Jeremi 32:40 - U TIENU MAAMA TILI 2013

⁴⁰ N baa kuani leni ba yaa ŋantaado n kan fidi abada. N kan go buli ki ŋaa ba. N baa tieni ba mi ŋanma, n baa kuani n fangili bi pala nni, lani n tie ban da foagidi leni nni.

Gourmanchéma Bible

⁴⁰ N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Jeremi 32:40 ပူးပေါင်းရင်းမြစ်များ

2 Samueli 23:4

O naani leni mi tiŋaayenpudima, tawala n ki ye yaa daali, Yaa yienu yaa kpadima n teni ke ki taaga yaa mini ti muadi pudi.›

Pisomi 80:19

Ti kan go jadi ki ŋaa a sanu. Teni tin yaa ye, Lani, ti baa yaa kpiagidi a yeli.

Esayi 24:5

Ki tinga niba n biidi ki tinga, Kelima bi miidi li bali maama, Ki lebidi a ñoamabonbilikaana, Ki fidi yaa ŋantaado n tie Yaa yogu n tuu yaa yogu kuli po.

Esayi 55:3

Diadi mani yi tuba ki cua n kani, Cengi mani, lani yi baa yaa ye. N baa kuani leni yi yaa ŋantaado n kan fidi, Li ŋanbimoanli ŋantaado, Davidi po.

Esayi 61:8

Mini Li Miali Diedo, n bua mi teginma, N nani bu subu leni mi biadima. N baa pa n niba bi tuona panpaani, Ki go kuani leni ba yaa ŋantaado n ki pia fidima.

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 31:34

Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 50:5

Bi baa buali Siyon sanu po. Bi baa pegidi ki teli lanpo. Bi baa cua ki fini o Diedo bonŋanla, Ki kuani leni o yaa ŋantaado n ki pia fidima, Ki kan gbeni mo hali abada!

Esekieli 36:26

N baa pa yi a papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

Esekieli 36:27

N baa kuani n Fuoma yi niinni, ki teni yin yaa ŋua n mabilikaama, ki yaa kubi ki go tiendi n ñoamabona mo.

Esekieli 37:26

N baa kuani leni ba mi yanduanma ŋantaado, yua n baa yaa ye yaa yogunu kuli po. N baa teni n kaangagidiŋamu n yaa ye bi siiga yaa yogunu kuli po, ki kaani ba ki go teni ban pili ki pugini.

Esekieli 39:29

N kan go buli ba n nunga, kelima n baa jiini n Fuoma Isidayeli buolu po. Mini o Diedo, U Tienu n yedi yeni.»

Mise 4:5

Nilanbuolu kuli baa yaa ŋua o tienu, Timo n yaa ŋua Li Miali Diedo ti Tienu, Hali yaa yogu n tuu yaa yogu.

Mi Tiadima 31:6

Cuo ki sieni mani yi gbani, ki go paagi yi pala! Da jie mani, yi gbani mo n da jeli bi nintuali! O Diedo yi Tienu wani o ba n cuoni leni yi, o baa yaa kubi yi, o kan ŋaa yi, o kan lu yi abada.»

Mi Tiadima 31:8

O Diedo wani o ba n baa yaa cuoni a liiga, wani o ba n baa yaa yegi leni a, ki baa yaa kubi a, ki kan ŋaa ŋa, ŋan da yagi a yama, ŋan da jie mo.»

Hebilunba 13:20

Mi yanduanma Tienu, yua n den fiini ti Diedo Jesu bi tinkpiba siiga, wani i pe yankpaaciamo, kelima o soama yaama n kuani yaa ŋantaado n baa yaa ye hali yaa yogunu kuli po.

Hebilunba 4:1

Lanwani, hali ke U Tienu n den niani yaa ñoanianu o fuodima nni kuama po da baa ki ye, tin fangi mani ti yula, ke yi siiga ba niyendo n da ti sua ke li pendi.

Hebilunba 7:24

Ama Jesu n ye ki fo hali yaa yogunu kuli yeni, teni ke o tuuni yaa kopadiciantuonli n ye yaa yogunu kuli po.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Pieri 1:5

O bili la yinba yaa po, wani U Tienu paalu n kubi yaaba kelima li dandanli po, yaa tindima n baa yuandi ki doagidi mi juodima yogunu.