Jeremi 35:4 - U TIENU MAAMA TILI 2013

⁴ N den gedini ba o Diedo diegu nni, Gedalia bijua Hanani U Tienu nilo dieli nni. Laa dieli den kuu leni a koanbala dieli, ki ye Salumi bijua Maaseya yua n guu li cuuli dieli yuli po.

Gourmanchéma Bible

⁴ N den gedini ba Li Miali Diedo diegu nni, Gedalia bijua Amana U Tienu nilo ŋoadikaaba dieli nni. Laa dieli den kuu leni a koanbala dieli, ki ye Salumi bijua Maseya yua n guu li cuuli dieli yuli po.

Jeremi 35:4 ပူးပေါင်းရင်းမြစ်များ

1 Bi Badiba 12:22

Ama U Tienu den maadi leni U Tienu nilo Semaya yaa maama n tie ne:

1 Bi Badiba 13:1

O Diedo den yedi wani U Tienu nilo yendo ke wan ña Juda ki gedi Beteli. O den pundi likani Jeroboami n den padi ki juugi li padibinbinli po yaa yogunu.

1 Bi Badiba 13:26

Wani yua n den ban guani o lielo yeni n den gbadi, o den yedi: «U Tienu nilo yua n den yie o Diedo ñoamabonli yene ke o Diedo teni ke o yangbanlo cuo o ki padi padi o ki kpa o, nani o Diedo n den yedi o maama.»

1 Bi Badiba 17:18

Lane o pua yeni den yedi Elia: «U Tienu nilo, be n ye mini leni fini siiga? A cua n deni ki baa tiadi nni n tuonbiadi, ki go teni n bijua n kpe yo?»

1 Bi Badiba 17:24

O pua yeni den guani ki yedi o: «Moala n bandi ke a tie U Tienu nilo, ke wani o Diedo maama yaama n ña a ñoabu nni tie moamoani.»

1 Bi Badiba 20:28

U Tienu nilo yeni go den cua Isidayeli diema bado kani ki yedi o: «O Diedo yedi daa: ‹Nani Siiri yaaba n yedi ke mini Li Miali Diedo tie a juana Tienu, kaa tie i tiali Tienu yeni, n baa taa yaa niba n tie ne kuli ki tieni a nuu nni. Yeni yi baa bandi ke n tie Li Miali Diedo.› »

2 Bi Badiba 1:9

O den soani toatieba piimuu yudaano leni o toatiepiimuudi ban ban cuo Elia. Bi den doni ki sua ke o kaa li juali yuli po. O yudaano yeni den yedi Elia: «U Tienu nilo, o bado yedi ke ŋan jiidi ne!»

2 Bi Badiba 12:9

Bi kopadicianba den tuo ke bi kan go gaa i ligi Isidayeli yaaba kani, ki ñani bi nii o Diedo diegu ŋanbima nni.

2 Bi Badiba 25:18

Bi guudikaaba yudaano den cuo bi kopadicianba bado Seraya, o duogili Sofoni leni U Tienu diegu buliñoa-guuditaadiba.

2 Bi Badiba 5:14

Naama den gedi Jurden po ki kua mi ñima nni ki mia taalimilele nani U Tienu nilo n den yedi o maama. O gbanu den guani ki tua nani ki bonwaaga yaa gbanu yeni, ke o ŋanbi cain.

2 Bi Badiba 5:20

U Tienu nilo Elise naacemo Gehasi den kpaagi o yama nni ki yedi: «Diidi ki le, n canbaa cedi ke Siiri yua Naama gedi, waa gaa o kani paabuba kuli. Hali o Diedo po, n baa sani ki nandi o ki gaa o kani bonliba.»

2 Bi Badiba 6:10

Lanwani, Isidayeli diema bado den soani bi niba U Tienu nilo n den waani o ke wan yaa jie yaa kaanu yeni, ke bi ye lipo ki diidi. Laa bonbuolu den tieni, laa tie yenma bi milie ka.

