Jeremi 37:17 - U TIENU MAAMA TILI 2013

¹⁷ O bado Sedesiasi den soani ke bi yini o, ke o boni leni o ŋasiili nni badidiegu nni, ki buali o: «Naani o Diedo pia n po maamiba?» Jeremi den guani ki yedi: «O pia a po!» O den yedi: «Babilonni bado baa diedi a.»

Gourmanchéma Bible

¹⁷ O bado Sedesiasi den soani ke bi yini o ki boni leni o ŋasiili nni badidiegu nni ki yedi o: «Naani Li Miali Diedo pia npo maamaba?» Jelemi den goa ki yedi: «O pia apo!» O den yedi: «Babilona bado baa diedi a.»

Jeremi 37:17 ပူးပေါင်းရင်းမြစ်များ

1 Bi Badiba 22:15

Wan den pundi o bado kani, o den yedi o: «Mise, tin gedi ki ban baa Galaadi diema yaa Ramoti bu toabu, bi tin da gedi?» O den guani ki yedi o: «Fii ki gedi. A sanu baa pendi. O Diedo baa taa ba ki tieni a nuu nni.»

1 Bi Badiba 22:16

Ama o bado den guani ki yedi o: «Hali taalimiŋa, n baa teni ŋan poli o Diedo yeli nni ke a li baa maadi nni moamoani bebe?»

2 Bi Badiba 25:7

Bi den kodi wani Sedesiasi bijaba o nunbu nni, ki fiadi wani o ba mo yaa nuni, ki loli o ti kumoandi kpaadi, ki gedini o Babilonni.

Jeremi 15:11

O Diedo poli ki yedi: «N den faabi a a yema ŋamu po yo. N baa teni a yibali n gbaani ki pugi a, Fala leni li paboanli yogunu.

Jeremi 21:7

Li yaa puoli, mini o Diedo n yedi: ‹N baa taa Juda bado Sedesiasi, o koanbala leni u naa dogu niba kuli, bu toabu leni mi koma n dini ki ŋaa yaaba, ki ŋaa ba Babilonni bado Nebukanesa leni yibalinba leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi ninñima. Niloba kan cia. O kan juogi ba.› »

Jeremi 24:8

O Diedo yedi nanda: «Nani ban soani yaa kankana n biidi kaa pia ŋmanma maama, n baa soani Juda bado Sedesiasi leni o koanbala yene. N go baa soani yaa niba n sieni ki ye mi naa diema nni, Jerusalemi dogu nni leni Ejipiti diema nni kuli yene.

Jeremi 25:35

Wuonkaanu kan go yaa ye bi yankpaaba po! Yaaba n kpaa ti yandi kan go yaa pia denkaanu.

Jeremi 37:3

O bado Sedesiasi den soani Selemia bijua Yehukali leni o kopadiciamo Maaseya bijua Sofoni, o saawalipualo Jeremi kani ke ban yedi o: «Ti mia ŋa, ŋan jaandi ki mia ti po ti Diedo ti Tienu!»

Jeremi 38:5

O bado Sedesiasi den yedi: «Wani nne, o ye yi nuu nni, kelima ba ke n tie bado, n nan kan fidi ki yie yi po liba kuli.»

Jeremi 52:8

Ama Kalide yaaba toagoli den ŋoadi o bado Sedesiasi ki nandi o Jeriko tialu nni. O toagoli kuli den yadi ki ŋaa o.

Esekieli 7:26

Fala baa pendi, fala n cua. Laabaalibiado baa tuu laabaalibiado. Bi baa mia o saawalipualo li bonlekaala, O kopadiciamo mo kan go baa Wan baa bangi ba yaala, A nikpela mo kaa go pia bi po tundi.

Mi Coadima 23:17

Balaam den lebidi ki guani Balaki kani, ki sua ke o se o padijuukaali kani, wani leni Moabi yudanba. Balaki den buali o: «O Diedo yedi be?»

Marki 6:20

kelima wani Herodi den fangi Jan, ki kubi o ke liba n da tieni o, kelima o den bani ke Jan tie yaa nilo n tiegi ki go tie nigagidiŋamo. O yaa den gba Jan tundi yaa yogunu, o yama yen lengidi, ama ba yeni o den cengi o maama leni li pamanli.