Jeremi 33:18 - U TIENU MAAMA TILI 2013

¹⁸ Bi kopadicianba Levi buolu kan luo bi puoliŋuani siiga yaaba n baa gaa bi tuonli, ki yaa juugi a padijuukaana leni a dugibila, ki padi a pada daali kuli, ki gaani bu paabu.› »

Gourmanchéma Bible

¹⁸ Bi kopadicianba Lefi buolu yaaba Kan luo bi puoliŋuani siiga yaaba N baa ga bi tuonli bi puoli po, Ki yaa padi a *padijuukaana ki juugi a *dugibila Leni bu paabu ki yaa padi a pada daali kuli.› »

Jeremi 33:18 ပူးပေါင်းရင်းမြစ်များ

Esidirasi 3:5

Laa jaanma puoli, bi den suagi ki padi daali kuli yaa padijuukaana nani lan den diani ki bili yaa padijuukaana i ŋmapaani po leni yaa jaanma n den gagidi o Diedo po. Bi go den padi yuakuli n den puuni o Diedo yaala o yama po.

Esayi 56:7

N baa yini bani n joagagidikaali po, Ki teni ban mangi bi pala n diegu nni, Ban jaandi nni naani. N baa tuo ki gaa bi padijuukaana Leni bi pada kuli n padibinbinli po, Kelima n Diegu baa yaa yi I jaandi diegu yo i nibuoli kuli po.

Esayi 61:6

Ama yinba, bi baa yaa yi yi “Li Miali Diedo yaa kopadicianba”, Ki go yi yi “ti Tienu naacenba”. Yi baa je mi nilandiema kuli ŋalimano, Ki yaa jigini yi yula leni bi yaa kpiagidi.

Jeremi 33:19

O Diedo maadi leni Jeremi ki yedi:

Jeremi 33:22

Nani ban kan fidi ki coadi tanpoli ŋmabila maama kelima a yabinu po yeni, bi ki biigi mi ñincianma tanbiima maama yeni, n baa teni n naacemo Davidi puoliŋuani leni bani Levi buolu, yaaba n tuuni n po n pili yene.»

Jeremi 35:19

lani yaa po, Li Miali Diedo U Paaciamu Kuli Daano, Isidayeli Tienu yedi ke Rekabi bijua Yonadabi, kan luo yaa puoliŋuani n baa yaa ye ne, n nintuali daali kuli.› Lani n tie o Diedo Isidayeli Tienu n yedi yaala.»

Esekieli 44:15

Ama bi kopadicianba Levi buolu Sadoki puoliŋuani, n den kubi n kaangagidiŋamu tuonli bonŋanla, Isidayeli yaaba n den yaadi ki foagidi leni nni yaa yogunu. Bani n baa nagini n kani, ki yaa tuuni n po, ki ye n nintuali, ki padi n po ti yandi kpama leni mi soama. Mini o Diedo U Tienu n yedi yeni.

Esekieli 45:5

Levi buolu, yaaba n ye ku diegu nni tuonli po, n baa yaa die yaa tinga foaginu baa yaa tie piilie n nukpanduna tudamuu (25 000), ki pianu mo nukpanduna tuda piiga (10 000).

Mi Coadima 3:5

O Diedo den maadi leni Musa, ki yedi:

LOMA YAABA 1:21

Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

LOMA YAABA 15:16

ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo. Lani n tie ke bani bi nilanba n tua nani U Tienu n baa tuo yaa padili ke li mani o, U Tienu Fuoma Yua n gagidi yaali wani U Tienu po.

Mi Tiadima 18:1

Musa den yedi: «Bi kopadicianba Levi puoliŋuani, Levi buolu kuli kan yaa pia biinuba, bi faaliba Isidayeli yaaba siiga. Bi baa yaa di ban padi yaa pada u mu nni o Diedo po leni wani o ba n puni ba yaa faali.

Mi Tiadima 24:8

Fangi mani yi yula leni mi gbaadima, ki kubi bonŋanla ki go tieni bi kopadicianba Levi buolu n bangi yi yaala kuli. Yi baa tieni ki go kubi min teni ba yaa ñoamabona yeni.

Josue 3:3

ki yedi bi niba kuli: «Yi yaa laa ke bi kopadicianba, bani Levi buolu yaaba, taa o Diedo yi Tienu ŋantaadikpaku ki bugi, yin fii mani ki ña yin ye naani, ki ŋoadi ku.

1 Pieri 2:5

Yinba yaaba mo n tie nani yaa tana n fo, teni mani ban maa yi yin tua U Tienu diegu, o Fuoma n ye naankani. Lani, yi baa tua yaa kopadicianba n gagidi U Tienu po, ki padi o po yaa pada n gagidi, ki go mani o po, kelima Jesu Kilisiti yaa po.

1 Pieri 2:9

Ama yinba wani, yi tie ban den gandi yaa buolu, o Bado kopadicianba, yaa buolu n gagidi ki ŋani, wan baa yaa buolu o yuceli po. O yini yi ke yin ña li biigili nni, ki kua o yenma yaama n ŋani cain nni, ke yin yaa wangi o tuona yaa n ŋani boncianla.

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 5:10

A teni ke bi tua diema leni kopadicianba U Tienu po. Bi baa yaa die ki tinga nni kuli.»