Jeremi 33:16 - U TIENU MAAMA TILI 2013

¹⁶ Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Gourmanchéma Bible

¹⁶ Laa yogunu Juda baa baa mi *faabima, Jelusalema baa yaa pia mi yanduanma. Diidi mani ban baa yaa yi Jelusalema maama: “Li Miali Diedo ti teginma.”

Jeremi 33:16 ပူးပေါင်းရင်းမြစ်များ

Esayi 45:17

Isidayeli yaaba wani, bi baa baa Mi faabima kelima o Diedo po. Yaa faabima n baa yaa ye hali yaa yogunu kuli, Yi kan go fiagi, yi kan go yaa ye Leni i fe hali yaa yogunu kuli po.»

Esayi 45:22

Yinba yaaba n ye hali i tinbiani kuli, Jigidi mani ki nuali nni Ki baa mi faabima, Kelima mini n tie U Tienu, Tientoa ki ye.

Jeremi 23:5

O Diedo yedi: «Diidi a dana kpendi, N baa teni Davidi buolu nni Ki bimoanga n maa. O baa yaa tie yaa bado n tuuni Bonŋanla leni mi yanfuoma, Kelima o baa yaa ŋua yaa bujiali n tiegi Ki go tiegi mi diema nni.

Jeremi 23:6

O jama nni, Juda diema baa baa mi faabima, Isidayeli diema mo n yaa ye leni mi yanduanma. Diidi ban baa yini o maama: ‹O Diedo n tie ti teginma.›

Jeremi 30:10

Fini n naacemo Jakob, Da jie liba, o Diedo n yedi yeni. Isidayeli, da digibi ba! Diidi n baa faabi a ki tinga nni Leni a puoliŋuani n ye ti yonbidi yaa diema nni. Jakob baa guani ki mangi o pali Mi fuodima po leni mi yanduanma po. Oba kuli kan go cua ki lengi o yama.

Jeremi 32:37

«N baa taani ba, min den yadi ba yaa dogi nni kuli, n pabienli, n mutuoli, n pabiidili leni n pali n den boandi bi po yaa yogunu. N baa guani ba nekanba, ki teni ban yaa ye leni mi yanduanma.

Jeremi 50:7

Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba, Kelima bi tieni ti tuonbiadi O Diedo mi teginma daano po, Wani, bi baanba n den dugi yua yaa po.›

Esekieli 28:26

Bani Isidayeli yaaba baa yaa ye mi niinni leni mi yanduanma. Bi baa yaa maa ti diedi, ki ŋuu duven tiidi kuani. Bi baa yaa ye mi niinni leni mi yanduanma, min baa jia yaaba n lindi ba ki fali ba buudi yaa yogunu. Lani, bi baa bandi ke n tie Li Miali Diedo bi Tienu.»

Esekieli 38:8

Li yaa puoli, a bina boncianla yaa pendi, n baa teni a n ñoamabonli. N baa soani a Isidayeli yaaba kani. N baa soani a bi niba boncianla kani, yaaba n ye Isidayeli juana nni, ban fie yaaba hali yogu. Ban paadi leni yaa nibuoli n sieni yeni, bi baa yaa ye leni mi yanduanma. Mi niba yaaba n faabi leni ki jugisiega ki den yadi yadi ki ye yaa nilanbuoli n yabi boncianla siiga baa taani Isidayeli diema juana po, yaa n ki den pia niba yeni po. Bikuli baa yaa ye leni mi yanduanma bi diedi nni.

Esekieli 48:35

Yaa bilini n baa gaani ki lindi u dogu kuli baa taani ki yaa tie piiga n nukpanduna tudanii (18 000). Lanwani, ki cili hali landaali, u dogu yeli baa yaa tie: ‹O Diedo ye nekanba.› »

Danieli 9:7

Fini o Diedo, a tiegi. Ama tinba Juda yaaba, Jerusalemi dotieba leni Isidayeli yaaba kuli, ti ye leni i fe dinla. Ti siiga yaaba n ye koanma nni leni yaaba n ye foagima, ŋan den deli ki yadi yaaba mi diema nni kuli ye leni i fe, kelima ti den ŋaa a maama.

LOMA YAABA 11:26

Li tie yeni ke Isidayeli buolu kuli baa faabi nani lan diani maama: «O candaano baa ña Siyon po, Ki ñani U Tienu yiema kuli Jakob puoliŋuani pala nni.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie ti po mi yanfuoma, mi teginma, mi gagidiŋanma leni mi daafaabima.

2 Korenti 5:21

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba po, ke timo n baa ki tua o yaa niinni U Tienu niteginkaaba.

Mi Tiadima 33:12

O den yedi Benjamen buolu po: «Bani n tie o Diedo buakaaba, Bi ye o yaa kani ke bi jigi co. O Diedo guu ba yogunu kuli, Ki ye bi siiga.»

Mi Tiadima 33:28

Lani n teni ke Isidayeli yaaba ye ke bi jigi co. Bani Jakob buolu ñinbunli piadi ki ye li bebe. Yaa diema nni n pia ŋalikama leni duvenpaano Ke mi tanpoli mo luoni ku mangu.

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.