Jeremi 42:11 - U TIENU MAAMA TILI 2013

¹¹ Da go jie mani Babilonni bado, Yin se yua yaa nintuali leni ti jawaandi. Da go jie o mani. O Diedo n yedi yeni. N ye leni yi, ki baa faabi yi o nuu nni.

Gourmanchéma Bible

¹¹ Da go jie mani Babilona bado yin se yua yaa nintuali leni ti jawaandi. Da go jie o mani. Li Miali Diedo n yedi yeni. Kelima n ye leni yi ki baa tindi yi ki faabi yi o nuu nni.

Jeremi 42:11 ပူးပေါင်းရင်းမြစ်များ

2 Bi Badiba 25:26

Lane Juda yaaba kuli, taliginba, a nikpiaga leni a toagola yudanba den fii ki sani ki gedi Ejipiti, kelima bi den jie Kalide yaaba.

Pisomi 118:6

O Diedo ye leni nni, mii jie liba kuli. Bi nisaaliba baa fidi ki tieni nni be?

Pisomi 46:11

O yedi: «Sedi mani suo, Ki bandi ke mini n tie U Tienu. Mini n die i nibuoli kuli, Mini n didi go die ki tinga mo.»

Pisomi 46:7

I nibuoli fu, mi diema boncianla paalu ñuani, O kpedi o nialu, ki tinga wudi ki baa.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 43:2

Yi yaa baa duodi mi ñincianma, N baa yaa ye leni yi. Yi yaa baa duodi i kpenciami, i kan milini yi, Yi yaa baa cuoni u mu nni, U kan juu yi, U mupienu mo kan sia yi.

Esayi 43:5

Da jie mani liba, kelima n ye leni yi. N baa ñani yi puoliŋuani puoli po ki guani yi, N baa yini ki taani yi nintuali po.

Jeremi 1:19

Bi baa fii ki sedi a po, Ama bi kan fidi ki paadi a, Kelima n ye leni a ki baa faabi a. Mini o Diedo n yedi yeni.»

Jeremi 1:8

Da jie ba, kelima n ye leni a Ki baa faabi a. Mini o Diedo n yedi yeni.»

Jeremi 15:20

N baa teni ŋan tua bi naa niba po kumoanguonli. Bi baa tuogi leni a bu toabu, Ama bi kan paadi a, Kelima n ye leni a, Ki baa faabi a, ki go kubi a. Mini o Diedo n yedi yeni.

Jeremi 27:11

O Diedo yedi ke yaa nibuolu n baa teni u tulu Babilonni bado ti yonbidi po, ki baa soani o po, n baa pa u mi fuodima o diema nni. Lani n tie li diema niba n ko bu kpaabu, ki go kali mi diema nni. O Diedo n yedi yeni.

Jeremi 27:12

N maadi leni Juda bado Sedesiasi moko laa maame, ki yedi: ‹Tandi mani yi tuli Babilonni bado n lani yi li yonbilandili. Soani mani wani leni o niba po, lani n tie yin yaa ye.

Jeremi 27:17

Da cengi ba mani! Soani mani Babilonni bado po. Lani n tie yin yaa ye. Yi baa gaa lede ki teni u dogu ne n kpandi ki tua diegbena?»

Jeremi 41:18

Bi den tiini Babilonni yaaba, ban jie yaaba, kelima Netania bijua Isimayeli den kpa Ahikami bijua Gedalia, Babilonni bado n den dini yua mi diema bali.

Mi Coadima 14:9

Bonyenla bebe n ye: Yin da fiini yiema o Diedo po. Yin da jie laa diema niba, kelima bi baa tua ti po bonjekaala. Baa pia kuli yaala n guu ba, ama o Diedo ye leni ti, yin da jie ba mani!»

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku fantanbuogu nni.

Matie 28:20

N baa yaa ye leni yi yaa yogunu kuli, hali ŋanduna juodima.»

Jesu Tondiba Tuona 18:10

kelima n ye leni a. Oba kan sii ŋa ki tieni a yaala n bia, kelima n pia bi niba boncianla yaa dogu n tie ne niinni.»

LOMA YAABA 8:31

Lan tie maama yeni, ti baa yedi be? U Tienu yaa taa ti po, ŋme n baa fidi ki sedi ti po?

Mi Tiadima 20:4

O Diedo yi Tienu yegi leni yi, ki baa koani ki gaa yi yi yibalinba kani.

2 Timote 4:17

Wani o Diedo den todi nni ki puni nni u fidu ke n fidi ki waani o Laabaaliŋamo kuli cain, ke bi nilanba kuli n gbadi. O den gaa nni o yangbanlo ñoabu nni.

Josue 1:5

Hali ŋan baa yaa ye, oba kuli kan fidi ki sedi ki pani a, kelima n baa yaa ye leni a nani min den ye leni Musa maama. N baa kubi a, n kan ŋaa ŋa abada.

Josue 1:9

Mini ka li teni a yaa ñoamabonli n tie ne te: ‹Cuo ki sieni a gbanu, ki paagi a pali. Da cedi liba n wudi a gbanu, ki da jie liba kuli mo! Mini o Diedo a Tienu ye leni a ŋan fii ki baa tieni yaala kuli nni.› »