Jeremi 31:12 - U TIENU MAAMA TILI 2013

¹² Bi baa cua Siyon juali kani, Ki yiini leni li pamanli, Kelima o Diedo n baa pa yaa piama po. Mani n tie: ŋalikama, Mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa salidingo yeni. Jawaandi kan go cuo ba.

Gourmanchéma Bible

¹² Bi baa cua Siyono juali po ki yiini leni li pamanli Kelima Li Miali Diedo n baa pa yaa piama po. Man tie: *ŋalikama, mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa tikuanu yeni. Jawaandi kan go cuo ba.

Jeremi 31:12 ပူးပေါင်းရင်းမြစ်များ

Pisomi 130:4

Ama sugili ye fini yaa kane. Lani n teni ke li pundi ban fangi a.

Esayi 1:30

Yi baa tua nani yin den padi yaa pada Yaa tibu tinga ke bu faadi mali, Nani yaa salidinga n ki pia ñima yeni.

Esayi 35:10

O Diedo n daa ki faabi yaaba baa kpeni. Bi baa pundi Siyon leni i jakoandiyani, Yaa pamanli n kan gbeni abada Baa yaa jagi bi yula po. Li pamanli leni i laayieni baa nagini, Li pabiidili leni i figindi mo n foagidi.

Esayi 51:11

O Diedo n faabi yaaba, Baa lebidi ki kpeni yene. Bi baa pundi Siyon leni li pamanli yani, Yaa pamanli n ki pia gbenma mo N baa yilini bi yula. Li pamanli leni li pamankandikaali N baa sani ki cua. Li paboanli leni i figindi mo baa sani ki foagidi.

Esayi 52:8

Li tie a doguudiba yaa nialu, Bi kpedi bi nialu, Ki taani ki yigini kelima bi paadi po. Bi laa leni bi nuni ke o Diedo lebidi ki guani Siyon.

Esayi 58:11

O Diedo baa gobidi yi u yogunu kuli, Ba ñima n ki ye yaa tinga nni, O Diedo baa yaa guondi yi, Ki puuni yi gbanu u paalu. Yi baa yaa tie nani ban kpidi yaa salidinga yeni, Nani yaa ñinbunli yaa ñima n kan ñuudi yeni.

Esayi 60:20

A yienu kan go baa, A ŋmaalo mo kan go kpe, Kelima o Diedo n baa yaa tie A yenma yaa yogunu kuli po. Lanyogunu a kumoe dana baa gbeni.

Esayi 65:19

N baa teni Jerusalemi n tua n pamancianli, O niba mo n tua n pamanli. Bi kan go gbadi bubula leni kuudi u dogu yeni niinni.

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 31:24

Lankane ke Juda leni o dogi yaaba kuli baa taani ki cua ki kali, bi kpakpaaba, bi yankpaaba leni bi yangola kuli.

Jeremi 31:25

N baa paagi yaaba n coagi pala, ki pugini yaaba n tadigi mo u fidu.

Jeremi 31:4

Yinba n niba Isidayeli yaaba, N baa guani ki mangi yi yema! Yi baa ña leni mu lonmu, Ki taani leni yaaba n jeli ki mangidi bi pala.

Jeremi 31:6

Li daali didi go kpendi, Ke yaaba n guu u dogu baa yedi: «Fii mani tin gedi Siyon o Diedo ti Tienu po.»

Jeremi 31:7

O Diedo yedi nanda: «Yiini mani Jakob po leni li pamanli. Mangi mani yi pala Jakob yua n tugi i nibuoli kuli yuli po. Teni ban gbadi yi niali, yin pagi o ki yedi: ‹O Diedo, faabi a niba Isidayeli yaaba, yaaba n sieni!›

Jeremi 32:15

Li Miali Diedo U Paaciamu Kuli Daano, Isidayeli Tienu yedi: «Bi go baa yaa daa ti diedi, i kuani leni duven tiidi kuani mi naa diema nni.»

Jeremi 33:12

Li Miali Diedo U Paaciamu Kuli Daano yedi nanda: «Yaa kaanu n tie diegbena kaa pia niba, kaa pia yandi leni li dogi nni kuli, a yanlola baa yaa ye bi yankpaaba po, bi yandi n baa yaa ye naani.

Jeremi 33:13

A juana dogi nni, Sefela dogi nni, nuganu dogi nni, Benjamen dogi nni, yaa dogi n gaani ki lindi Jerusalemi leni Juda dogi nni kuli, ti yanbidi go baa yaa ye yua coadi ba nuu nni. Mini o Diedo n yedi yeni.»

Esekieli 17:23

N baa ŋuu ka Isidayeli diema nni, Yaa juali n kpedi ki cie a juana kuli yuli po. Ki baa toa i beni, ki luoni, Ki tua yaa sediritibu n pia mi jawaama. I noanbuoli kuli baa yaa ye bu niinni. Bi baa yaa ye bu beni soangu nni.

Esekieli 20:40

Mini o Diedo U Tienu yedi ke n joagagidikaali yaali n kpedi ki cie Isidayeli diema juana yeni po yo, ke Isidayeli yaaba kuli leni yaaba n ye mi diema nni kuli, baa soani n po. Lankane n baa biali ba, ki gaa yin ñani yaala n po, yaala n ŋani ki cie yi paabu nni leni yin gagidi n po yaala kuli.

Esekieli 34:14

N baa yaa kpaa ba li moabunŋanli nni. Bi yankpaakaanu baa yaa tie Isidayeli diema juana po. Lankane bi baa yaa fuodi u yankpaakaanŋamu nni. Bi baa fidi ki yaa kpaa Isidayeli diema juana moabunŋanli nni.

Esekieli 36:30

N baa teni yi tiidi bonluonkaala leni i kuani kpaandi n pili ki pugini, ke mi koma n go da fiagidi yi i nilanbuoli siiga.

Ose Tili 3:5

Li yaa puoli, bi baa lebidi ki cua ki lingi o Diedo, bi Tienu leni bi bado, Davidi puoliŋuani siiga. Bi baa faa ki guani o Diedo kani leni li fangili, ki go baa o ŋanbili.

Age Tili 2:19

Naani ŋalikama go sieni a buabuana nni? Ba duven tiidi, i kankandi, Grenadi tiidi Leni olivie tiidi naa loni liba kuli. Ama, ki cili dinla ki ŋoadi yaa yogunu n kpendi, n baa seligi yi.»

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Jan n diani U Tienu Laabaaliŋamo maama 16:22

Li baa yaa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yi kani laa pamanli.

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

Mi Doagidima 21:4

O baa duuni ki ñani ti nunsiidi kuli bi nuni nni. Mi kuuma kan go yaa ye, li paboanli, a bubula leni mi funfunma moko kan go yaa ye, kelima li bonkpiala pendi.»

Mi Doagidima 7:17

kelima ki Pebiga, yua n ye li bali kalikaanu siiga baa yaa tie bi yankpaalo, ki gobidi ki caani ba li miali ñinbuna kani. U Tienu mo baa duuni ki ñani bi nunsiidi kuli bi nuni nni.»