Jeremi 33:11 - U TIENU MAAMA TILI 2013

¹¹ I pamandanyani, li pamankandikaali yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano kelima o ŋani, o ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani o Diedo diegu nni. N baa teni yaaba n den ye ti yonbidi n guani ki kpeni min kaani ba nani kpiama yeni. Mini o Diedo n yedi yeni.»

Gourmanchéma Bible

¹¹ I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Jeremi 33:11 ပူးပေါင်းရင်းမြစ်များ

1 Bi Badiba Jama 16:34

Pagi mani o Diedo kelima o ŋani, O ŋanbili ye hali yaa yogunu kuli,

1 Bi Badiba Jama 16:8

Pagi mani o Diedo, dondi o mani! Teni mani i nilanbuoli n bandi wan soani yaa tuonciama!

2 Bi Badiba Jama 20:21

Josafati den juogi leni li nitaanli, ki gandi bi yanyinba ban yaa cuoni li toagoli liiga, ki la yaa tiadi n gagidi i yani po, ki yiini ki tua: «Pagi mani o Diedo kelima o ŋanbili ye hali yaa yogunu kuli.»

2 Bi Badiba Jama 29:31

O bado Esekiasi den guani ki maadi leni bi niba, ki yedi: «Moala, yinba yaaba yaa nii n cuani yaa paabu n yabi o Diedo po, yin cuani U Tienu diegu kani, mi taanyenma pada leni ti pagidi pada.» Bi niba den cuani ti yandi laa pada po. Yaaba n den pia ti bulicindi moko den padi a padijuukaana.

2 Bi Badiba Jama 5:13

Yaaba n den piebi kakacinba leni yaaba n den yiini kuli den taani ki kpiagidi o Diedo, ki piebi kakacinba, ki pua ti kupandi leni baantiatoadi, ki tua: «Pagi mani o Diedo kelima o ŋani, o ŋanbili mo ye hali yaa yogunu kuli!» Lanyogunu ku tawaligu den cua ki gbieni o Diedo diegu.

2 Bi Badiba Jama 7:3

Isidayeli yaaba, yaaba n den ye likani kuli den laa ke u mu leni o Diedo kpiagidi jiidi ku diegu po, bi den labini tinga po, ki kpiagi ki go pagi o Diedo, kelima o ŋanbili leni o buama yaama n ki pia bianu po.

Esidirasi 6:22

Bi den jaani yaa dupen n ki pia dabinli jaanma leni li pamanli hali danalele. O Diedo den mangi bi pala, kelima o den kuani Asiiri yaaba bado yama nni ke o todi ba leni wani Isidayeli Tienu diegu tuonli.

Nehemi 12:43

Landaali bi den padi a pada boncianla, ki mangi bi pala kelima U Tienu den puni Isidayeli yaaba li pamancianli. Bi puoba leni a bila moko den mangi bi pala. Lane bi niba den gbadi Jerusalemi pamanli kpaani hali foagima.

Nehemi 8:12

Lanwani, bi niba kuli den kuni ki ban dini ki go ñuni, ki soani mi jiema yaaba n ki pia po, ki mangi bi pala boncianla, kelima bi den gaa ban den bundi bi po yaa maama.

Pisomi 106:1

Pagi mani o Diedo! Pagi mani o Diedo kelima o ŋani, O ŋanbili mo ye hali yaa yogunu kuli.

Pisomi 107:1

Pagi mani o Diedo kelima o ŋani, O ŋanbili mo ye hali yaa yogunu kuli!

Pisomi 107:22

Ban padi i tuondi pada ki pagi o Diedo, Ki togidi wan soani yaa tuona kuli Leni li pamanli yigimi.

Pisomi 116:17

N baa padi a po i tuondi pada, Ki taa o Diedo yeli ki jaandi a.

Pisomi 147:13

Kelima o pugini a buliñoaluoditi u paalu. O seligidi a bijaba yaaba n ye a niinni.

Pisomi 85:7

Naani fini ka baa guani, Ki teni tin yaa fo? Lani n tie a niba pala n mangi a po.

Esayi 35:10

O Diedo n daa ki faabi yaaba baa kpeni. Bi baa pundi Siyon leni i jakoandiyani, Yaa pamanli n kan gbeni abada Baa yaa jagi bi yula po. Li pamanli leni i laayieni baa nagini, Li pabiidili leni i figindi mo n foagidi.

Esayi 51:11

O Diedo n faabi yaaba, Baa lebidi ki kpeni yene. Bi baa pundi Siyon leni li pamanli yani, Yaa pamanli n ki pia gbenma mo N baa yilini bi yula. Li pamanli leni li pamankandikaali N baa sani ki cua. Li paboanli leni i figindi mo baa sani ki foagidi.

Esayi 51:3

Yeni, o Diedo gba Siyon po mi ninñima. O gba yaaba n ye ti diegbendi nni ninñima. O baa teni o fanpienma n tua nani Edeni, O tialu mo n tua nani o Diedo salidingo yeni. Li pamanli leni li pamancianli baa yaa ye o niinni, Ki taani ti pagidi yani leni i gogidimuani.

