Jeremi 30:14 - U TIENU MAAMA TILI 2013

¹⁴ A jaconcona kuli sundi a po, Baa go lingi a. N faligi a nani n yibali yeni. N waani a o falaciamo, Kelima a tagili yabinu po Leni a tuonbiadi biadima po.

Gourmanchéma Bible

¹⁴ A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 30:14 ပူးပေါင်းရင်းမြစ်များ

Jobi 16:9

O pabienli nni o fii ki baa nni Ki toadi toadi nni, Ki cegini n po o ñina. N yibali pegidi o nunjoma kuli ki teli nni.

Jobi 19:11

O pali beni n po boncianla, Ke o faligi nni nani o yibali yeni.

Jobi 30:21

A fii n po leni mi biadima, Ki sedi n po leni a fidu kuli.

Pisomi 107:17

Bi tianba den waani bi biadima bi yanpiima nni. Bi den kuani bi yula fala nni kelima bi tagili po.

Esayi 57:13

Yi yaa ti buudi yaa yogunu, Yi buli, yin taani yi yeni kuli N faabi yi naa! U faalu baa tugi i buli yeni kuli. Mi fawaama mo baa taa yi. Ama yua n sani ki wuoni n kani kuli, Baa je mi diema bali ki diedi n joagagidikaali.

Jeremi 14:17

Yedi ba yaa maama n tie ne: «N mua ku ñiagu leni u yensiinu ki naa cedi, Kelima u nufanu pua n niba. Laa yebiadima pa hali boncianla.

Jeremi 2:36

Be yaa po yo ke a baa tieni li naa bonla kuli, Ki lebidi a sanu? Ejipiti diema baa janbi a, Nani Asiiri diema n janbi a maama yeni.

Jeremi 22:20

Do Liban juana po ki kpaani! Kpaani bonŋanla Basan penpeligu po! Do Abarimi juali po ki kuudi, Kelima a jaconcona kuli mudi yoab.

Jeremi 22:22

U faalu baa tugi a gobidikaaba kuli. A jaconcona baa gedi ti yonbidi. Lanwani, i fe baa cuo ŋa, Ŋan le u yualu kelima a biadima po.

Jeremi 30:15

Be yaa po yo ke a kaliti Yaa bonla n biidi kuli po Leni a tonu yuu n ki pia ñoagu po? Li tie ke a tagili n kandi po yo, A tuonbiadi biadima po yo, Ke n tieni a laa bonla.

Jeremi 32:29

Babilonni yaaba, yaaba n baa u dogu ne baa kua u niinni, ki juu u u mu. Bi baa juu ban juugi a dugibila yaa diena po, o bulo Baali po, ki go cabini butoe po, ki biidi n pali.

Jeremi 32:30

Isidayeli leni Juda yaaba nan li tiendi yaala n ki mani n po hali bi panma nne. Isidayeli yaaba leni bi tuada li biidi n pali bebe. Mini o Diedo n yedi yeni.

Jeremi 32:34

Bi kuani bi cancaginbonla n diegu nni, ban taagi n yeli naani, ki joagini ku.

Jeremi 32:35

Bi maa i padikaani Baali po Beni-Hinomi joaloangu nni, ki baa yaa padi ki juugi bi bijaba leni bi bisiaba, o bulo Moleki po. Mii den puogi ba ban tieni laa bonla. Mii den baa li yantiali ki baa tieni laa cagindi, ki teni Juda n tieni ti tuonbiadi.»

Jeremi 38:22

‹Bi baa gedini Juda bado diegu nni puoba, yaaba n sieni kuli Babilonni bado koanbala kani.› Lani, bi puoba yeni baa yedi: ‹A den teni ke yaaba n maadi leni a Mi yanduanma boandi a ki diedi a. A taana feli ti moamoadi nni, Ke bikuli sani ki yadi ki ŋaa ŋa.› »

Jeremi 4:30

Fini Jerusalemi ban jugi yua, A go baa tieni be? Naani a go baa la yaa tiadi n moani colicoli? Naani a go bogidi a baa leni wula tiadi? Naani a go baa diani a nuni cilo? A bobi ki ŋanbidi a yuli fanme, A jaconcona fali a, Bi ji lingi a kuume.

