Jeremi 46:21 - U TIENU MAAMA TILI 2013

²¹ Ejipiti diema nni, ba ban daa yaa toatieba Lebidi ki sani. Ba ke bi wubi ba nani a naatonbila yeni, Oba kuli naa sedi ki baa mua jama, Bi fala daali, Yaa daali n bi tie ban sedi jama.

Gourmanchéma Bible

²¹ Baa Ejipiti diema nni ban pa yaa toatieba i ligi bu toabu po Lebidi ki sani. Baa ke bi wubi ba nani a naatonbila yeni, Oba kuli naa sedi ki baa mua jama, Min fii ki sedi bipo ki baa waani ba fala yaa daali.

Jeremi 46:21 ပူးပေါင်းရင်းမြစ်များ

2 Samueli 10:6

Anmoni buolu den laa bi yama nni ke bi fiini Davidi pali, ki teni ke o nani ba. Lani yaa po, bi den taa Siiri yaaba, yaaba n ye Beti-Lehobi leni yaaba n ye Tisoba siiga taacenda tuda piilie (20 000), Maaka bado yaa kani toatieba tudili, Tobi yaa niba yaa kani mo piiga n tudalie (12 000), ki baa pa ba i ligi.

2 Bi Badiba 7:6

O Diedo den teni ke Siiri yaaba gbadi bi toanagili nni ti toateliti, i taami leni toagocianli fuugu. Bi den yedi biyaba: «Isidayeli diema bado gedi ki ban suu Hititi leni Ejipiti yaaba badiba, ke ban ti tuogi leni ti.»

Pisomi 37:13

O Diedo laa o ti laadi, Kelima o nua ke o daali kpendi.

Mi Kpanjama 15:17

A yaa ŋmani faadi mi buama n ye naani, Li cie ŋan yaa ŋmani naawubido Ki nanga n ye naani.

Esayi 10:3

Yi baa tieni lede fala daali Leni yaa yebiadima n ye foagima Ki kpendi yeni po? Yi baa sani ki gedi ŋme yaa po yo, Ki baa mi todima? Yi baa ŋaa yi piama le yo?

Esayi 34:7

A moanaatona, a naatona leni i taami taani leni ba ki baa, Ki tinga baa ño i ne leni a naatona soama ki guo. Bi tinga wagima kuli gbie leni bi kpama

Jeremi 18:17

N baa yadi ba nani puoli faalu yeni, Yibalinba nintuali. N baa buli ba n nunga, Fala n baa ŋmaa ba yaa daali.

Jeremi 46:22

Bi yibalinba toagola n nagini yaa yogunu, Ejipiti yaaba sani ki mua nani i we yeni. Bi cua ki baa ba leni a yala nani a dayagila yeni.

Jeremi 46:5

Be n tieni? N nua be mo nne? Bi jigi kuli cie ke bi sudi puoli po. Bi pua ki guli bi jakoanda. Moala wani yua n tadi yua n pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. O Diedo n yedi yeni.

Jeremi 46:9

I taami, ña mani! Ti teliti, yi tiini mani! A jakoanda, ña mani! Yinba Etiopi leni Puti diema yaaba, Yaaba n bani li gbankoandigu mubinma, ña mani. Yinba Ludi yaaba, yaaba n bani li dabanli bonŋanla, ña mani!»

Jeremi 48:44

Ti jawaandi n deli yua, Baa baa ku buogu nni. Yua n ñani ku buogu nni mo, Baa baa i taali nni, Kelima n baa teni o falaciamo n cua Moabi po. Laa binle ke o baa togidi yaala n ye. O Diedo n yedi yeni.

Jeremi 49:8

Yinba Dedani yaaba, Sani mani ki ban wuoni ti tanlondi nni, Kelima n teni ke o falabiado baa Esayu. O fala daali n pundi, Yaa daali ke o baa togidi yaala n ye.

Jeremi 50:11

Mangi mani yi pala, mangi mani yi pala Yinba yaaba n pua mi diema nufanu yeni! Yugi ki cii mani nani yaa naasalo yaa gbanu n saagi, Yigini mani nani yaa taami n pia u paalu yeni.

Jeremi 50:27

Kpa mani o naatona kuli, Gedini ba mani u yankodikaanu kani. Fala baa ba kelima bi yogunu pundi, Bi buudi daali pundi.

Esekieli 30:22

Li tie lani yaa po yo, ke mini o Diedo, U Tienu yedi mi naa maama: «N koani leni Ejipiti bado Faraon, o buagu yaagu n pa leni yaagu n bi kua yeni, n baa kua tikuli ki teni ki jugisiega n ña o nuu nni, ki baa.

Esekieli 35:5

Isidayeli yaaba n den ye leni bi paboanli yaa yogunu, ke bi tuonbiadi mo tuoni ti bianu, a den tudi ki luni ba leni ki jugisiega, kelima a den pia bi po yaa yibalindi n ki pia gbenma.

Ose Tili 9:7

«U Tienu n baa waani Isidayeli yaaba fala yaa dana pundi, Ti buudi dana pundi, Mi biadima panpaani dana mo pundi.» Bi baa bandi la. Bi tuonbiadi yabinu leni bi nanga teni ke bi tua: «U Tienu saawalipualo yama bodi, U Tienu n soani wani yua yeni tie nani o gaado yeni.»

Amosi 6:4

Yi dua ban tabini yaa duani a luonñina, Yi dua yaa cabiladikaana n dingi bonŋanla po, Yi ŋmani i yankuli pebila Leni a naatonbiwubida.

Abidiasi 1:13

Yi kan bi kua n niba dogu nni Bi bodima daali. Yi kan bi nuali bi fala bi bodima daali. Yi kan bi fie yi kpiiba piama Bi bodima daali.

Mise 7:4

Bi siiga yua n ŋani ki cie bia nani li kongoabili yeni, Yua n tiegi ki cie moko bia ki cie ku kontuugu. Bi saawalipuaba n den tuodi ki waani yi yaa daali yeni pundi. Landaali yi gbanu baa wudi.

Matie 22:4

O go den soani naacentoaba ki yedi: ‹Yin waani min yini yaaba ke n ŋanbi mi jiema ki gbeni. N kodi n ne leni n yanwubiditi ki ŋanbi ki gbeni. Ban ji cua mi puocaajiema po na.›

Mi Tiadima 32:15

Yesuruni den dini ki gbengi, ki yiadi u danbu, Yi den dini ki guo ki gbengi, ki noadi bonŋanla. Isidayeli yaaba den ŋaa bi Tagido Ki fali bi faabima Tanciangu.