Jeremi 30:16 - U TIENU MAAMA TILI 2013

¹⁶ Lani n teni ke yaaba n dini a, Bi baa je ba. A yibalinba kuli baa gedi ti yonbidi. Yaaba n den su ŋa, bi baa su ba. Yaaba n kpendi ki fagi a. Bi baa fagi bimoko.

Gourmanchéma Bible

¹⁶ Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

Jeremi 30:16 ပူးပေါင်းရင်းမြစ်များ

Pisomi 129:5

Yaaba n nani Siyon yeni kuli, N fiagi ki yaa suligi puoli po.

Mi Ñama 23:22

Ama a yaa tuo wan yedi yaala, ki tieni min baa yedi a yaala kuli, n baa tua a yibalinba yaa yibali, a koanginkaaba yaa koanginka.

Mi Kpanjama 22:23

O Diedo baa koani ki gaa ba, Ki kpa yaaba n ñandi bi miana.

Esayi 14:2

I nibuoli baa taa ba ki gobidi Ki gedini ba bi diema nni. Isidayeli buolu baa gaa ba Nani li faali yeni o Diedo tinga nni, Ban tua nani a jatuada leni a puotuada yeni. Bi baa cuo ti yonbidi yaaba n den kubi ba ti yonbidi, Ki diedi yaaba n den mabindi ba.

Esayi 33:1

Fala baa nandi fini yua bolindi Ke bi naa bolindi a, Ki janbidi ke bi naa janbi a! A yaa bolini ki gbeni, bi baa bolini a mo. A yaa janbi ki gbeni, bi baa janbi a mo.

Esayi 54:15

Bi yaa baa ŋa bu toabu, Li kan ña mini yaa kani. Yua n baa a bu toabu, Baa gbali ki baa a nintuali.

Esayi 54:17

Ama ban tagi yaa jatiagu Ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie o Diedo naacenba faali, Lani n tie ban baa ke o Diedo saa bi po yaa moamoani. O Diedo n yedi yeni.

Jeremi 10:25

Teni a pabiencianli n jiidi i nilanbuoli po, Bani yaaba n ki bani a Leni yaa nibuoli n ki jaandi ki miadi a todima yeni po, Kelima bi di Jakob buolu. Bi dini o hali ki bolini o, Ki teni ke o tinga tua paboanli kaanu.

Jeremi 12:14

O Diedo yedi mi naa maama Isidayeli yieninlieba yaaba n ki ŋani yeni po, bani yaaba n fie min puni n niba Isidayeli yaaba yaa tinga. Diidi, n baa ñani ba bi tinga nni. N baa ŋabi ki ñani Juda buolu bi siiga.

Jeremi 2:3

Isidayeli, a den li ye mini o Diedo bebe yaa po yo. A den tie n bonbaakaala kuli yaa bonkpiala. Yaaba n den ŋmani la kuli den kua i tagili nni, Mi yebiadima mo yen ŋmaa ba. O Diedo n yedi yeni.

Jeremi 25:12

Ama a binpiileleeda yaa pundi, n baa fii kelima bi tagili po. N baa fii ki sedi Kalide yaaba diema po moko ki teni man tua diegbena yaa yogu n tuu yaa yogu. Mini o Diedo n yedi yeni.

Jeremi 30:15

Be yaa po yo ke a kaliti Yaa bonla n biidi kuli po Leni a tonu yuu n ki pia ñoagu po? Li tie ke a tagili n kandi po yo, A tuonbiadi biadima po yo, Ke n tieni a laa bonla.

Jeremi 50:28

Li tie yaaba n tiini ki ña Babilonni po yaa kuudi yo, Ki wangi Siyon dogu nni Ke o Diedo ti Tienu tuu o panli. O tuu li panli o diegu po.

Jeremi 8:16

Bi gba i taami dunli hali Dan diema nni, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni, U dogu leni yaaba n ye u niinni.»

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Ki mangi bi pala leni ŋan soani nni yaa tuonli. A teni ke ŋan den bili yaa daali cua. Ŋan teni lan tua bimoko yaa po yeni.