Jeremi 44:22

Yi tuongunda leni yi tuonyuogidi teni, ke o Diedo kan go bi fidi ki juuni leni yi. Li teni ke yi diema kpandi diegbendi, paboanli leni falima bonla, nilo n ki ye naani, nani yin nua maama dinla.

Jeremi 5:5

N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toadi toadi ba, Ki gbiiga se bi dogu buliñoana kani, Ki guu ba. Yaaba n baa ña kuli, o baa toadi toadi ba, Kelima bi yiema yabi hali boncianla. Bi yenyiema mo yabi ki kandi.

Jeremi 50:42

Bi kpali li dabanli, ki yugidi li kpaanli. Bi pia ku tugumoangu, kaa gba ninñima. Bi niali dune nani mi ñincianma yeni. Bi jagi i taami po ki caligi Nani niyendo yeni bu toabu po, Ki baa koani leni fini Babilonni.

Jeremi 6:23

Bi kubi li dabanli leni li kpaanli. Bi pia ku tugumoangu leni i nunkuomi, Bi niali duni nani mi ñincianma yeni. Bi jagi i taami ki caligi bonŋanla bu toabu po, Ki baa koani leni Siyon badisalo.

Jeremi Bubula 1:19

N yini n jaconcona, Ama bi boandi nni. N kopadicianba leni n nikpela Kpe u dogu nni, Ban den lingi mi jiema yaa yogunu, Ki bua ki gaa bi miana.

Jeremi Bubula 1:2

Ñiagu kuli o mua, O nunsiidi mo tagidi o tankpina po. O jaconcona siiga, Oba kuli ki baagidi o. O buakaaba kuli ñani o puoli, Ki kpandi ki tua o yibalinba.

Jeremi Bubula 2:1

Jam, li gaa lede ke o Diedo pabienli nni, O teni ke ti tawaboandi libini Jerusalemi? O pieni ki luni Isidayeli kpiagidi tinga nni. Waa tiadi o diegu po. O pabienli nni, o sundi o taaŋmaakaanu po.

Esekieli 23:22

Oholiba, o Diedo U Tienu yedi mi naa maama: ‹N baa teni a jaconcona kuli n fii ki sedi a po, a yama n den ñani bani yaaba yaa niinni yeni. N baa ñani ba i kaani kuli ban fii ki sedi a po.

Esekieli 23:9

Li tie lani yaa po yo, ke n den luni o, O jaconcona Asiiri yaaba nuu nni, wan den mangi o pali leni yaaba.

Danieli 9:11

Isidayeli yaaba kuli miidi a bali maama, ki lebidi ki ŋaa, kaa cengi a yedima. Lani n teni ke yaa solindi leni yaa tundifala n diani a naacemo Musa bali maama tili nni baa ti po, kelima ti den tieni ti tuonbiadi fini U Tienu po.

Danieli 9:13

Laa yebiadima ŋmaa ti, nani lan diani Musa bali maama tili nni maama. Ama ba lani kuli, tii mia ke fini o Diedo n je sugili, tii kuani ti yama ki faami a moamoani po.

Danieli 9:5

Ti tieni ti tuonbiadi, ti tudi a po, ti tieni yaala n bia ki yie a bali, ti lebidi ki ŋaa a bali maama leni a ñoamabonbilikaana.

Ose Tili 2:5

Lani yaa ka, n baa yiedi o mubima, Ki ŋaa o o naa n mali o maama. N baa teni o diema n tua fanpienma, Ñima n ki ye yaa tinga nni. N baa teni wan kpe u ñuñuunu.

Ose Tili 5:14

N baa yaa tie Efrayimi buolu Leni Juda buolu po nani o yangbanlo yene. Mini n li baa dadi ki toadi toadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Abidiasi 1:7

Yin den danli leni yaaba deli yi, Ki ñani yi yi diema nni, Ki janbi yi. Yin danli leni yaaba diedi yi. Yaaba n den taagi ki di leni yi, Dia yi ti dadi. Bi maadi yi maama ki tua: ‹Diidi mani ban luo mi yama maama!›