Jeremi 32:37 - U TIENU MAAMA TILI 2013

³⁷ «N baa taani ba, min den yadi ba yaa dogi nni kuli, n pabienli, n mutuoli, n pabiidili leni n pali n den boandi bi po yaa yogunu. N baa guani ba nekanba, ki teni ban yaa ye leni mi yanduanma.

Gourmanchéma Bible

³⁷ Diidi n baa taani ba min den yayadi ba yaa dogi nni kuli N pabienli, n mutuoli, n pabiidili Leni n pali n den boandi bipo yaa yogunu. N baa guani ba nekanba ki teni ban yaa ye leni mi yanduanma.

Jeremi 32:37 ပူးပေါင်းရင်းမြစ်များ

Pisomi 106:47

O Diedo ti Tienu, faabi ti! Ñani ti i nilanbuoli siiga ki taani ti. Lani, ti baa yaa taagi a yeli, Yaali n gagidi ki ŋani ki pagi a. Ti baa yaa kpiagidi a ki go pagi a.

Jeremi 12:14

O Diedo yedi mi naa maama Isidayeli yieninlieba yaaba n ki ŋani yeni po, bani yaaba n fie min puni n niba Isidayeli yaaba yaa tinga. Diidi, n baa ñani ba bi tinga nni. N baa ŋabi ki ñani Juda buolu bi siiga.

Jeremi 16:14

Lani n teni ke o Diedo yedi: «Diidi a dana kpendi ke bi kan go yedi: ‹O Diedo fo, wani yua n teni ke Isidayeli yaaba ñani Ejipiti.›

Jeremi 16:15

Ama bi baa yedi: ‹O Diedo fo, wani yua n ñani Isidayeli yaaba, nujienu po diema leni wan den yadi ba yaa diema nni kuli.› N baa guani ki cuani ba, min den puni bi baanba yaa diema nni yeni.»

Jeremi 21:5

Mini n ba n baa koani leni yi, ki doagidi n fidu, n paaciamu leni li pabiencianli leni mi jama.

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 23:6

O jama nni, Juda diema baa baa mi faabima, Isidayeli diema mo n yaa ye leni mi yanduanma. Diidi ban baa yini o maama: ‹O Diedo n tie ti teginma.›

Jeremi 23:8

Ama bi baa poli ki yedi: ‹Hali o Diedo yua n fo po, wani yua ñani ki go guani Isidayeli buolu, ban den ye nujienu diema po leni min den yadi ba yaa diema nni kuli.› Bi baa yaa kaa bi tinga nni.»

Jeremi 24:6

N baa diidi ba leni ki nunmanga, ki go teni ban guani mi naa diema nni. N baa maa ba, n kan mudi ba. N baa ŋuu ba, n kan ŋabi ba abada.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:18

O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 31:10

I nibuoli, cengi mani o Diedo maama, Ki yadi laa maama hali a kpendega Ya ye foagima po: «Yedi mani ke yua n den yadi Isidayeli yaaba, Baa guani ki taani ba ki kubi ba, Nani o yankpaalo n kubi o yankulu maama yeni.

Jeremi 32:15

Li Miali Diedo U Paaciamu Kuli Daano, Isidayeli Tienu yedi: «Bi go baa yaa daa ti diedi, i kuani leni duven tiidi kuani mi naa diema nni.»

Jeremi 33:16

Lanyogunu Juda baa baa mi faabima, Jerusalemi mo n yaa pia mi yanduanma. Ban baa yaa yi Jerusalemi maama nne: “O Diedo tie ti teginma.”

Jeremi 33:7

N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Esekieli 11:17

Ŋan go yedi ba daa: Li Miali Diedo U Tienu yedi yaala n tie ne: n baa taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, ki ñani yi lipo, ki go pa yi Isidayeli diema.›

Esekieli 20:34

N baa ñani yi leni n paalu, yin yadi yadi ki ye yaa diema leni yaa nilanbuoli siiga, ki taani yi ki wuli yi po n pabienli.

Esekieli 28:25

Mini o Diedo U Tienu yedi mi naa maama: «Min baa guani ki taani Isidayeli yaaba ban den yadi yadi ki ye yaa nilanbuoli siiga yaa yogunu, n baa doagidi i nilanbuoli yeni po, ke n gagidi ki ŋani. Isidayeli yaaba baa yaa ye bi yaa diecele nni, min den puni n naacemo Jakob yaa diema.

Esekieli 28:26

Bani Isidayeli yaaba baa yaa ye mi niinni leni mi yanduanma. Bi baa yaa maa ti diedi, ki ŋuu duven tiidi kuani. Bi baa yaa ye mi niinni leni mi yanduanma, min baa jia yaaba n lindi ba ki fali ba buudi yaa yogunu. Lani, bi baa bandi ke n tie Li Miali Diedo bi Tienu.»

Esekieli 36:24

N baa ñani yi mi dielanma nni, i nilanbuoli siiga, ki taani yi ki guani yi diema nni.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Sofoni 3:20

Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.

Sakari 14:11

Bi niba baa yaa kaa u dogu nni, Ke bolinma kuli ki go ŋua u. Jerusalemi dogu baa yaa ye leni mi yanduanma.

Sakari 3:10

Landaali yaa pundi, yi siiga yuakuli baa yini o lieba yi duventiidi leni yi kankanŋuuke tinga, ban mangi bi pala mi yanduanma po.»