Jeremi 29:32 - U TIENU MAAMA TILI 2013

³² o Diedo n yedi yaama nne: «N baa fii ki sedi Semaya Nehelam yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma, kelima o maama tie mi yiema o Diedo po. O Diedo n yedi yeni.»

Gourmanchéma Bible

³² Li Miali Diedo n yedi yaama nne: «Diidi n baa fii ki sedi Semaya Nehelama yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma mo. Kelima o maama tie yiema yaa maama Li Miali Diedo po. Li Miali Diedo n yedi yeni.»

Jeremi 29:32 ပူးပေါင်းရင်းမြစ်များ

1 Bi Badiba 13:18

Ama o jakpelo yeni den yedi o: «Nmoko tie saawalipualo nani fini yene. O Diedo teni ke maleki yedi nni ke min guani a n denpo ŋan baa ŋan baa je yaala leni ŋan baa ño yaala.» Li den tie faama.

2 Bi Badiba 5:27

To! Moala Naama gbaadima baa puodi a, fini leni a yaabila hali yaa yogunu kuli!» Gehasi den ñani Elise kani ke mi gbaadima cuo o, ke o pieni nani ti kunkundi yeni.

2 Bi Badiba 7:2

Bi toatieba yudaano, o bado n den dugi yua yaa po yeni den guani ki yedi U Tienu nilo: «Ba o Diedo yaa luodi tanpoli bona, laa bonla baa tieni?» Elise den guani ki yedi o: «A baa le la leni a nuni, ama a kan je la.»

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu, n tie yaa Tienu n pia li nunponli. N guandi bibaanba biadima panpaani bi bila kani, hali nifiimitaa bi nifiiminaa, yaaba n nani nni po.

Esayi 14:20

Ama a kan taani leni ba li takuli nni, Kelima a bolini a diema, ki kpa a niba, Bi kan go taa bi nibiadiba buolu yeli abada.

Esayi 14:22

N baa fii bi po, mini Li Miali Diedo U Paaciamu Kuli Daano n yedi yeni. N baa bolini Babilonni yeli Leni yaala n sieni likani kuli. N baa bolini Babilonni puoliŋuani Yaaba n sieni kuli.

Jeremi 17:6

O tie nani yaa fatuuga n ye u tialu nni. O kan baa yemanmiba kuli. O yekaanu n baa yaa tie Mi fanpienma tana siiga, Yaa tinga n tie lianli nni, Nilo n ki ye naankani.

Jeremi 20:6

Fini Pasehuri mo leni yaaba n ye a diegu nni kuli, yi baa gedi ti yonbidi Babilonni. A baa n kpe lipo ban piini a, fini leni a danlinba, ŋan den pua yaaba yaa po mi saawalifaama.› »

Jeremi 22:30

O Diedo yedi nanda: «Baani mani o joa ne Nani yua n ki pia bila yeni, Nani yaa joa n kan fidi ki midi yanbu O yema nni yeni, Kelima o puoliŋuani siiga, Oba kan fidi ki kali Davidi bali gbandi po, Ki diedi Juda diema.»

Jeremi 28:16

Lani n teni ke o Diedo yedi mi naa maama: ‹N baa deli ki ñani a mi diema nni. Dunla a baa kpe, kelima a maama tie yiema o Diedo po.› »

Jeremi 29:24

Li Miali Diedo U Paaciamu Kuli Daano, Isidayeli Tienu den puogi o saawalipualo Jeremi, ke wan yedi Semaya Nehelam yua: «A yeli po, a soani Jerusalemi niba kuli po, o kopadiciamo Maaseya Sofoni bijua leni bi kopadicianba kuli po, a tila ya n yedi:

Jeremi 30:1

O Diedo den maadi leni Jeremi yaa maama n tie ne:

Jeremi 35:19

lani yaa po, Li Miali Diedo U Paaciamu Kuli Daano, Isidayeli Tienu yedi ke Rekabi bijua Yonadabi, kan luo yaa puoliŋuani n baa yaa ye ne, n nintuali daali kuli.› Lani n tie o Diedo Isidayeli Tienu n yedi yaala.»

Jeremi 36:31

N baa fii ki sedi fini leni a puoliŋuani leni a naacenba po, kelima bi tagili po. N baa teni min den waani ke yaa fala n baa cua, ke baa cengi yeni, n baa Jerusalemi leni Juda yaaba.»

Esekieli 20:38

N baa ñani yi siiga yaaba n den fiini n po mi yiema, ki naa den tuo n maama yeni. N baa ñani ba ban ye yaa diema nni. Ama bi kan go guani Isidayeli diema nni. Lani, yi baa bandi ke n tie Li Miali Diedo.»

Amosi 7:17

Ŋan tieni laa bonla yeni, o Diedo n yedi yaala ne: ‹A pua baa tua puoconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini a ba mo baa n kpe mi nilandiema nni. Bi baa gedini Isidayeli yaaba ti yonbidi yaa kaanu n foagi leni bi diema.› »

Amosi 9:10

Bu toabu baa je n niba siiga ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mi Tiadima 13:5

Yi baa ŋoadi Li Miali Diedo yi Tienu, ki fangi o, ki kubi o bali maama, ki yaa tuodi o ñoamabona. Yi baa yaa kpiagidi, ki go ŋua wani bebe.