Jeremi 31:32 - U TIENU MAAMA TILI 2013

³² Li kan yaa tie nani min den kuani yaa ŋantaado leni bi yaajanba, min den mubini bi nii, ki dadi ki ñani ba Ejipiti diema nni yaa daali ka. Ba ke n tie bi canbaa, bi den fidi laa ŋantaado. Mini o Diedo n yedi yeni.»

Gourmanchéma Bible

³² Li kan yaa tie nani min kuani yaa *ŋantaado leni bi yaajanba min den mubini bi nii ki dadi ki baa ñani ba Ejipiti diema nni yaa daali ka. Baa ke n tie bi canbaa, bi den fidi laa ŋantaado. Li Miali Diedo n yedi yeni.»

Jeremi 31:32 ပူးပေါင်းရင်းမြစ်များ

1 Bi Badiba 8:9

Bontoala kuli ki den ye ku kpaku tugu nni kaa tie Musa n den kpieni yaa tanpabiliedimu Horebi juali kani, ke a tie o Diedo n den kuani yaa ŋantaado leni Isidayeli yaaba maalima, ban den ñani Ejipiti nni yaa yogunu.

Pisomi 73:23

Ba leni lani kuli, n baa ki ye leni a. A cuo n jienu.

Pisomi 78:37

Baa den se o kani leni bi pala kuli cain, Baa den kubi ban kuani leni o yaa ŋantaado bonŋanla.

Mi Ñama 19:5

Moala, yi yaa cengi nni, ki go kubi n ŋantaado, yi baa yaa tie n niba i nibuoli kuli siiga, kelima mini n die ki tinga kuli.

Mi Ñama 32:8

Bi jaligi ki ŋaa min den bili ban yaa ŋua yaa sanu yeni. Bi duadi bi yula po ki naabiga, ki labini ki kani ki pugi, ki padi ki po a pada ki yedi: Isidayeli yaaba, diidi ki le mani yi tienu, yua n den ñani yi Ejipiti diema nni.»

I Yani 8:5

Yaa pua n guobi o buado Ki ña mi fanpienma po ne, Tie ŋme yo? N den fundi a bu tibu tinga, A naa n den taa a tugu naankani, Yua n mali a n den punbi a naani.

Esayi 24:5

Ki tinga niba n biidi ki tinga, Kelima bi miidi li bali maama, Ki lebidi a ñoamabonbilikaana, Ki fidi yaa ŋantaado n tie Yaa yogu n tuu yaa yogu kuli po.

Esayi 41:13

Kelima n tie Li Miali Diedo a Tienu Yua n muubi a nuu. N yedi a: «Da jie liba. N cua ki baa todi a.»

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Jeremi 11:3

Ŋan yedi ba ke o Diedo Isidayeli Tienu maadi nanda: «Ti solindi n yaa ŋua, yua n ki cengi o naa ŋantaado maama,

Jeremi 11:4

min den kuani yua leni yi baanba, min den ñani ba Ejipiti diema nni yaa daali, ban den ye yaa buaga nni. N den yedi ban cengi n nialu, ki tieni min yedi yaala kuli. Yeni yi baa tua n niba, nmo baa tua yi Tienu.

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Jeremi 22:9

Bi baa guani ki yedi biyaba: ‹Li tie ke bi ŋaa Li Miali Diedo bi Tienu n den kuani yaa ŋantaado leni ba, ki gedi ki ban gbaani tientoe kani ki pugi yi.› »

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 31:1

O Diedo yedi: «Li daali kpendi ke n baa yaa tie Isidayeli yaaba kuli Tienu, bimo n yaa tie n niba.»

Jeremi 34:13

«O Diedo Isidayeli Tienu yedi daa: ‹Min den ñani yi baanba yaa daali Ejipiti diema nni, ban den ye naankani ti yonbidi, n den niani ba, ki yedi:

Jeremi 34:14

Ne leni binalele, yi siiga yuakuli baa cabi o kpiilo Hebilu yua, yua n cua ki kuadi o yuli o po. O baa soani o po binaluoba, li yaa puoli a baa cabi o. Ama yi baanba naa den gaa n maama, baa den diadi bi tuba ki cengi n maama.› »

Esekieli 16:8

Li yaa puoli, n den tagini ki diidi a, ki sua ke a beni ki dagidi, ki pundi jafaano. N den tandi a po n kpalibu ki doagini a mubima. N den poli leni a, ki niani a n ñoanianu ki danli leni a, ke a den tua n yua. Mini o Diedo, U Tienu n yedi yeni.

Esekieli 20:37

N baa gobidi yi leni n gbiamu, ki teni yin yaa fangi yaa ŋantaado n ye mini leni yinba siiga.

