Jeremi 31:2 - U TIENU MAAMA TILI 2013

² O Diedo yedi nanda: «N doagidi n ŋanbili mi fanpienma nni, Yaa niba n sani ki cia ki jugisiega po. Lani yaa po, Isidayeli baa yaa ye Leni mi yanduanma.

Gourmanchéma Bible

² Li Miali Diedo yedi nanda: «N doagidi n *ŋanbili Yaa niba n sani ki cia ki jugisiega mi fanpienma po. Lani yaa po Isalele baa ye leni mi yanduanma.

Jeremi 31:2 ပူးပေါင်းရင်းမြစ်များ

Pisomi 78:52

O den ñani o niba nani ti yanbidi, O den pigi ba nani u yankulu yeni Mi fanpienma nni.

Pisomi 95:11

Li tie lani yaa po yo ke n den poli N pabienli nni ki yedi: «Bi kan kua n fuodima nni.»

Mi Ñama 1:16

O den yedi ba: «Yi yaa baa maani Hebilu puoba yaa yogunu, yi yaa laa ke li tie bonjaga, yin kpa ka. Li yaa tie bonpuoga mo, yin cedi kan yaa ye.»

Mi Ñama 1:22

Lanwani, Faraon den ñani li naa ñoamabonli o niba kuli po, ki yedi: «Isidayeli yaaba n mali yaa bonjaga kuli, yin taa ka ki lu u kpenciamu nni. Ama yin cedi bi bonpola kuli n yaa ye.»

Mi Ñama 12:37

Isidayeli yaaba, yaaba n den fii Ramisesi ki gedi Sukoti, den bua ki pundi jaba tuda kobiluoba, yaaba n pundi ki gedi toabu. Baa den coadi a bila, bi puoba leni a jakpela wani.

Mi Ñama 2:23

Lan den waagi boncianla, Ejipiti bado den ti guani ke Isidayeli yaaba go den yenbidi ki buudi, kelima bi yonbidi po. Bi yonbidi n den teni ke bi buudi yaa bubula den doni ki pundi hali U Tienu kani.

Mi Ñama 33:14

O Diedo den guani ki yedi o: «Mini n ba, n baa yegi leni a, n baa pa ŋa mi fuodima moko.»

Mi Ñama 5:21

Bi den yedi ba: «O Diedo nua yi, wan jia yi buudi. Yinba n teni ke ti fa Faraon leni o naacenba po. Yi mubini ba ki jugisiega ke ban kpa ti.»

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Esekieli 20:35

N baa piadi yi leni i nilanbuoli ki gedini yi mi fanpienma nni. Lankani, n baa jia yi buudi.

Ose Tili 11:4

N den dia ba mi ninñima leni mi buama baabi, Ki tie bi po nani yua n nuadi ki biga ki tabini oba yeni. N den puuni ba li bonjekaala.

Mi Coadima 10:33

Bi den fii o Diedo juali kani, ki baa cuoni danataa cenli. O Diedo ŋantaadikpaku den kua bi liiga danataa cenli yeni po, ki baa lingi bi po yaa kaanu ke bi baa fuodi.

Mi Coadima 14:20

O Diedo den yedi: «N tieni bi po sugili, nani ŋan mia maama.

Matie 11:28

Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima.

Mi Tiadima 1:30

O Diedo yi Tienu yua n ye yi liiga yeni, baa koani yi po, nani wan den tieni yi po maama Ejipiti nni.

Mi Tiadima 1:33

wani yua n den ye yi liiga ki lingi yi po yin baa sedi ki fuodi naankani. Ku ñiagu, yaa tawaligu n co yen yendi yi sanu li cenli po, u yensiinu mo, ku tawaligu n libini yi po.

Mi Tiadima 12:9

Yi da tieni yeni, kelima yi daa pundi mi fuodima kaanu, o Diedo yi Tienu n puni yi yaa tinga nni.

Mi Tiadima 2:7

Moamoani de, o Diedo yi Tienu seligi yi nii tuona kuli, ki bandi yi cenli laa fanpiencianma nni. Diidi bina piinaa, ke o Diedo yi Tienu ye leni yi. Yi naa luo liba kuli.

Mi Tiadima 8:16

O den teni ke yi dini mi fanpienma nni manni, yi yaajanba n ki den bandi yaala. O den faligi yi, ki biigi yi, ki nan yuandi ki tieni yi po li ŋanbili.

Josue 1:13

«Yin tiadi mani o Diedo naacemo Musa n den teni yi yaa ñoamabonli, wan den yedi yi: ‹O Diedo yi Tienu puni yi yaa diema n tie ne, ki puni yi mi fuodima.