Jeremi 31:33 - U TIENU MAAMA TILI 2013

³³ Mini o Diedo yedi: «Diidi min baa kuani yaa ŋantaado leni Isidayeli diema yaaba. Laa dana yaa pendi, n baa kuani n bali maama bi yantiana nni, ki diani ma bi pala nni. N baa yaa tie bi Tienu, bani mo baa yaa tie n niba.

Gourmanchéma Bible

³³ Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Jeremi 31:33 ပူးပေါင်းရင်းမြစ်များ

2 Samueli 7:24

A gandi a niba Isidayeli yaaba ki bili ke ban yaa tie a yaa niba yaa yogunu kuli. Fini o Diedo, a mo tua bi Tienu.

1 Bi Badiba 8:58

Wan teni ti pala n bua o tin ŋoadi o sani kuli ki kubi o bali maama, o ñoamabonbilikaana leni o mabilikaama, wan den bili ti yaajanba po yaama.

Pisomi 37:31

U Tienu bali maama ye o pali nni, O kan ŋmadi ki baa.

Pisomi 40:8

Lani yaa po, n den yedi: «Diidi n kpendi Leni li tili yaali n diani n po.»

Pisomi 40:9

N Tienu n bua ki tieni a yanbuama, Ki kubi a bali maama mo Hali n pali tugu nni.

Mi Ñama 6:7

N baa taa yi yin tua n niba. N baa yaa tie yi Tienu, yeni, yi baa bandi ke li tie mini Li Miali Diedo yi Tienu n faabi yi leni Ejipiti yaaba n tuuni yi yaa tuona kuli.

Mi Kpanjama 7:3

Da tuo man ña a kani abada, Bili ma a pali nni.

Esayi 51:7

Cengi mani nni, Yinba yaaba n bani mi teginma! Yinba yaaba n kubi n bali maama yi pala nni, Yin da jie bi niba n baa waani yi yaa fe, Ki digibi leni ban baa fali yi maama po,

Esayi 59:21

O Diedo yedi: «Diidi, mini wani n baa kuani Yaa ŋantaado leni ba: N Fuoma yaama n ye a po Leni n maama min kuani yaama A ñoabu nni yeni, kan ña a ñoabu nni, Bi a bila ñoana nni, bi a yaabila ñoana nni.» O Diedo n yedi yeni, Moala leni yaa yogunu kuli po.

Jeremi 17:1

Juda diema yaaba tagili diani leni ki celiga yo, Ki diani bonŋanla leni diama tanli. Li diani yi pala nni Leni yi padibinbinli yina po.

Jeremi 24:7

Bi yaa guani n kani leni bi pala kuli, n baa pa ba mi yanfuoma, ki teni ban bandi ke n tie Li Miali Diedo. Bi baa yaa tie n niba, nmo baa yaa tie bi Tienu.»

Jeremi 30:22

Yi baa tua n niba, nmo n tua yi Tienu.

Jeremi 31:1

O Diedo yedi: «Li daali kpendi ke n baa yaa tie Isidayeli yaaba kuli Tienu, bimo n yaa tie n niba.»

Jeremi 32:38

Bi baa yaa tie n niba, nmo baa yaa tie bi Tienu.

Jeremi 32:39

N baa pa ba payenli leni yantiayenli, lani n tie ban yaa fangi nni yaa yogunu kuli, bani leni bi puoliŋuani yema manu po.

Jeremi 32:40

N baa kuani leni ba yaa ŋantaado n kan fidi abada. N kan go buli ki ŋaa ba. N baa tieni ba mi ŋanma, n baa kuani n fangili bi pala nni, lani n tie ban da foagidi leni nni.

Esekieli 37:27

N baa yaa ye bi siiga ki yaa tie bi Tienu, ke bimo n yaa tie n niba.

Ose Tili 2:20

Lanyogunu, n baa kuani o ŋantaado N niba leni ti moayandi siiga, Bani leni ti bonyugiditi siiga, Bani leni yaala n balini ki tinga po kuli siiga. N baa kua a dabana, mu jugisiemu Leni ti toatiadi kuli mi diema nni, Ki teni n niba n yaa goa ke bi jigi co.

Sofoni 3:13

Isidayeli yaaba, yaaba n baa sieni Kan go tieni kuli yaala n ki tiegi, Bi kan go pua faama, Janbi maama mo kan go yaa ye bi ñoana nni. Lani, bi baa fidi ki yaa di ki go goa bonŋanla, Ke oba kuli kan yagi bi yama mo.»

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po, ki ban waani ba ke n baa do n Baa yua n tie yimoko yaa Baa po, wani yua n tie mini leni yinba kuli Tienu yeni po.»

LOMA YAABA 11:27

Lani, n baa yaa tie n ŋantaado leni ba, Min ñani bi po bi tuonbiadi yaa yogunu.»

LOMA YAABA 7:22

N pali tugu nni, U Tienu bali maama mani n po.

2 Korenti 3:3

Li doagidi bi niba kuli po, ke yi tie Kilisiti tili, tin soani yaali. Laa tili naa den diani leni tidianñima ka, ama leni U Tienu yua n fo yaa Fuoma. Lii den diani a tana yaa walimu po ka, ama ti gbanandi yaa walimu po, lani n tie yi pala nni.

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

1 Tesaloniki 4:9

Laa go tie tiladi min diani yi po ki waani yi, ke yin yaa bua yi kpiiba, kelima U Tienu wani o ba n bangi yi, ke yin yaa bua yiyaba.

Hebilunba 10:16

«Yaa dana n tie ne yaa pendi, N baa kuani leni ba yaa ŋantaado n tie ne: N baa bili n bali maama bi pala nni, Ki go diani ma bi yantiana nni.» O Diedo n yedi yeni.

Hebilunba 8:10

O Diedo go yedi: «Laa dana yaa pendi, Diidi min baa kuani leni Isidayeli buolu yaa ŋantaado: N baa kuani n bali maama bi yantiana nni Ki diani ma bi pala nni. N baa yaa tie bi Tienu, Bani mo baa yaa tie n niba.

Mi Doagidima 21:3

N den gbadi u nialiciamu ke u maadi li bali kalikaanu kani, ki yedi: «Diidi ki le, moala U Tienu yekaanu ye bi nisaaliba siiga. O baa yaa ye leni ba, bi baa yaa tie o buolu, wani U Tienu oba mo baa yaa ye leni ba, ki tie bi Tienu.

Mi Doagidima 21:7

Yua n koani mi jama ki paadi baa baa laa seli kuli. N baa yaa tie o Tienu, omo baa yaa tie n biga.