Jeremi 4:31 - U TIENU MAAMA TILI 2013

³¹ N gba li dunli nani yaa pua n bua ki maa yaa dunli yeni. N gba i yanbani ñiidi, Nani yaa puosiaga n baa maa yeni. Li tie Siyon badisalo yaa nialu yo. O fuo ki dogi, O tandi o nii ki yedi: «N bonla pia mi ninñima, Bi nikpaba baa pua ki kpa nni.»

Gourmanchéma Bible

³¹ N gba li dunli, nani yaa pua n gbaani Ki bua ki maa yaa dunli yeni, N gba i yanbani ñiindi nani yaa posiaga n da baa kpa maa o cicilimadi yeni, Siyono badisalo yaa nialu yo. O fuo ki jiindi O tandi o nii ki yedi: «N bonla pia mi niñima, Bi nikpaba baa pua ki kpa nni.»

Jeremi 4:31 ပူးပေါင်းရင်းမြစ်များ

Mi cilima 27:46

Rebeka den yedi Isaaka: «N yama ñani li miali nni, kelima Hititi bisiaba po. N miali go baa yaa pia n po mi laa fuome, Jakob pua yaa baa yaa tie nani Hititi bisiaba ne?»

Jobi 10:1

N yama ñani li miali nni. N kaa ŋmini, N baa maadi n yema ne po. N paboancianli nni n baa maadi.

Pisomi 120:5

N fala yabi leni min ye Meseki dogu nni, Leni min ye Kedari gbandiena nni.

Esayi 1:15

Yi yaa yugidi yi nii ki baa jaandi, Se min buli n nunga, Ba yi yaa figili yi jaandi n kan cengi yi, Kelima yi nii kuli tie soame.

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni koani, Ke bi poali ki buandi nani yaa pua N bua ki maa yeni. Bi diidi biyaba leni ti jawaandi, Bi nunmu kuli moandi nani U mu yeni.

Esayi 21:3

Lani n teni ke n ciaga ye leni mi koankoanma, Nani yaa funfunma n ye Yaa pua n baa maa po yeni. N jie ki luodi mo ki kan fidi ki le. Mi funfunma teni ke n kan fidi ki gbadi.

Esayi 26:17

O Diedo, ti ye a nintuali Nani yaa pua n punbi ki bua maa, Ki lu ki lebidi u tugukoanu po Ki kuudi yeni.

Esayi 42:14

N ŋmini ke li waagi, N ŋmini suo ki ñii n pali, N duni nani yaa pua n baa maa yeni. N duni ki go fuo ki dogi.

Esayi 6:5

N den yedi: «Ŋain, n bia n yeni! N tie yua yaa ñoacuuna n joagini, ki go ye yaa nibuolu yaa ñoacuuna n joagini siiga. N nuni mo laa o Bado, Li Miali Diedo U Paaciamu Kuli Daano.»

Jeremi 10:19

Jerusalemi yedi: «Mi naa yebiadima te? N bia n yeni! N poagilima ki pia ñoagu. Nmo den tua: Laa bia, N baa naabi!

Jeremi 13:21

Ŋan den tama ke yaaba n tie a danlinba Yaa ti cua ki pua ki paadi a, Ki diedi a yaa daali, A baa yedi be? Li baa yaa koani a Nani u maditugukoanu n yen cuo o pua yeni.

Jeremi 14:18

N yaa gedi ku muagu po, Diidi bu toabu n dini yaaba nne. Min didi kua u dogu nni mo, Mi koma n teni ke yaaba n yiagi nne. Ba o saawalipualo leni o kopadiciamo goadi mi diema nni, Ke li paki ba.»

Jeremi 15:18

Be n teni ke n fala ki pia gbenma? Be n teni ke n nali mo kan soangi? Be n teni ke n buu li ke li naa soangidi? Naani a li baa yaa baa ki boandi nni, Nani ku boankuongu yene?

Jeremi 18:21

Lani yaa po, ŋan teni mi koma N nandi bi bijaba. Ŋan kodi ba leni ki jugisiega. Ŋan teni bi puoba n luo a bila. Ŋan teni ban tua kpepuona. Ŋan teni mi kuuma n nandi bi ciaba, Ki go teni bi jawaaba mo n kpe bu toabu nni.