Esayi 52:8

Li tie a doguudiba yaa nialu, Bi kpedi bi nialu, Ki taani ki yigini kelima bi paadi po. Bi laa leni bi nuni ke o Diedo lebidi ki guani Siyon.

Esayi 52:9

Yinba Jerusalemi diegbena yaaba, Taani ki yigini mani mi paadima yigimi, Kelima o Diedo baagi o niba, Ki daa ki faabi Jerusalemi.

Jeremi 16:9

Kelima Li Miali Diedo U Paaciamu Kuli Daano, Isidayeli Tienu yedi: ‹Mini! N baa teni li pamankandikaali yani, toginaa leni togibaa yani leni i yigimi kuli n gbeni. Laa bonla kuli baa tieni yi nunbu nni, ke yi da pia yi miana.›

Jeremi 17:26

Bi niba baa ña Juda dogi leni yii n gaani ki lindi Jerusalemi, Benjamen diema dogi, Sefela po, li juali leni nuganu po yaaba. Bi baa cuani a padijuukaana, a pada, bu paabu, a dugibila leni i tuondi pada o Diedo diegu nni.

Jeremi 25:10

N baa teni bi siiga li pamancianli leni i laayieni, togibaa leni toginaa yani, li naali leni ki fidisanga yenma n gbeni.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:19

Bi siiga nni i pamandanyani Leni i yigimi baa fii ki loli. N baa teni ban pugini boncianla, Bi kan go wadi. N baa kpiagi ba, bi kan go le yualu.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 32:44

Bi baa daa i kuani yeni leni i ligi, ki diani li tili mi daama yogunu. Bi baa tieni a mi maalima, ki lingi siedinba Benjamen diema nni, Jerusalemi dogu lindima, Juda dogi nni, a juana dogi nni, Sefela dogi nni leni Nuganu dogi nni, kelima n baa teni bi yonbi n kpeni.› Mini o Diedo n yedi yeni.»

Jeremi 33:26

naani n baa fidi ki ŋaa Jakob leni n naacemo Davidi puoliŋuani, ki da go gandi bi puoliŋuani siiga yaaba n baa gobidi Abalahama, Isaaka leni Jakob puoliŋuani? N baa teni bi niba yaaba n gedi ti yonbidi n kpeni. N baa gbadi bi po mi ninñima.› »

Jeremi 33:7

N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Jeremi 7:34

N baa teni Juda dogi leni Jerusalemi niinni, i pamandanyani n gbeni. Togibaa leni toginaa moko yaa yani baa gbeni, kelima yaa nufanu n baa pua mi diema yeni po.»

Amosi 9:14

N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Jonasi 2:9

Yaaba n ŋua i buli, Yii n tie fanma fanma, Faabima ki ye bi po.

Nahumi 1:7

O Diedo tie yua n ŋani, Ki go tie wuonkaanu li pabiidili daali. O kubi yaaba n cua ki wuoni o kani bonŋanla,

Sofoni 3:14

Mangi mani yi pala, yinba Siyon yaaba! Yigini mani i pamandanyigimi, yinba Isidayeli yaaba! Mangi mani yi pala hali boncianla, Yinba Jerusalemi dogu yaaba!

Sakari 10:7

Isidayeli buolu baa yaa tie nani a jakoanda yeni, Bi pala baa yaa mani Nani yaaba n ñuni mi daama yeni. Bi puoliŋuani baa le o Diedo N baa pa ba yaa pamancianli yeni.

Sakari 8:19

«Yi luo bu ñoabu Cinaa, cimuu, cilele leni cipiiga. Moala, laa ŋmaali baa tua yinba Juda yaaba po jaancianma, yaama n pia yi po li pamancianli. Ama yin yaa bua i moamoani leni mi yanduanma.»

Sakari 9:17

Bi diema baa yaa mani ki go ŋani mo. Likani ŋalikama leni O duvenpaano baa teni Bi jawaaba leni bi jafanba N yaa fandi leni u gbanmanu.

Jan n diani U Tienu Laabaaliŋamo maama 3:29

Yua n die o puocaano tie o puocaano calo. Ama o puocaano calo danli, yua n ye o kani ki cengi o, pali mani boncianla o yaa gbadi o puocaano calo nialu. Nmoko pia laa pamancianli buolu yo, ke li dagidi cain.

Hebilunba 13:15

Lanwani, kelima Jesu po, tin yaa padi mani U Tienu po yaa padili n tie ti pagidi yaa yogunu kuli, lani n tie ti ñoana n yaa pagi o yeli.

Mi Doagidima 18:23

Ki fidisanga yenma Kan go yendi a niinni abada. Bi kan go gbadi li puocaan-pamanli Niali a niinni abada, Kelima a kpenda den tie Bi nicianba ki tinga nni, A den boandi i nibuoli kuli Leni a tanbipuali.