Jeremi 31:22 - U TIENU MAAMA TILI 2013

²² Hali u laa yogu yo ke yi baa waagi, Ki puagi yinba a biyenyieda? O Diedo cuani li boncanla ki tinga nni: Lani n tie ke o pua baa jiadi o joa.»

Gourmanchéma Bible

²² Hali u laa yogu yo ke yi baa waagi ki puagi yinba yi tupaali danba? Kelima Li Miali Diedo cuani li boncanla ki tinga nni: Lani n tie ke o pua baa jiadi o ja.»

Jeremi 31:22 ပူးပေါင်းရင်းမြစ်များ

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Esayi 7:14

Lani yaa po, o Diedo wani o ba Baa pa yi mi maalima. Diidi ki le, li puowandiali baa punbi. O baa maa bonjaga, Ki yini o Emanueli.

Jeremi 13:27

Jerusalemi n laa a conconma leni a cagindi n ñiidi maama, A juana yula po leni i kuani nni. Lani n teni ke fala jagi a yuli po, Fini yua n ye ti joagindi nni yeni! Beyogunu yo, ke laa tuongunda baa gbeni?»

Jeremi 14:7

Bi yedi: «Ti tagili yabi ki pendi. Li tie moamoane. Ama fini o Diedo, le ŋan baa tieni yaala, A yeli kpiagidi po. Ti tudi a po hali boncianla. Ti tieni a po ti tuonbiadi.

Jeremi 2:18

Moala a go caa Ejipiti ki ban taa be? A baa n ño u kpenciamu Nili ñima bi? A go tuuni be Asiiri sanu nni? Naani a baa n ño u kpenciamu Efrati ñime?

Jeremi 2:23

A baa gaa lede ki yedi: «Mii joagini, Mii pia ŋantaadi leni o bulo Baali.» Diidi a taabuona ku joaloangu nni. Tuo ŋan tieni yaala, Fini ki yuoyuoñuaga yaaga n puagi ki lindi yeni!

Jeremi 2:36

Be yaa po yo ke a baa tieni li naa bonla kuli, Ki lebidi a sanu? Ejipiti diema baa janbi a, Nani Asiiri diema n janbi a maama yeni.

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 3:22

Guani mani n kani, Yinba a biyenyieda yeni. N baa paagi yi leni yi yenyiema. Lani, yi baa yedi: «Tinba nne! Ti tie a yaabe. Yeni de! Fini n tie Li Miali Diedo ti Tienu.»

Jeremi 3:4

Lanwani, ŋan da go yini nni: «N Baa!» Ki da go yedi mo: «Fini n tie n bonwaama nni nidugika.»

Jeremi 3:6

O Diedo den yedi nni o bado Josiasi yogunu: «Naani a laa Isidayeli o yenyiedo n tieni yaala? O fii ki gedi yaa juana n kpedi kuli po leni yaa tiidi n bundi kuli tinga ki cagini o yuli.

Jeremi 3:8

Ba ke n ñani Isidayeli o yenyiedo kelima o conconma po, ki teni o o puoñatili, n laa ke ba leni lani kuli o naataanpuoga Juda i janbi daano naa baa fangili lipo. Omoko gedi ki ban cagini o yuli.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Jeremi 49:4

Raba, be yaa po yo ke a pagi a gbanmanu? A gbanmanu gbeni n yeni! A bia n yeni, Fini yua n den dugi a ŋalimani po, Ki tua: ‹Ŋme n baa tuo ki cua ki baa nni?› »

Jeremi 7:24

Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Ose Tili 11:7

N niba sedi bi yiema nni ke li pa, Bi yi ba ke ban guani mini tanpoli bado kani, Ama bi siiga oba kuli ki fii.

Ose Tili 14:4

Asiiri diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yini ti nii n tagi yaala ti Tienu, Kelima a kpienbila baadi a yaa kane mi ninñingbadima.› »

Ose Tili 4:16

Isidayeli yie nani yaa naañua n yie mi dadima yeni. Li baa gaa lede min yaa kpaa ba nani a pebila yeni, Yaa yankpaafuana n tandi kaa pia bianu yaa niinni?

Ose Tili 8:5

O Diedo yie yinba Samari yaaba N kpiagidi yaa naabiduadikaaga yeni. N pali fii yi po, Kelima yi kan fidi ki kan tieni janda.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Mi Coadima 16:30

Ama o Diedo yaa tieni bonlidinkaala, o yaa teni ke ki tinga yaadi ki ñoabu ki nali ba leni bi bonpiakaala kuli, ke bi jiidi bi tinkpiba yekaanu nni, ki fo, yi baa bandi ke bi naa niba fali o Diedo.»

Matie 1:21

O baa maa bonjaga, ŋan yini o Jesu, kelima wani n baa faabi o buolu yaaba leni bi tuonbiadi.»

Galati 4:4

Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o,