi. O pegidi ki baa sani. Mi digibima cuo o. Li paboanli leni mi loma cuo o, Nani u maditugukoanu yeni.

Gourmanchéma Bible

²⁴ Damasa tadigi. O pegidi ki baa sani. Mi digibima cuo o. Li paboanli leni mi loma cuo o Nani yaa pua n baa maa yeni.

Jeremi 49:24 ပူးပေါင်းရင်းမြစ်များ

Mi cilima 3:16

O den yedi o pua: «N baa pugini a po fala ŋan punbi yaa yogunu. A baa maa leni fala. A gbanandi bonbuakaala baa teni ŋan ŋoadi a calo, O baa diedi a.»

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni koani, Ke bi poali ki buandi nani yaa pua N bua ki maa yeni. Bi diidi biyaba leni ti jawaandi, Bi nunmu kuli moandi nani U mu yeni.

Jeremi 30:6

Buali mani yiyaba bonŋanla, Ŋme n kpa laa o joa n gbaani ki mali naani? Be yaa po yo, ke n nan nua ke bi jaba kuli Ñii bi ciamu nani yaa pua n baa maa yeni? Be yaa po yo, ke mu nunmu kuli gbidi?

Jeremi 4:31

N gba li dunli nani yaa pua n bua ki maa yaa dunli yeni. N gba i yanbani ñiidi, Nani yaa puosiaga n baa maa yeni. Li tie Siyon badisalo yaa nialu yo. O fuo ki dogi, O tandi o nii ki yedi: «N bonla pia mi ninñima, Bi nikpaba baa pua ki kpa nni.»

Jeremi 48:41

Yibali fie Keriyoti leni Mesatidoti. Moabi jakoanda tugusoama tiini, Nani yaa pua n baa maa, Yaa tugusoama n tiini maama yeni.

Jeremi 49:22

O tie nani jiebani n fii ki yugi, Ki fidi o fiabi Botisira po maama yeni. Edomi jakoanda tugusoama sani, Nani yaa pua n bua ki maa, Tugusoama n sani maama yeni.

Jeremi 49:29

Fie mani bi gbandiena leni bi yangola, Bi tiadi, bi yuoyuodi leni bi diema kuli, Ban tiani bi po ki yedi: ‹I jeje ye i kaani kuli!›

Jeremi 49:37

N baa teni Elami yaaba n jeli, Ki digibi banbani yibalinba leni yaaba n bua Ki ñani bi miana kuli nintuali. N baa teni fala n baa ba n pabienli nni. N baa teni bu toabu n ŋoadi ba Hali min bolini ba cain.

Jeremi 50:43

Babilonni bado gaa laabaali ke o jigi cie. Li paboanli cuo o. Li koani o nani u maditugukoanu n pia yaa pua yeni.»

Jeremi 6:24

Ti baa laabaali ke ti gbani wudi. Ti jawaandi cuo ti. Li koani ti nani u maditugukoanu yeni.

Ose Tili 13:13

Isidayeli buolu madi pundi, Nani yaa biga yaa naa n ye Leni u maditugukoanu yeni, Ama bi nan tie nani ki biyanpiidanga yene, Yaaga yaa maayogunu n pundi, Ke ki nan yie ke ki kan ña ki naa tugu nni.

Matie 24:8

Laa bonla kuli da tie nani u maditugukoanu cilima yene.

Marki 13:8

U nibuolu baa fii ki tuogi leni nibuoto, mi diema mo baa fii ki tuogi leni dietoama. Mi tindigibima baa yaa tiendi i kaantiami, mi koncianma mo baa yaa tiendi. Laa bonla kuli da tie nani u maditugukoanu cilima yene.