Jeremi Bubula 1:22

Bi biadima kuli n cua a nintuali. Ŋan soani bani moko, Nani ŋan den soani nni maama, Kelima n yiema po. Moamoani n ñiindi yabi, N pali mo ye leni fala.

Esekieli 29:6

Lani, Ejipiti niba yaaba n den tie Isidayeli yaaba jigi yeni, Baa bandi ke mini n tie Li Miali Diedo.

Esekieli 35:5

Isidayeli yaaba n den ye leni bi paboanli yaa yogunu, ke bi tuonbiadi mo tuoni ti bianu, a den tudi ki luni ba leni ki jugisiega, kelima a den pia bi po yaa yibalindi n ki pia gbenma.

Mise 4:11

Moala i nilanbuoli boncianla taani Ki bua ki tuogi leni yi bu toabu, Ki maadi yi maama ki tua: «Tin kua Siyon dogu nni ki joagini u. Tin sedi ki ñuadi u dogu yeni bolinma.»

Mise 7:10

N yibali baa le lani kuli i fe n cuo o, Wani yua n den tua nni, Li Miali Diedo a Tienu ye le? Bi baa ŋmaa n yibalinba nani u sanu nni moamoadi yeni. N nuni baa le lani kuli.

Nahumi 1:8

Ba ki tabolinkaaga yogunu. Ama o baa deli o yibalinba ki kuani ba mi kuuma biigili nni.

Habakuki 2:16

Yi fiagi yi yula yo, Yii jigindi yi yula ka ba. Yimoko n ño ki gaadi ki yiedi mubima, Kelima yi kpiagidi baa lebidi ki tua fe. O Diedo baa teni yin ñuudi Leni paalu yo o pabienli tadiñokaaga.

Sofoni 2:8

O Diedo yedi: «N gbadi Moabi diema yaaba n sugidi N niba yaa sugidi, Leni Anmoni buolu mo n maadi Yaa japaamaama, ki yuandi n niba. Bi fie n niba diema ki pugini bi yaama.

Sakari 1:14

Lani, o Diedo Maleki yeni den yedi, ke min kpaani ki waani ke Li Miali Diedo U Paalu Kuli Daano yedi yaa maama n tie ne: «N pia Jerusalemi yaaba po leni Siyon juali po, yaa buama n yabi boncianla.

Sakari 1:15

Ama n pali be yaa nilanbuoli n jigini bi yula po boncianla, kelima n pali n da den be Isidayeli yaaba po waamu waamu yaa yogunu, i nilanbuoli yeni den taani ki cuani bi tingbali.

Sakari 12:2

«N baa teni Jerusalemi yaaba n tua nani yaa tadiñokaaga n gbie leni yaa duven n tie n pabienli. Yaa nilanbuoli n lindi ba baa ño laa duven bi nunmu n fuuni. Li baa tua yene Juda yaaba moko yaa po, yibalinba n lindi ki cebini ki baa Jerusalemi yaa yogunu.

Sakari 14:2

O Diedo baa taani i nilanbuoli, Ki teni ban baa Jerusalemi. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima Ki gedini ti yonbidi. Ama yaa niba n sieni Baa yaa kaa u dogu nni.

Sakari 2:12

Li Miali Diedo U Paalu Kuli Daano, Yua n soani nni leni o bali paalu, Maadi yaa nilanbuoli n den fagi yi yeni po, Ki yedi ke yua n sii yi kuli, Tuu wani U Tienu nunbu nne.

Sakari 2:8

O den yedi o: «Sani ki yedi o jawaalo yua n kubi u baabibiigiko yeni, ke bi kan maa bilini ki lindi Jerusalemi, kelima yaa niba leni yaa yandi n baa yaa ye lienni yeni baa yaa yabi boncianla.»

Mi Tiadima 30:7

O Diedo baa teni laa solindi kuli n guani ki baa yi yibalinba leni yaaba n nani yi ki faligidi yi po.

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa omo leni ki jugisiega. Lani yaa po yo, ke li pundi bi nigagidiŋanba n yaa pia li juunli, ki se leni dandanli.

1 Samueli 17:53

Li yaa puoli, Isidayeli yaaba den cedi Filisiti yaaba ki lebidi ki kua bi toanagili nni ki fagi.