Jeremi 30:13 - U TIENU MAAMA TILI 2013

¹³ Oba kuli ki mua a po, Ki baa fini a po a nali. Yaa ñoagu n baa todi a mo ki ye.

Gourmanchéma Bible

¹³ Oba kuli ki koani apo Ki baa fini a nali. Yaa ñoagu n baa todi a mo ki ye.

Jeremi 30:13 ပူးပေါင်းရင်းမြစ်များ

Jobi 34:29

U Tienu yaa puni nibuoluba Bi diemiba mi yanduanma, Ŋme nan baa fidi ki jaligi o li po? O yaa buli o nunga, ŋme n baa fidi ki diidi o?

Jobi 5:18

Kelima wani n yen poagili, ki go buu. Wani yaa nii n yen poagili, ki go buu lan soangi.

Pisomi 106:23

O den jagi ke o baa bolini ba, Ama Musa wan den gandi yua yeni, Den fii ki jiini wani U Tienu pali, Ki teni ke waa bolini bikuli cain.

Pisomi 142:4

N yaa coagi ki gbali yaa yogunu, Fini wani bani min caa naani. Bi dia nni ku diagu, Min baa tagini yaa sanu nni.

Mi Ñama 15:26

O den yedi: «Yi yaa cengi o Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o bali maama, ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli, kelima n tie Li Miali Diedo yua n paagidi a.»

Esayi 1:6

Ki cili a taana ki ban pundi Hali li yuli siiga, Puu kuli ki pia laafia. Mi poagilima, a binbila leni a nala N ye i kaani kuli. Baa ŋuudi a nala yeni, baa fini a, Baa wuli a po mi kpama.

Esayi 59:16

Lani, o pali biidi leni ba niyendo n ki ye, Yua n baa jaandi ki mia o sugili. Lanwani o buagu n todi o, Ke o teginma mo n tie o dabanjali.

Jeremi 14:19

Naani a luni ki diani Juda cain yo? Naani a pali kuli fa Siyon po yo? Be yaa po yo ke a pua ti, Ke gaapo naa ye ti po? Ti bi daani mi yanduanma, Ama bonŋanliba kuli ki ye. Ti den daani laafia, Ama ti jawaandi bebe n cua ki taani ti!

Jeremi 17:14

Ŋain, o Diedo, paagi nni, lani n tie min paagi. Faabi nni, lani n baa faabi, Kelima fini n tie n pagidi!

Jeremi 30:17

Nani ban tua ke ŋaa pia fuomiba kuli, Ke oba kuli mo ki yagini o yama a po yeni, Lani yaa po, nmo baa paagi a leni a poagilima, Ki teni a nala n gbeni. Mini o Diedo n yedi yeni.»

Jeremi 33:6

N baa paagi u dogu yeni cain. N baa paagi u niba mo. N baa pa ba laafia leni mi yanduanma ñuadi.

Jeremi 46:11

Yinba Ejipiti yaaba, gedi mani Galaadi po, Ki ban lingi u ñoagu. Ama likuli ki pia yi po fuomiba, Kelima liba mo kuli kan fidi ki buu yi.

Jeremi 6:7

Nani ku ñinbuogu n kubi mi ñima maama, Laa dogu moko kubi u biadima yene. Tugumoangu leni bolinma bebe n ye u dogu yeni niinni. N li nua u niinni poagilima leni fala bebe.

Jeremi 8:22

Naani kpasogikaama ki ye Galaadi diema nni? Naani lotoli ki ye lipo? Be yaa po yo ke laafia naa go tiendi n niba po?

Jeremi Bubula 2:13

N go baa waani a be yaa nannanle? N baa biigi a leni be yo, Jerusalemi jafanŋamo? N baa baagi a lede, Siyon jafanŋamo? Kelima yaa yebiadima n ŋmaa ŋa Yabi ki pundi mi ñincianma. Ŋme n baa fidi ki paagi a?

Esekieli 22:30

N lingi bi siiga yaa niba n baa maa u bilinu ki gaa ba, yua n baa fii ki sedi n nintuali u bilinu n padi naankani, ki jaandi mi diema po, ke man da bodi. Ama mii laa oba kuli.

Esekieli 30:21

«Nisaalo biga, n kua Ejipiti bado Faraon buagu. Bi kan buu ku, ku kan paagi, bi kan go tieni ku ñoagu, ki fini ku li cabili ke kun fidi ki go muubi ki jugisiega.»

Ose Tili 14:4

Asiiri diema yaaba kan fidi ki faabi ti. Ti kan go jagini taami mo ki bua ki sani ki cia. Ti kan go yini ti nii n tagi yaala ti Tienu, Kelima a kpienbila baadi a yaa kane mi ninñingbadima.› »

Ose Tili 6:1

Yi tua: «Cua mani tin lebidi ki guani o Diedo kani, Kelima o den dadi ki toadi toadi ti, ama o baa paagi ti, O den poagili ti, ama o baa fini ti po ti nala.

Nahumi 3:19

Yaa yema n ŋmaa yi yeni, gaapo ki ye, A poagilima yeni baa ñani a miali. Yaaba n gbadi a bolinma laabaalo kuli Pua ti nupodi ki mangi bi pala, Kelima a biadima naa den pia kuli man lagidi yua.

Mi Tiadima 32:39

Lanwani, moala, diidi mani ki bandi Ke mini bebe n tie U Tienu. Mini yaa ka mo, tientoa ki ye. Mini n puuni li miali, mini n go kpaani. Mini n poagiliti, mini n go buu. Niloba mo kan fidi ki lobidi la n nuu nni.

1 Pieri 2:24

Wani yua n den tugi ti tuonbiadi O gbanandi nni ku daagu po, Ke tinba yaaba n kpe ti tuonbiadi po yeni, N yaa ji ye ki fo, ki tiendi mi teginma. Li tie o poagilima yaa po yo, ke yi paagi.

1 Jan 2:1

N bibuadimu, n diani yi po yaala n tie ne ke yin da tieni tuonbiadi. Yi siiga nilo yaa tieni tuonbiadi, ti pia o candanbaalo ti Baa U Tienu kani. Lani n tie Jesu Kilisiti o niteginka.