Jeremi 32:33 - U TIENU MAAMA TILI 2013

³³ Bikuli buli nni ki nunga, ki teni nni bi bunkpana. N bangi ba u yogunu kuli ki naa cedi, ama bi naa gaani bangima.

Gourmanchéma Bible

³³ Bikuli buli nni bi nunmu, baa puni nni nunga. N bangi ba u yogunu kuli ki naa cedi, Ama bi naa gaani mi bangima.

Jeremi 32:33 ပူးပေါင်းရင်းမြစ်များ

Jobi 35:11

Wani yua n bangi ti li bonla ki cie ti fuayandi, Ki puuni ti mi yanfuoma ki cie tanpoli nuani ye le?›

Jeremi 18:17

N baa yadi ba nani puoli faalu yeni, Yibalinba nintuali. N baa buli ba n nunga, Fala n baa ŋmaa ba yaa daali.

Jeremi 2:27

Bani yaaba n tua ku daagu: «A tie n baa!» Ki tua li tanli mo: «Fini n mali nni!» Yeni de! Bi buli nni ki nunga. Bi yaa ye mi yebiadima nni, bi baa yedi: «Fii ki faabi ti.»

Jeremi 26:5

yi yàá diadi yi tuba ki baa cengi n naacenba bi saawalipuaba maama, min soani yi po yaaba, kelima n tuuni ba yi kani yogunu kuli ki naa cedi, ama yi naa cengi ba.

Jeremi 35:13

«Li Miali Diedo Isidayeli Tienu, U Paaciamu Kuli Daano maadi yaa maama n tie ne: ‹Gedi ki ban yedi Juda niba leni yaa niba n kaa Jerusalemi, naani yi kan cengi n tundi, ki fangi yi yula? O Diedo n yedi yeni.› »

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 44:4

N lindi ki tuuni yi kani n naacenba bi saawalipuaba u yogunu kuli ke ban yedi yi: ‹Yin da tieni min nani yaa cancagintuona.›

Jeremi 7:13

Mini o Diedo yedi: ‹Nani yin soani laa tuona kuli yeni, nani min maadi leni yi, ke yi naa cengi, nani min yini yi, ke yii tuo yeni, yin dugi yaa diegu po, ki taagi n yeli ku nii nni, min den puni yi baanba yaa kaanu yeni, n baa soani laa kaanu nani min den soani Silo maama yene.

Jeremi 7:24

Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Jeremi 7:28

Lanwani, ŋan yedi ba: ‹Bi naa niba n ki cengi o Diedo bi Tienu nialu. Baa bua tundi. I moamoani bodi, i ñani bi maama nni.

Esekieli 23:35

Li tie lani yaa po yo, ke mini o Diedo U Tienu yedi mi naa maama: «Nani ŋan sundi n po ki luni nni a puoli po yeni, a conconma leni a cagindi panpaani kuli, baa guani ki jiidi a yuli po.»

Esekieli 8:16

Li yaa puoli, o den gedini nni o Diedo diegu luolu nni. Diidi o Diedo diegu buliñoabu kani, bu buliñoajabu leni li padibinbinli siiga, piilie n jabimuu den ye likani. Bi nunmu den tiegi puoli, ke bi cakoda mo tiegi o Diedo diegu. Bi den labindi ki kpiagidi u yienu.

Ose Tili 11:2

Ama min den ŋua ki yi n niba, Bi den sani ki foagidi leni nni, Ki ban padi a pada o bulo Baali po, Ki siagi a dugibila ban kpie yaa buli po.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Jan n diani U Tienu Laabaaliŋamo maama 8:2

Ku tiŋaapanpangu, o go den guani U Tienu diegu nni, ke bi niba kuli cua o kani, ke o kali ki bangi ba.