Jeremi 29:17 - U TIENU MAAMA TILI 2013

¹⁷ Li Miali Diedo U Paaciamu Kuli Daano yedi nanda: «N baa cuani bi siiga bu toabu leni mi koma, ki teni ban yaa naani leni yaa kankanbedima n ki go pia ŋmanma, kelima ŋan bedi maama po.

Gourmanchéma Bible

¹⁷ Li Miali Diedo yedi nanda: «Diidi n baa cuani bi siiga bu toabu leni mi koma, ki teni ban yaa naani leni yaa kankanbedima n ki go pia ŋmanma kelima ŋan bedi maama po yeni.

Jeremi 29:17 ပူးပေါင်းရင်းမြစ်များ

Jeremi 27:8

Yaa nibuolu bi yaa diema n yie ki kan soani Babilonni bado Nebukanesa po, ki yie ki kan teni o tulu Babilonni bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko, hali ki ban bolini mi diema yeni leni o nuu. Mini o Diedo n yedi yeni.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi, ti yanyagidi, ti laadi, li ñuali leni u yualu bonla, min baa yadi yi yaa nibuoli kuli siiga.

Jeremi 32:24

Yibalinba gaani ki lindi, ki bua ki guli u dogu. Bani Babilonni yaaba, yaaba n fii ki sedi u dogu po yeni, baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan den tuodi ki waani yaala tieni, a nua la mo.

Jeremi 43:11

O baa cua ki pua Ejipiti diema. Mi kuuma baa taa bine, bine n gedi ti yonbidi, ki jugisiega mo n je yaaba n sieni.

Jeremi 52:6

Cinaa dayiali, mi koma den moandi u dogu nni boncianla. Bonjekaala ki go den ye bi niba po.

Luki 21:11

Mi tindigibicianma baa yaa tiendi, mi koncianma leni i yianbiadipuodike moko baa yaa tiendi i kaantiami, li bonlidinkacianla yaala n pia i jeje leni yaa sinankeene n yabi baa ña tanpoli ki yaa tiendi.

Luki 21:23

Fala baa yaa ye leni yaa puoba n punbi leni yaaba n da ŋaandi laa dana nni, kelima o falaciamo baa tieni mi diema na niinni, U Tienu pabienli cuonu baa jiidi u naa nibuolu po.

Mi Doagidima 6:8

N den diidi ki laa yaa taamo n bua ki yaa tie suudi yeni. Bi den yi yua n jagi o yeni mi “Kuuma”, ke bi tinkpiba diema ye o puoli. Bi den puni ba u paalu ki tinga kaannaadi kuli siiga kaanyendu, ban teni ki jugisiega, mi koncianma, u yianbiadipuodiko leni ki tinga fuayanbiaditi, n kpa likani yaaba.