Jeremi 31:34 - U TIENU MAAMA TILI 2013

³⁴ Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Gourmanchéma Bible

³⁴ Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 31:34 ပူးပေါင်းရင်းမြစ်များ

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

Pisomi 25:7

Ŋan da tiadi n panma nni tuonbiadi Leni n panma nni yiema. Tiadi n po kelima a ŋanbili po, Fini o Diedo yua n pia ti bulicindi.

Esayi 11:9

Biadima leni bolinmiba kan tieni O Diedo joagagidiŋanli po, Kelima mi diema nni, Yuakuli baa bandi o Diedo Nani mi ñincianma n gbie Leni mi ñima maama yeni.

Esayi 29:24

Yaa niba n luo mi yama baa baa mi yanfuoma, Yaaba n den tie niyiekaaba mo baa gaa i tundi.

Esayi 30:26

U cipienu baa yaa tie nani u yienu yeni. U yienu mo baa yendi taalimilele ki pugini, Nani danalele yenma N baa taani yenma maama yeni. Li baa yaa tie o Diedo n baa buu O niba poagilima yaa daali, Ki paagi ban den pua ki poagili naani.

Esayi 33:24

Mi diema nni oba kuli ki tua: «Mii pa.» Yaa nibuoli n ye Jerusalemi baa sugili bi tagili po.

Esayi 33:6

A miali yema dana baa yaa pia mi yanduanma. Mi yama leni mi banma tie Yaa ŋalimano n faabidi, O Diedo fangili mo n tie o ŋalimanmoano.

Esayi 38:17

N paboanli kpandi ki tua yemanma. Fini n kubi n miali ke min da pundi ku buogu nni. A luni n tuonbiadi kuli a puoli po.

Esayi 43:25

Li li tie mine! Mini n duuni ki ñani yi tagili. N kan go tiadi yi tuonbiadi po, Kelima min bua yi maama po.

Esayi 44:22

N bolini yi tagili nani ku tawaligu yeni, Ki bolini yi tuonbiadi mo Nani ku gbangbadigu yeni. Guani ki cua n kani, Kelima n den daa ki faabi yi.

Esayi 52:6

Li tie lani yaa po yo ke n niba baa bandi n yeli.› Li tie lani yaa po yo ke bi baa bandi landaali, Ke mini n ba n maadi ki yedi: ‹Mini nne.› »

Esayi 54:13

Jerusalemi, a bijaba kuli baa tua o Diedo ŋoadikaaba. Bi baali mo baa yabidi.

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 32:40

N baa kuani leni ba yaa ŋantaado n kan fidi abada. N kan go buli ki ŋaa ba. N baa tieni ba mi ŋanma, n baa kuani n fangili bi pala nni, lani n tie ban da foagidi leni nni.

Jeremi 33:8

N baa ŋuudi ki ŋanbi ba leni ban den tieni yaa tuonbiadi kuli, ki tudi n po. N baa tieni bi po sugili leni ban den tudi n po, ki tieni yaa tuonbiadi leni ban den fii n po leni yaa yiema.

Jeremi 50:20

Laa dana nni, o Diedo yedi: «Bi baa lingi Isidayeli tagili, Ama bi kan go le yi. Juda tuonbiadi mo, bi kan le ti, Kelima min sieni yaaba, N baa tieni bi po sugili.

Jeremi 9:23

Yua n bua ki jigini o yuli, N jigini o yuli kelima o pia mi yanfuoma ki bani nni, Ki bani ke n tie Li Miali Diedo, Yua n tiendi mi ŋanma, Ki ja yaa buudi n tiegi, Ki tiendi yaala n tiegi ki tinga nni. Min bua yaala n yeni.» Mini o Diedo n yedi yeni.

Ose Tili 2:20

Lanyogunu, n baa kuani o ŋantaado N niba leni ti moayandi siiga, Bani leni ti bonyugiditi siiga, Bani leni yaala n balini ki tinga po kuli siiga. N baa kua a dabana, mu jugisiemu Leni ti toatiadi kuli mi diema nni, Ki teni n niba n yaa goa ke bi jigi co.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Mise 7:19

A go baa gbadi ti po mi ninñima, Ki ŋmaa ti tuonbiadi a taana tiipo, Ki lu ti tin tingi mi ñincianma nni.

Habakuki 2:14

Ki tinga niba kuli baa bandi Li Miali Diedo U Paaciamu Kuli Daano kpiagidi, Nani mi ñincianma n gbie mi kaanu maama yeni.

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Luki 1:77

Ki teni o niba n le o tindima, Kelima o tieni bi po sugili bi tuonbiadi po.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 17:6

N doagidi a yeli ŋan den puni nni yaa niba kani ŋanduna siiga. Bi den tie a yaa yaaba, ke a den puni nni ba. Bimo tuo ki kubi a maama.

Jan n diani U Tienu Laabaaliŋamo maama 6:45

Li diani bi saawalipuaba tila nni: U Tienu baa bangi o niba kuli. Yua n cengi Baa, ki gaa o bangima kuli, wani n baa cua n kani.

Jesu Tondiba Tuona 10:43

Bi saawalipuaba kuli maadi o maama, ki yedi ke yua n tuo ki daani o kuli baa baa sugili o tuonbiadi po, kelima o yaa yeli po.»

2 Korenti 2:10

Yin tieni yua yaa po sugili, nmoko tieni o po sugili. Min tieni yaala yaa po sugili, li yaa tie ke n pia min baa tieni yaala yaa po sugili, n tieni la Kilisiti nintuali, kelima yi yaa po,

2 Korenti 4:6

U Tienu yua n den yedi: «Mi yenma n yendi li biigili nni,» teni ke mi yenma yendi ti pala nni, ki puni ti U Tienu kpiagidi yaa bandima, yaadi n yendi Kilisiti nunga nni.

Efesa 1:7

Ti baa mi daafaabima o niinni kelima o soama po leni ti tuonbiadi sugili, nani o ŋanbili n yabi maama po.

1 Tesaloniki 4:9

Laa go tie tiladi min diani yi po ki waani yi, ke yin yaa bua yi kpiiba, kelima U Tienu wani o ba n bangi yi, ke yin yaa bua yiyaba.

Hebilunba 5:12

Moala li bi pundi ke yinbe n yaa tie bi bangikaaba. Ama yi go baa ki bua ban yaa bangi yi mi bangicilikaama, U Tienu maama bangima siiga. Yi tua nani yaaba n da baa ki ñu mi naaŋanma bebe, ki kan fidi ki gaa yaa jiema n juagi yeni.

Hebilunba 8:11

Bi siiga oba kuli Kan go bangi o yieninlielo, Yaa ka o kpiilo ki yedi o: Bandi o Diedo. Ki cili yaa biga n wa ki cie, Ki yaa caa hali yua n kpeli ki cie, Bikuli baa bandi nni.

Hebilunba 8:12

N baa tieni bi po sugili Bi tudima kuli po, Ki kan go tiadi bi tuonbiadi po.»

1 Jan 2:20

Ama yinba wani, yi baa U Tienu Fuoma Yua, yua n teni ke yikuli bani i moamoani.

1 Jan 2:27

Ama yinba wani, yin den baa o kani yaa Fuoma Yua yeni, ye yi niinni, laa go tie tiladi ban bangi yi. Mi Fuoma yaama n bangi yi li bonla kuli, tie moamoandaano, kaa tie faadaano. Lani yaa po, yin yaa ye o niinni nani wan bangi yi maama.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

1 Samueli 2:12

Eli bijaba den tie fanma, baa den bani o Diedo.