Jeremi 38:22 - U TIENU MAAMA TILI 2013

²² ‹Bi baa gedini Juda bado diegu nni puoba, yaaba n sieni kuli Babilonni bado koanbala kani.› Lani, bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋaa ŋa.› »

Gourmanchéma Bible

²² ‹Bi baa gedini Juda bado diegu nni puoba yaaba n sieni kuli, Babilona bado koanbala kani.› Lani bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋa ŋa.› »

Jeremi 38:22 ပူးပေါင်းရင်းမြစ်များ

Jobi 6:15

N kpiiba kpani n gbanu, Nani yaa kpenu n yen ñuudi yeni.

Pisomi 41:9

Bi tua: «O yianu ne kan cedi o. O kan fii o duanu ne po.»

Pisomi 69:14

Ama mini wani, n jaandi a o Diedo! Gaa n jaandi moala, Fini li ŋanbili daano! Gaa n miabu, Kelima fini n tie n gaapo moamoani.

Pisomi 69:2

Faabi nni n Tienu, Kelima mi ñima caa ki baa bolini nni.

Esayi 42:17

Ama yaaba n bili bi dugidi Ban tagi yaa buli nni, Bani yaaba n yedi ban duadi yaala: «Yi tie ti tieni!» Bi baa suli puoli, bi baa fiagi.

Jeremi 13:21

Ŋan den tama ke yaaba n tie a danlinba Yaa ti cua ki pua ki paadi a, Ki diedi a yaa daali, A baa yedi be? Li baa yaa koani a Nani u maditugukoanu n yen cuo o pua yeni.

Jeremi 20:10

N gba ke bi niba boncianla maadi N po ti mayuogidi. Bi tianba tua: «Jawaanciandi i kaani kuli.» Bine mo tua: «Tin daadi ki sieni o mani!» Bi tianba tua: «Yeni de! Tin daadi ki sieni o mani!» Ba n danlibuadiba li lingi n ciinu yo, Ki sugini ki cuo nni n tagili nni. Lanwani, bi soabidi ki tua: «Tin cuo o ki tuu ti panli!»

Jeremi 27:14

Yin da cengi yaa saawalipuaba n tua yi: ‹Yin da soani Babilonni bado po!› Ban pua yi yaa saawalo yeni tie faame.

Jeremi 27:15

Mini o Diedo ki soani ba, ke bi nan pua saawalifaama n yeli nni, ki bua min ña yi maama nni, ki bolini yi, yinba leni yaa saawalipuaba n pua yi po laa saawalibuoli kuli.»

Jeremi 38:19

O bado Sedesiasi den guani Jeremi: «N pia i yanbani yaa Jufinba n taa bi yula ki teni Babilonni yaaba po. N jie ban da ti ŋaa nni leni ba, ban waani nni fala.»

Jeremi 38:21

Ama a yaa yie ke a kan ña ki ban teni a yuli mo, o Diedo n waani nni yaala n ne:

Jeremi 41:10

Isimayeli den taa yaa niba n sieni Misipa dogu nni, ki gedini ba ti yonbidi. Lani n tie: o bado bisiaba leni yaaba n bi sieni Misipa Nebusaradani badidiegu guudikaaba yudaano n den piani Ahikami bijua Gedalia yaaba. Netania bijua Isimayeli den cuo ba ti yonbidi ki gedini ba. O den fii ki gedi Anmoni yaaba diema nni.

Jeremi 43:6

Lani, tie: li jaba, li puoba, li bila, o bado bisiaba leni Nebusaradani, badidiegu guudo n den ŋaa yaa niba kuli leni Ahikami bijua Gedalia, Safani yaabili. Bi den taa o saawalipualo Jeremi leni Neriya bijua Baruki moko.

Jeremi 46:21

Ejipiti diema nni, ba ban daa yaa toatieba Lebidi ki sani. Ba ke bi wubi ba nani a naatonbila yeni, Oba kuli naa sedi ki baa mua jama, Bi fala daali, Yaa daali n bi tie ban sedi jama.

Jeremi 46:5

Be n tieni? N nua be mo nne? Bi jigi kuli cie ke bi sudi puoli po. Bi pua ki guli bi jakoanda. Moala wani yua n tadi yua n pa jige! Oba kuli ki go tiini ki gbegidi ki nua! Ti jawaandi bebe n ye i kaani kuli. O Diedo n yedi yeni.

Jeremi 6:12

N baa fii ki sedi mi diema yaaba po, Ki teni nitoaba n fie bi diedi, Bi puoba leni bi kuani kuli. O Diedo n yedi yeni.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Jeremi Bubula 1:13

Hali tanpoli, o teni ke u mu Kua n kpaba nni, ki juugi a. O dia nni ti cuadi, Ki teni ke n ŋmadi ki baa. O teni ke n pali boandi, Ke n ye leni fala li yentunli kuli nni.

Jeremi Bubula 1:2

Ñiagu kuli o mua, O nunsiidi mo tagidi o tankpina po. O jaconcona siiga, Oba kuli ki baagidi o. O buakaaba kuli ñani o puoli, Ki kpandi ki tua o yibalinba.

Jeremi Bubula 5:11

Bi ñii bi puoba leni u paalu Siyon dogu nni, Ki ñiigi bi jafanba Juda dogi nni.

Mise 7:5

Da dugi mani yi yieninlieba po, Ki da jigini yi danlinba. Bandi mani yin baa yaa maadi maama, Yi puoba yaaba n dua ki baali yi kani.