Jeremi 3:14 - U TIENU MAAMA TILI 2013

¹⁴ Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Gourmanchéma Bible

¹⁴ Guani mani ne, yaaba n kan sedi kaanyendu, Li Miali Diedo n yedi yeni. Kelima mini n tie yi canbaa N baa gandi niyendo u naa dogu nni, Niba lie mo, u naa buolu nni, N baa guani yi Siyono po.

Jeremi 3:14 ပူးပေါင်းရင်းမြစ်များ

2 Bi Badiba Jama 30:6

A tonda den gaani Juda leni Isidayeli diema nni kuli, ki teni o bado leni o koanbala n den diani yaa tila, ki go den maadi nani o bado mo n den puogi ba maama ki yedi: «Yinba Isidayeli yaaba, yaaba n ki baa Asiiri bado nuu nni, yin lebidi ki guani o Diedo, Abalahama, Isaaka leni Jakob Tienu kani. Yeni, omo baa guani yi kani.

Esayi 1:9

Li Miali Diedo U Paaciamu Kuli Daano, Yàá bi teni ke ti siiga bi tianba cia, Ti bi baa yaa tie nani Sodomi Leni Gomori dogi yene.

Esayi 10:22

Isidayeli, a niba yaa ti yabidi, Ki pundi mi ñincianma tanbiili, Niba waamu bebe n baa guani o Diedo kani. Mi bolinma baa tieni. Ti buudi mo baa jia.

Esayi 17:6

Yaala n ji baa sieni Isidayeli nni, Baa yaa tie boncabi bebe yo, Nani ban baa pua ki cie Leni u gbiamu olivie tiidi Bonluonkaala maama yeni, Ke bonyenga yenga sieni i beni nni Leni a tibada nni. O Diedo Isidayeli Tienu n yedi yeni.

Esayi 27:12

Landaali, o Diedo baa yoagi i tiidi, Ki cili u kpenciamu Efrati, Ki ban pendi Ejipiti ñinbaadu. Bi baa duo yi yendo yendo Yinba Isidayeli yaaba.

Esayi 31:6

Yinba Isidayeli yaaba, Lebidi ki guani mani, Yin den buli yua ki nunga kani.

Esayi 44:22

N bolini yi tagili nani ku tawaligu yeni, Ki bolini yi tuonbiadi mo Nani ku gbangbadigu yeni. Guani ki cua n kani, Kelima n den daa ki faabi yi.

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 55:7

O nibiado n ŋaa o tagibiadu, Fanma miali mo n ŋaa o yantiabiadili, Ki lebidi ki guani o Diedo kani. Wani yua n baa gbadi o po mi ninñima Leni ti Tienu yua n puuni sugili Leni ti bulicindi kaa cedi yeni kani.

Esayi 57:17

Isidayeli yaaba yiekandikaama po yo, Ke n pali den beni ke n pua ba. N pabiidili nni n den wuoni n yuli. Ama bi den baa ki ŋua mi yiema sanu, Ki ŋua bi pala n bua yaa sanu.

Esayi 6:13

Ba li yaa sua ke niba piiga siiga kuli, Niyendo yendo n sieni ki ye mi niinni, Bi baa lu bani moko u mu nni. Ama nani telebinti leni seni tiidi, Bi yaa pedi i ñiali, Yin go yen guani ki kpeli maama yeni, Bi yaa ñiana moko baa guani ki bundi Ki tieni yaa puoliŋuani n gagidi Ki ŋani yene.

Jeremi 2:19

A biadima n nandi a, A janbi mo n ñiadi a. Diidi ki le, ki ŋaa mini o Diedo a Tienu, Ki da go pia n po fangiliba, N bia ki go gundi maama. Li Miali Diedo U Tienu U Paaciamu Kuli Daano n yedi yeni.»

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Jeremi 23:3

N baa taani n niba yaaba n sieni, min yadi ba yaa diema nni kuli, ki guani ba bi yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 3:8

Ba ke n ñani Isidayeli o yenyiedo kelima o conconma po, ki teni o o puoñatili, n laa ke ba leni lani kuli o naataanpuoga Juda i janbi daano naa baa fangili lipo. Omoko gedi ki ban cagini o yuli.

Jeremi 31:12

Bi baa cua Siyon juali kani, Ki yiini leni li pamanli, Kelima o Diedo n baa pa yaa piama po. Mani n tie: ŋalikama, Mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa salidingo yeni. Jawaandi kan go cuo ba.

Jeremi 31:32

Li kan yaa tie nani min den kuani yaa ŋantaado leni bi yaajanba, min den mubini bi nii, ki dadi ki ñani ba Ejipiti diema nni yaa daali ka. Ba ke n tie bi canbaa, bi den fidi laa ŋantaado. Mini o Diedo n yedi yeni.»

Jeremi 31:6

Li daali didi go kpendi, Ke yaaba n guu u dogu baa yedi: «Fii mani tin gedi Siyon o Diedo ti Tienu po.»

Ose Tili 5:15

N baa lebidi ki kuni ki ŋaa ba, Hali ban baa tuo bi tagili, Ki guani ki lingi nni. Bi fala nni, bi baa lingi n todima.

Sakari 1:4

Yin da tua mani nani yi yaajanba yeni. Hali yogu, n saawalipuaba den wangi ba ke n yedi ban lebidi ki ŋaa bi sanbiadi leni bi bontienka-biadila. Ama bi den yie kaa cengi nni, baa den tuo ki ŋoadi min yedi ba yaala.

LOMA YAABA 9:27

O saawalipualo Esayi moko kpaani ki maadi Isidayeli buolu maama ki yedi: «Baa Isidayeli buolu yaa yabi Nani mi ñincianma tanbiima yeni, Nitianga bebe n baa faabi.