Jeremi 32:18 - U TIENU MAAMA TILI 2013

¹⁸ A tiendi mi ŋanma hali nifiima tudili po. Ama bi bidanba tagili panpaani, a teni ke li nandi bi bila yaaba n ŋua bi puoli po. A tie U Tienu yua n yabi, yua yaa yeli n tie Li Miali Diedo U Paaciamu Kuli Daano.

Gourmanchéma Bible

¹⁸ A tiendi mi ŋanma hali nifiima tudili po. Bi bidanba tagili panpaani, a teni ke li nandi bi bila yaaba n ŋua bi puoli po. A tie U Tienu yua n yaba, yua tie U Paaciamu Kuli Daano.

Jeremi 32:18 ပူးပေါင်းရင်းမြစ်များ

Mi cilima 49:24

Ama o dabanli den se ki pa bonŋanla. O nii den paagi kelima Jakob n ŋua yua Tie U Paalu Kuli Daano. Li tie yene ke o tua Isidayeli yaaba yankpaalo leni bi tanciangu.

2 Bi Badiba 9:26

‹Mini U Tienu den laa wonli ŋan kpa Naboti leni o bijaba maama. To mini o Diedo poli ke n baa guani a li biadima panpaani laa kuanu nni.› » Jehu den pugini ki yedi: «Moala, taa o ki ban lu u kuanu yeni niinni, nani o Diedo n yedi maama.»

Nehemi 1:5

ki yedi o: «Li Miali Diedo U Tienu yua n ye tanpoli, fini yua n yabi ki pia i jeje, fini yua n kubi ŋan den bili yaa ŋantaado leni yaaba n bua ŋa, ki kubi a bali maama, ki gba bi po mi ninñima,

Pisomi 50:1

Asafi yani siiga yanbu. U Tienu, U Tienu, Li Miali Diedo maadi, Ki yini ki taani ki tinga niba kuli, Ki cili u yienu n pudi naani, Hali wun baali naanpo.

Pisomi 89:9

Li Miali Diedo U Tienu U Paaciamu Kuli Daano, Ŋme n pia u paalu nani fini yeni? O Diedo, a moamoani gaani ki lindi a.

Mi Ñama 34:6

O Diedo den pendi Musa nintuali ki kpaani: «O Diedo, Li Miali Diedo mi ninñima Tienu, yua n tiendi mi ŋanma, ke o pali mo ki be tontoni. O ŋanbili leni o dugidi mo ki pia bianu.

Mi Ñama 34:7

Yua n kubi yaa buama n kan lebidi hali nifiima tudili po, ki tiendi sugili i tagili po, mi yiema leni ti tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila tugi bi tuonbiadi panpaani, hali ki pundi nifiimitaa leni nifiiminaa kuli.»

Esayi 10:21

Yaaba n sieni baa guani ki cua. Jakob buolu, yaaba n sieni baa guani U Tienu U Paalu Daano kani.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Jeremi 10:16

Ama Isidayeli Tienu, Yua n tagi tanpoli leni ki tinga Naa tie nani i buli yeni ka, Wani n die Isidayeli yaaba. O yeli n tie Li Miali Diedo U Paaciamu Kuli Daano.

Jeremi 10:6

Oba kuli ki naani leni a, o Diedo A yabi, a yeli moko yabi ki go pia u paalu.

Jeremi 20:11

O Diedo tie n po nani o jakoandimoano, Lani n teni ke yaaba n fii n po baa tuudi ki baa. Bi kan paadi. I fe baa cuo ba leni ban gbali maama. Li baa tua yaa fe n baa waagi Ki ye kaa pia sundima.

Jeremi 31:35

O Diedo yedi nanda: «Ŋme n teni ke u yienu ye, Ki yendi u yensiinu, Ki teni ke o ŋmaalo leni a ŋmabila Mo yendi ku ñiagu? Ŋme n yen fiini mi ñincianma ñingola ŋan yaa mua mi jama? O yeli yi Li Miali Diedo U Paaciamu Kuli Daano.

Jeremi 33:2

O Diedo yua n tagi ki tinga ki bili ka kaanyendu, wani yua yaa yeli n tie Li Miali Diedo maadi mi naa maama:

Jeremi 50:34

Ama bi todika pia u paalu, Wani yua n yi Li Miali Diedo U Paaciamu Kuli Daano yeni. O baa koani ki gaa ba, U dogu n baa mi yanduanma, Ama o nan baa coagi Babilonni yaaba wani.

Danieli 2:45

Ŋan den laa yaa tanli, ke li ñani li juali po ke nisaalo nuu ki lugidi li, ke li pua ki mudi mudi ti kuboandi, ti kudi, ku yoagu, ŋanjilifa leni wula yeni, waani lane. U Tienu yua n die u paalu kuli, waani a yaala n baa ti faa ki cua yo. Ti dangidi yeni waani moamoani, tama mo kuli ki ye ti bundima nni.»

Habakuki 1:12

Naani fini ka li tie o Diedo hali mi cilima? Naani fini ka li tie n Tienu yua n Gagidi ki ŋani, Ke a miali mo ki pia bianu? O Diedo, a gandi Kalide yaaba ki puni ba u paalu, Ke ban tundi ti leni tundifala. Ama fini n tie ti faabima tangu.

Mi Coadima 14:18

‹Mini o Diedo pali ki be tontoni, die n pia li ŋanbili boncianla, ki puuni sugili ti tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi, hali nifiimitaa, bi nifiiminaa.›

Matie 27:25

Ku niligu kuli den guani ki yedi o: «O soama n baa tinba leni ti bila po!»

Luki 6:38

Yaa puuni mani, lani bi baa yaa puuni yimo ki biigidi yi po bonŋanla, ki ñiigi ki yegini ki kuodi hali lan cuudi. Bi baa taa yin biigidi nitoaba po leni yaa bonbiigikaala, ki biigi yimo yaa po.»

Mi Tiadima 10:17

Li Miali Diedo yi Tienu tie ban pugi yaala kuli Tienu, bi diediba kuli Diedo. O tie yaa Tienu yaa yeli n yabi, ki pia u paalu leni i jeje. Waa tiendi gagidima bi niba siiga, waa gaani suuli mo.

Mi Tiadima 7:21

Yi gbani n da digibi bi po, kelima o Diedo yi Tienu ye yi siiga. O tie yaa Tienu n yabi, ki go pia i jeje.