2 Bi Badiba 7:17

O bado den teni ke bi toatieba yudaano, wan dugi yua yaa po yeni n guu bu buliñoabu. Ama bi niba den ŋmaa laa yudaano likani ke o kpe u dogu bilinu buliñoabu kani, nani U Tienu nilo n den yedi maama, o bado n den gedi o kani yaa yogunu.

2 Bi Badiba 7:2

Bi toatieba yudaano, o bado n den dugi yua yaa po yeni den guani ki yedi U Tienu nilo: «Ba o Diedo yaa luodi tanpoli bona, laa bonla baa tieni?» Elise den guani ki yedi o: «A baa le la leni a nuni, ama a kan je la.»

1 Bi Badiba Jama 9:27

Bi yen dua ki ye U Tienu diegu balinma, kelima bani n den die ku guudima leni ku luodima tiŋaagu kuli.

2 Bi Badiba Jama 8:14

Nani Davidi n den jagi ki tieni maama, Salomon den kuani bi kopadicianba bi tuonli nni. Wan den kuani Levi buolu mo yaa tuonli nni den tie ban yaa pagi o Diedo daali kuli, ki go todi bi kopadicianba bi tuona nni. O go den cedi ke a buliñoaguuda mo den se, cagili kuli leni ban den guuni li yaa buliñoabu. Lani n den tie U Tienu nilo Davidi n puogi ba yaala.

Pisomi 84:10

U Tienu, fini yua n tie ti gbankoandigu, Noanli ŋan gandi yua nunga nni.

Jeremi 21:1

O Diedo n den teni yaa maama o saawalipualo Jeremi, o bado Sedesiasi po. O bado den soani Malikia bijua Pasehuri leni Maaseya bijua o kopadiciamo Sofoni, Jeremi kani, ki mia o ke wan

Jeremi 26:10

Juda diema koanbala n den gaa laabaali, bi den ñani badidiegu ki cua o Diedo diegu nni, ki kali o Diedo diegu buliñoapanbu kani.

Jeremi 35:3

N den taa Yaasania, Jeremi bijua, Abatisinia yaabili, o kpiiba, o bijaba leni Rekabi diegu yaaba kuli.

Jeremi 52:24

Bi guudikaaba yudaano den cuo bi kopadicianba bado Seraya leni o duogili Sefania leni U Tienu diegu buliñoa-guuditaadiba.

Esekieli 40:38

Diebiyenli go den ye a buliñoana buliñoajadi siiga. Lankane bi den ŋuudi ban den kodi yaa yandi a padijuukaana po.

Esekieli 43:8

Bi den maa bi buliñoakoala n yaa buliñoakoala kani. Bi den sieni bi buliñoagunda n yaa buliñoagunda kani. Li goanli bebe n den ye mini leni bani siiga. Bi den joagini n yeli yaali n gagidi ki ŋani leni ban den soani yaa cancagintuonli. Li tie lani yaa po yo, ke n pabienli nni, n den bolini ba.

Mi Tiadima 33:1

Diidi U Tienu nilo Musa n den gaali Isidayeli yaaba yaa gaali, ki daa kpe.

1 Timote 6:11

Ama fini U Tienu nilo, ŋan sani ki ŋaa laa bonla, ki yaa ŋua mi teginma, U Tienu tuoma, li dandanli, mi buama, li juunli leni mi dingima.

2 Timote 3:17

Lani n tie U Tienu nilo n ŋanbi cain, ki bogini ki fidi ki yaa tiendi a tuonŋama kuli.

Josue 14:6

Ban den ye Giligali, dayenli Juda buolu yaaba den nagini Josue kani. Yefune bijua Kalebi, Keni buolu yua den yedi wani Josue: «A bani o Diedo n den yedi U Tienu nilo Musa yaala mini leni fini po, tin den ye Kadesi-Balineya yaa yogunu?

1 Samueli 2:27

U Tienu nilo den cua Eli kani ki yedi o: «O Diedo yedi: Mii den doagidi n yuli a baadiegu yaaba po ban den ye Ejipiti diema nni, ki tie Faraon yonbi te?