Esekieli 23:4

O kpelo den yi Ohola, o waalo mo Oholiba. O nikpelo n tie Samari, o waalo mo n tie Jerusalemi. N den taa bani bonbilie yeni kuli, bi den mali n po a bonjala leni a bonpola.

Ose Tili 11:1

O Diedo yedi: «N bijua Isidayeli n den paani yaa yogunu, N den bua o ki yini ki ñani o Ejipiti nni.

Ose Tili 2:2

Lanwani, Juda yaaba leni Isidayeli yaaba go baa guani ki taani, Ki dini badiyendo. Bi baa diedi mi diema, Kelima Yisireyeli daali yeni baa tua dacianle.

Ose Tili 3:1

O Diedo den yedi nni: «Go gedi ki ban bua yaa pua n pia li jaconconli, ki conbi. Ŋan bua o nani mini Li Miali Diedo bua Isidayeli yaaba maama. N bua ba, ba ke bi ŋaa nni ki ŋua tientoe leni bi pala kuli, ki bua ban tiendi yaa maada leni duven tiidi bonluonkaala.»

Levi 26:15

yi yaa ŋaa n mabilikaama leni n ñoamabonbilikaana, ki naa ŋoadi n bali maama, ki miidi n ŋantaado,

Marki 8:23

O den cuo o juamo nuu ki dadi ki ñani o u dogu nni. O den sii o ñinsandi o juamo nuni nni ki maani o po o nii, ki buali o o yaa nua bonla.

Jan n diani U Tienu Laabaaliŋamo maama 3:29

Yua n die o puocaano tie o puocaano calo. Ama o puocaano calo danli, yua n ye o kani ki cengi o, pali mani boncianla o yaa gbadi o puocaano calo nialu. Nmoko pia laa pamancianli buolu yo, ke li dagidi cain.

Jesu Tondiba Tuona 23:19

Bi toatieba yudanciamo den cuo o jawaalo nuu, ki piadi o ki buali o: «A pia be maame ki baa waani nni?»

2 Korenti 11:2

N pia yi po U Tienu nunponli buolu, kelima n den bua ki caa yi jayendo, ki teni yi Kilisiti, nani yaa puowandiali n ŋani cain yeni.

Mi Tiadima 1:31

Yi den laa mi fanpienma nni, o Diedo yi Tienu den tiebi yi maama, nani o joa n tiebi o bijua maama yeni, yin den tagi yaa sanu kuli nni, hali yi pundima nekanba.»

Mi Tiadima 29:1

Musa den yini Isidayeli yaaba kuli ki yedi ba: «Yi den laa leni yi nuni o Diedo n den tieni yaala Ejipiti diema nni leni wan den tieni Faraon leni o naacenba kuli yaala.

Mi Tiadima 29:21

Diidi yaa nifiima n baa ŋoadi yi yaa puoli, yi bijaba yaaba n baa ŋoadi yi puoli leni o caano yua n baa ña yaa diema n foagi leni ne ki cua, yaa laa o Diedo n luni yaa fala leni yaa yiani mi naa diema po, n baa yedi yaala:

Mi Tiadima 29:24

Lanwani, bi baa guani ki yedi ba: ‹Li tie ke bi ŋaa ban den kuani yaa ŋantaado leni o Diedo bi baanba Tienu, wan den ñani ba Ejipiti diema nni yaa yogunu yo.

Mi Tiadima 31:16

O Diedo den yedi Musa: «Diidi, a baa guani a dankpeliba po. Bi naa niba baa ti faa ki ban cagini bi yula leni bi nilanba tieni, ban baa kua yaa nibuoli siiga yeni. Bi baa ŋaa nni, ki go fidi min den kuani yaa ŋantaado leni ba.

Mi Tiadima 31:20

N baa teni bi naa niba n kua min den poli ke n baa pa bi baanba yaa tinga nni, mi naaŋanma leni ti siadi n dua naankani. Bi yaa dini ki guo ki gbengi, bi baa pegidi ki ŋoadi tientoe, ki yaa kpiagidi yini. Bi baa fali nni, ki go fidi yaa ŋantaado mo n ye ti siiga.

Mi Tiadima 5:2

O Diedo ti Tienu kuani leni ti laa ŋantaado Horebi juali kani.

Mi Tiadima 5:3

Waa den kuani laa ŋantaado leni ti baanba ka, ama li tie leni tinba, tinba yaaba n ye dinla, ki fo kuli.

Hebilunba 8:9

Ku kan yaa tie nani min den kuani Yaa ŋantaado leni bi yaajanba, Min den cuo bi nii ki dadi Ki ñani ba Ejipiti diema nni yaa daali. Baa den tuo ki kubi n ŋantaado. Lanwani, mini mo ki go den yagini n yama bi po. O Diedo n yedi yeni.»