Jeremi 46:5 - U TIENU MAAMA TILI 2013

⁵ Be n tieni? N nua be mo nne? Bi jigi kuli cie ke bi sudi puoli po. Bi pua ki guli bi jakoanda. Moala wani yua n tadi yua n pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. O Diedo n yedi yeni.

Gourmanchéma Bible

⁵ Be n tieni? Be mo nne? Bi jigi kuli cie Bi sudi puoli po. Bi pua ki guli bi jakoanda. Moala wani yua tadi yua pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. Li Miali Diedo n yedi yeni.

Jeremi 46:5 ပူးပေါင်းရင်းမြစ်များ

Mi cilima 19:17

Ban den ñani ba yaa yogunu, bi siiga nni yendo den yedi: «Sani ki cia ki gaa a miali. Ŋan da diidi a puoli po, ki da sedi mi fanma nni. Sani ki gedi li juali po, ke ŋan da bodi.»

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni koani, Ke bi poali ki buandi nani yaa pua N bua ki maa yeni. Bi diidi biyaba leni ti jawaandi, Bi nunmu kuli moandi nani U mu yeni.

Esayi 19:16

Lanyogunu Ejipiti diema baa yaa tie nani bi puoba yeni. Mi baa yaa digibi ke ti jawaandi pia ma, mi yaa laa ke Li Miali Diedo U Paaciamu Kuli Daano fii ki se mipo.

Esayi 42:17

Ama yaaba n bili bi dugidi Ban tagi yaa buli nni, Bani yaaba n yedi ban duadi yaala: «Yi tie ti tieni!» Bi baa suli puoli, bi baa fiagi.

Esayi 5:25

O Diedo pali beni o niba po, Lani n teni ke o tandi o nuu ki pua ba. A juana wudi ki baa, Bi tinkpiba wuli i sani nni Nani ti baadi yeni. Ama baa leni lani kuli o pali daa kuugi, O nuu mo da li baa ki tiane.

Jeremi 20:10

N gba ke bi niba boncianla maadi N po ti mayuogidi. Bi tianba tua: «Jawaanciandi i kaani kuli.» Bine mo tua: «Tin daadi ki sieni o mani!» Bi tianba tua: «Yeni de! Tin daadi ki sieni o mani!» Ba n danlibuadiba li lingi n ciinu yo, Ki sugini ki cuo nni n tagili nni. Lanwani, bi soabidi ki tua: «Tin cuo o ki tuu ti panli!»

Jeremi 46:15

Be n teni ke yi bulo Apisi baa? O Diedo n pua ki guli o.

Jeremi 46:21

Ejipiti diema nni, ba ban daa yaa toatieba Lebidi ki sani. Ba ke bi wubi ba nani a naatonbila yeni, Oba kuli naa sedi ki baa mua jama, Bi fala daali, Yaa daali n bi tie ban sedi jama.

Jeremi 49:29

Fie mani bi gbandiena leni bi yangola, Bi tiadi, bi yuoyuodi leni bi diema kuli, Ban tiani bi po ki yedi: ‹I jeje ye i kaani kuli!›

Jeremi 49:5

Li Miali Diedo U Paaciamu Kuli Daano yedi: «N baa teni i jeje n cuo ŋa, Ki gaani ki cebini a i kaani kuli. Bi baa deli yikuli, Yuakuli n sani ki teli o nintuali, Oba kuli kan fidi ki yini ki taani yaaba n tiini.

Jeremi 6:25

Da ña mani i kuani nni, Ki da gedi i sani nni, Kelima yibali se lipo leni o jugisiega. I yanbani mo ye i kaani kuli.

Esekieli 32:10

Bi baa yaa ye leni i yanbani leni min baa teni yaala n baa a po. Min baa teni ki jugisiega n yaa yiini bi yula po yaa yogunu, bi badiba baa yaa digibi leni ti jawaandi kelima a po. Ŋan baa baa yaa daali, bi baa yaa digibi ke yuakuli jie o miali po.»

Esekieli 39:18

Yi baa ŋmani a jakoanda nandi, ki ño ki tinga badijaba soama, ban padi yaaba nani Basan petona, pebila, ŋuabuana leni li naatona, ban den wubi yaaba ke bi noadi yeni.

Nahumi 2:8

Bi taa o bupua nannanli ki gedini li. Yaa puoba n tuuni li nannanli yeni po Pua bi bena leni li paboanli ki mua nani mu kpaajiemu yeni.

Nahumi 2:9

Bi niba tiini ki ña Ninivi nani yaa ñima N padi li ñinpagili ki tiini yeni. Bi yi ba ki tua: «Sedi mani, sedi mani!» Ama oba kuli ki gbegidi ki nua.

Sofoni 1:14

O Diedo pabienli dacianli yeni nagini, Li nagini ki gbeni, li jaligi ki pundi. Landaali baa yaa tie moe bebe, Ba a jakoanda baa mua ki liini mi todima.