Jeremi 22:23

Fini yua n ye Liban po, Ki kaa a badidiegu nni, Ban tii yaagu leni sediri tiidi daadi, Fala yaa nandi a yaa yogunu, A baa duni boncianla, Ki yaa lu ki lebidi nani u maditugukoanu n pia yaa pua yeni!

Jeremi 30:6

Buali mani yiyaba bonŋanla, Ŋme n kpa laa o joa n gbaani ki mali naani? Be yaa po yo, ke n nan nua ke bi jaba kuli Ñii bi ciamu nani yaa pua n baa maa yeni? Be yaa po yo, ke mu nunmu kuli gbidi?

Jeremi 45:2

«O Diedo Isidayeli Tienu maadi Baruki po yaa maama n tie ne.

Jeremi 48:41

Yibali fie Keriyoti leni Mesatidoti. Moabi jakoanda tugusoama tiini, Nani yaa pua n baa maa, Yaa tugusoama n tiini maama yeni.

Jeremi 49:22

O tie nani jiebani n fii ki yugi, Ki fidi o fiabi Botisira po maama yeni. Edomi jakoanda tugusoama sani, Nani yaa pua n bua ki maa, Tugusoama n sani maama yeni.

Jeremi 49:24

Damasi tadigi. O pegidi ki baa sani. Mi digibima cuo o. Li paboanli leni mi loma cuo o, Nani u maditugukoanu yeni.

Jeremi 50:43

Babilonni bado gaa laabaali ke o jigi cie. Li paboanli cuo o. Li koani o nani u maditugukoanu n pia yaa pua yeni.»

Jeremi 6:2

Fini Jerusalemi, ba ke a ŋani bonŋanla, A nan baa bodi!

Jeremi Bubula 1:17

Siyon tandi o nii, Niloba kuli ki nanli o. O Diedo teni ke Isidayeli yieninlieba Kpandi ki tua o yibalinba, Jerusalemi tua joagindi bi siiga.

Jeremi Bubula 1:20

O Diedo, diidi n paboanli! N tugusoama sani! N yama kuli yagi boncianla, Kelima n tua niyieka moamoani. I sani nni bu toabu di a miana, Ti diedi tugu nni moko, kuuma bebe.

Jeremi Bubula 2:21

Bi jawaaba leni a jakpela, Bikuli bili bili tiipo i sani nni. N jafanba leni n jawaaba, Bu toabu dini bikuli. A pabienli nni, a kpa ba ke ninñima ki cuo ŋa.

Ose Tili 13:13

Isidayeli buolu madi pundi, Nani yaa biga yaa naa n ye Leni u maditugukoanu yeni, Ama bi nan tie nani ki biyanpiidanga yene, Yaaga yaa maayogunu n pundi, Ke ki nan yie ke ki kan ña ki naa tugu nni.

Mise 4:10

Yeni de, Siyon yaaba, yaa yalini ki duni mani, Nani yaa pua n ye leni u maditugukoanu yeni. Moala yi baa ña u dogu na niinni, Ki gedi ki ban kpaa yi gbandiena li fuali nni. Yi baa gedi hali Babilonni ki ban baa mi faabima. Lanpo, mini o Diedo baa faabi yi yi yibalinba nuu nni.

Mise 4:9

Yinba Jerusalemi yaaba, be teni ke yi buudi moala? Naani yin kaa pia bado, kaa go pia tundika yeni yaa po yo? Lani n teni ke yi mua ki yalini Nani u maditugukoanu n cuo yaa pua yeni?

Mise 7:1

Ŋain, n tie nani yaa nilo n fii Ki baa n cie o tiidi bonluonkaala u jetaagu yogunu yeni. Ama wan ban pundi waa laa wan baa ŋmani yaala. Waa laa o yama n bi ye yaa kankankpiala nni, Ba bonyenli bu tibu po.

Matie 21:5

Waani mani Siyon dogu yaaba, Ke bi bado kpendi bi kani na. O dingi boncianla, ki jagi o ŋunbo. Li tie ŋunbisaagili, o ŋunñua yaa biga.

1 Korenti 9:16

Min wangi o Laabaaliŋamo yeni, n kan kpiagi n yuli li po, kelima li tie n po tilade. Fala n baa n po n yàá wangi o Laabaaliŋamo.

1 Tesaloniki 5:3

Yaa yogunu ke bi niba tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.