Jeremi 31:11 - U TIENU MAAMA TILI 2013

¹¹ O Diedo baa faabi Isidayeli yaaba, O baa daa ki faabi ba, Yua n pa ki cie ba nuu nni.

Gourmanchéma Bible

¹¹ Kelima Li Miali Diedo baa faabi Isalele yaaba, O baa da ki faabi ba yua n pa ki cie ba nuu nni.

Jeremi 31:11 ပူးပေါင်းရင်းမြစ်များ

Pisomi 142:6

O Diedo, n kpaani ki miadi fine! N yedi: «Fini n tie n wuonkaanu Leni n biinu bi nifuodiba tinga nni!»

Mi Ñama 15:16

I jeje leni ti jawaandi baa cuo ba. A buagu paalu baa teni ban tua muula nani li tanli yeni. Bi kan fidi ki tieni liba kuli hali a niba, Ŋan faabi yaaba yeni n baa pendi.

Esayi 44:23

Tanpoli, mangi a pali, Kelima o Diedo soani o tuoncianli. Ki tinga ñuanlu nni mo N kpaani li pamanli kpaani. A juana, yigini mani li pamanli yigimi. Taani mani leni a fuana leni yi tiidi kuli, Ki yigini, kelima o Diedo daa ki faabi Jakob puoliŋuani, ki doagidi o kpiagidi Isidayeli diema nni.

Esayi 48:20

Ña mani Babilonni nni, Sani mani ki ña Kalide yaaba siiga. Leni li pamanli kpaani, Yin kpaani ki waani laa laabaalo, Hali yaaba n ye u tinbianu n gbadi. Yin yadi li laabaalo ki yedi: «O Diedo daa ki faabi o naacemo, Jakob puoliŋuani.»

Esayi 49:24

Naani bi baa fie o jakoando n fagi yaala? Naani o niteginka n muubi yaala go baa ŋmadi o?»

Esayi 49:25

Lanwani, o Diedo yedi: «Bi baa fie o jakoando n fagi yaala, O tugutondaano n cuo yaala mo baa ŋmadi, N baa koani leni yi yibalinba Ki faabi yi bila.

Esayi 51:11

O Diedo n faabi yaaba, Baa lebidi ki kpeni yene. Bi baa pundi Siyon leni li pamanli yani, Yaa pamanli n ki pia gbenma mo N baa yilini bi yula. Li pamanli leni li pamankandikaali N baa sani ki cua. Li paboanli leni i figindi mo baa sani ki foagidi.

Jeremi 15:21

N baa faabi a leni bi nibiadiba, Ki go faabi a leni ku tugumoangu danba.»

Jeremi 50:33

Li Miali Diedo U Paaciamu Kuli Daano N yedi yaala nne: «Bi mabini Isidayeli leni Juda yaaba. Yaaba n gedini ba ti yonbidi kubi ba leni u paalu, Ki yie ke bi kan ŋaa ba.

Jeremi 50:34

Ama bi todika pia u paalu, Wani yua n yi Li Miali Diedo U Paaciamu Kuli Daano yeni. O baa koani ki gaa ba, U dogu n baa mi yanduanma, Ama o nan baa coagi Babilonni yaaba wani.

Jeremi Bubula 3:58

O Diedo, n buudi nni, a maadi n po, Ki daa ki faabi n miali.

Ose Tili 13:14

Mini o Diedo, n baa faabi Laa niba bi tinkpiba yekaanu nni? Naani n baa faabidi laa niba mi kuuma nuu nni? Fini mi kuuma, a jatiadi ye le? Fini mi kuuma, waani a paalu yuu n bolindi yeni. N kan gbadi laa niba po ninñimiba kuli.

Sakari 9:16

Lanyogunu, o Diedo baa faabi ba Nani o yankpaalo n baa faabi o yankulu maama. Bi baa yaa ñuliti bi diema nni, Nani yaa tana n pia mayuli ki yen Taabi mu badifogilimu po maama yeni.

Matie 12:29

O nilo baa fidi ki kua o gbanmandaano diegu nni lede ki fagi o piama, kaa kpa paadi o ki loli o? Li yaa puole ke o baa fidi ki kua o diegu nni ki fagi o piama.

Matie 20:28

Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»

Matie 22:29

Jesu den guani ki yedi ba: «Yi tudi, kelima yii bani i Diani, yii bani U Tienu paalu mo.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.