Jeremi 31:20 - U TIENU MAAMA TILI 2013

²⁰ Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Gourmanchéma Bible

²⁰ Efilayima tie n bibuadiga Wani n tie n bigbabili. N kan fidi ki kan tiadi opo Kelima min bua o maama po. Mi niñima pia nni opo. N li bua o moamoane. Li Miali Diedo n yedi yeni.

Jeremi 31:20 ပူးပေါင်းရင်းမြစ်များ

Mi cilima 43:30

O yama den lengidi boncianla kelima o waalo po, ke o bua ki buudi. O den sani ki kua o dieli nni ki buudi.

1 Bi Badiba 3:26

Mi ninñima den cuo yaa pua n den die ki bifuodiga yeni o biga po, ke o yedi o bado: «O! N daano, teni o mani ki bifuodiga, da kpa o mani.» Ama o lielo den yedi: «N kan diedi o, a mo kan diedi o. Jia o mani.»

Pisomi 103:13

Nani bibaa n gba o bila po Mi ninñima maama, O Diedo moko gba yaaba n fangi o po Mi ninñima yene.

Mi Kpanjama 3:12

O Diedo tundi wan bua yua fala nne, Nani o jamado n tundi o bibuadiga maama yeni.

I Yani 5:4

N buado kuani o nuu li bonli kani, Ki teni ke n gbanu jeli kelima o po.

Esayi 16:11

Lani n teni ke n yiini bu yanbu Leni n pali kuli Moabi po, Nani u gogidimuanu yeni. N ye leni li pabiidili Kiri-Heresi po.

Esayi 30:18

Lani yaa po yo, ke o Diedo Guu ki baa ŋanbi yi po. O baa fii ki gbadi yi po mi ninñima, Kelima o Diedo tie yaa Tienu n tiegi. Li pamanli ye leni yaaba n dugi o po kuli.

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Esayi 63:15

O Diedo, fini yua n ye tanpoli, A yekaanu yuu n gagidi ki ŋani Ki go pia ti kpiagidi, Biini ki diidi. A buama, a jama leni a ninñingbadima ye le? Ŋan da yie ke a kan doagidi ti po a buama.

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 3:19

N den yedi n yuli: «N sugini hali bonŋanla fine n tua N bijaba kuli liiga yua. N baa pa ŋa yaa diema n mani hali boncianla, Yaa tinga n ŋani ki cie mu tinmu kuli.» N den tama ke a baa yini nni: «N baa!» Ki kan go buli nni a nunga mo.

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu, Ban kan tuudi naankani. N tie Isidayeli yaaba po nani bibaa yeni. N bijakpelo mo n tie Efrayimi.»

Jeremi 33:26

naani n baa fidi ki ŋaa Jakob leni n naacemo Davidi puoliŋuani, ki da go gandi bi puoliŋuani siiga yaaba n baa gobidi Abalahama, Isaaka leni Jakob puoliŋuani? N baa teni bi niba yaaba n gedi ti yonbidi n kpeni. N baa gbadi bi po mi ninñima.› »

Jeremi 48:36

N mua n pali nni Moabi leni Kili-Elesi niba po, nani ki kuyeliga n piebi maama yeni, kelima ban baa yaa ñuadi kuli bia fanma.

Jeremi Bubula 3:22

N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Esekieli 33:11

Yedi ba daa, ke o Diedo U Tienu yua n fo poli ki yedi line: ‹Mii bua o nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi pala ki ŋaa i tagibiadi. Be yaa po ke yinba Isidayeli yaaba yi baa kpe?

Ose Tili 14:4

Asiiri diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yini ti nii n tagi yaala ti Tienu, Kelima a kpienbila baadi a yaa kane mi ninñingbadima.› »

Levi 26:44

Ama ba bi yaa ban ye bi yibalinba diema nni, n kan yie ba cain. N kan yaa nani ba hali ki bolini ba, ki ŋaa min den kuani leni ba yaa ŋantaado. N tie Li Miali Diedo bi Tienu.

Luki 15:24

N bijua na den kpe ki guani ki faadi, o den yaadi ke n guani ki laa o.› Bi den cili ki mangidi bi pala.

Luki 15:32

Li pundi tin je ki go mangi ti pala, kelima a waalo na den kpe ki go faadi, o den yaadi ke ti guani ki laa o.› »

Mi Tiadima 32:36

O Diedo baa saa i moamoani o niba po, Ama mi ninñima baa cuo o o naacenba po, O yaa laa ke bi fidu gbeni, Ke laa go pia ban baa kubi yua bi ban baa ŋaa yua.

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Bi Bujiaba 10:16

Lani, bi den ñani i buli bi siiga ki guani ki ŋoadi Li Miali Diedo. Ban den ye leni yaa fala den cuo o Diedo mi ninñima.