Jeremi 30:18 - U TIENU MAAMA TILI 2013

¹⁸ O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Gourmanchéma Bible

¹⁸ Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:18 ပူးပေါင်းရင်းမြစ်များ

1 Bi Badiba Jama 29:1

O bado Davidi den yedi li nitaanli kuli: «N bijua Salomon, U Tienu n gandi wani bebe yua yeni tie biga ki daa pia fidu, ke li tuonli mo nan yabi hali boncianla, kelima ku naa diegu naa tie nisaalo po ka, ama o Diedo U Tienu po.

1 Bi Badiba Jama 29:19

Pa n bijua Salomon payenli ke wan kubi a bali maama, a ñoamabona leni a mabilikaama, lani n tie wan tieni lan yedi yaala, ke wan maa a diegu leni min den bogini yaa tiadi yeni.»

Nehemi 7:4

Jerusalemi dogu den pia mi fanma boncianla ki go yabi, ama u niba naa den fuu, ti diedi mo ki den maa.

Pisomi 102:13

Ama fini o Diedo, a tie bade yaa yogunu kuli, Fini n li tie U Tienu nifiima n tuu nifiima.

Pisomi 102:14

A baa fii ki gbadi Siyon dogu po mi ninñima, Kelima ŋan den bili ke a baa tieni u po Li ŋanbili yaa yogunu yeni pundi.

Pisomi 122:7

Mi yanduanma n yaa ye a dogu tugu nni. Mi yanduanma n yaa ye a badidiegu nni.

Pisomi 48:13

Goadi ki lindi mani Siyon dogu, Coadi mani u toadiefoaga kuli.

Pisomi 48:3

Li juali yeni ŋani, Ŋanduna kuli pali mani li po, Siyon juali ye nujienu po, Ki tie o badiciamo dogu.

Pisomi 78:69

O den maa o kaangagidiŋamu Ke u pa nani yaa kaani n kpedi Nani wan den tagi ki tinga yaaga, Yaa yogunu kuli po yeni.

Pisomi 85:1

Bi yanyinba yudaano yani siiga yanbu. Kore buolu yanbu.

Esayi 44:26

N saagi o naacemo maama po i moamoani. N tonda n pua saawali yaali yaa po mo, N tiendi la. N yedi Jerusalemi dogu po: ‹U baa guani ki baa bi niba,› Ki go yedi Juda diema dogi mo: ‹Bi baa guani ki maa bi diebuona nni.›

Esayi 44:28

N maadi Sirusi ki yedi ke o tie n yankpaalo. O baa yaa tiendi n yanbuama kuli. O baa yedi Jerusalemi dogu po: ‹Ban guani ki maa u!› Ki go yedi U Tienu diegu po mo: ‹Ban cili ku tanpuuli!› »

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 29:11

Mini o Diedo yedi: N bani min jagi yi po yaala. N jagi yi po yaala n ŋani. Mii jagi yi po yaala n bia ka, n baa pa yi yin sugini yaala, ke li baa fuoni yi saala po.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 31:38

O Diedo yedi: «A dana kpendi ke bi baa guani ki maa Jerusalemi dogu mini o Diedo po, ki cili Ananeeli diefoagili kani, ki yaa caa hali mi logidima buliñoabu.

Jeremi 31:4

Yinba n niba Isidayeli yaaba, N baa guani ki mangi yi yema! Yi baa ña leni mu lonmu, Ki taani leni yaaba n jeli ki mangidi bi pala.

Jeremi 31:40

Bi baa biigi bi tinkpiba leni mi fantanpienma joaloangu, ki taani leni yaa fanma n bili ki ban pundi hali Sediron joaloangu, ki ban tuu i taami buliñoabu nujienu po. Bi baa taa likuli ki gagidi ki ŋanbi o Diedo po. Bi kan go tudi ki lu la, ki buali ban bolini la.»

Jeremi 32:15

Li Miali Diedo U Paaciamu Kuli Daano, Isidayeli Tienu yedi: «Bi go baa yaa daa ti diedi, i kuani leni duven tiidi kuani mi naa diema nni.»

Jeremi 32:44

Bi baa daa i kuani yeni leni i ligi, ki diani li tili mi daama yogunu. Bi baa tieni a mi maalima, ki lingi siedinba Benjamen diema nni, Jerusalemi dogu lindima, Juda dogi nni, a juana dogi nni, Sefela dogi nni leni Nuganu dogi nni, kelima n baa teni bi yonbi n kpeni.› Mini o Diedo n yedi yeni.»

Jeremi 33:11

I pamandanyani, li pamankandikaali yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano kelima o ŋani, o ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani o Diedo diegu nni. N baa teni yaaba n den ye ti yonbidi n guani ki kpeni min kaani ba nani kpiama yeni. Mini o Diedo n yedi yeni.»

Jeremi 33:7

N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Jeremi 46:27

Fini Jakob n naacemo, da jie liba. Yi jigi n da cie, yinba Isidayeli puoliŋuani, N kpendi ki baa faabi a, Fini Jakob buolu. N baa faabi a puoliŋuani, Min den yadi yaaba ke bi ye yaa diema n foagi nni. Jakob puoliŋuani baa guani Ki baa mi yanduanma. Liba kan go yagi bi yama.

Jeremi 49:39

Ama u yogunu kpendi ke n baa Guani ki ŋanbi Elami. Mini o Diedo n yedi yeni.»

Jeremi 49:6

Ama li yaa puoli n baa teni Anmoni yaaba yonbi n guani ki kpeni.» O Diedo n yedi yeni.

Esekieli 36:11

N baa teni bi niba leni ti yandi n yaa pili ki pugidi, bi baa yaa pili ki go maa ki pugidi. N baa teni mi diema n yaa pia bi niba nani mi kpiama yeni. N baa ŋanbi yi po ki cie mi kpiama. Lani, yi baa bandi ke n tie Li Miali Diedo.

Amosi 9:14

N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Sakari 1:12

Lanwani, o Diedo Maleki yeni den maadi, ki yedi: «Li Miali Diedo U Paalu Kuli Daano, dinla n tie bina piilele leni a pali n beni Jerusalemi yaaba po leni Juda dogi yaaba po. Moala, gbadi bi po mi ninñima.»

Sakari 1:16

Li tie lani yaa po yo, ke Li Miali Diedo U Paalu Kuli Daano yedi yaa maama n tie ne: ‹N go baa lebidi ki cua Jerusalemi leni mi ninñingbadima. N diegu go baa guani ki maa, u dogu moko go baa guani ki maa.› »

Sakari 12:6

Lanyogunu, n baa teni Juda yudanba n tua nani ku moasiangu yeni li fuali nni, yaa ka nani u mukaanu ŋalikama baba nni yeni. I kaani kuli, bi baa bolini yaa nilanbuoli n kaa ki lindi ba. Jerusalemi yaaba baa yaa li ye bi kaanu, Jerusalemi yene.

Sakari 12:7

O Diedo baa kpa faabi Juda diedi yaaba, yeni Davidi puoliŋuani leni Jerusalemi yaaba kan mangi bi pala, ki cie Juda yaaba, yaaba n sieni.

Sakari 14:10

Mi diema kuli baa tua Nani Araba tialu yeni. Ki cili nujienu po dogu Geba, Ki ban pundi hali ganu po dogu Rimon. Jerusalemi dogu baa yaa ye u kaanu, Ki ye naani n kpedi. U baa tandi, ki cili bani Benjamen buolu Yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli diefoagili kani, Ki ban tuoni hali o bado duven Datuodikaanu kani.