Jeremi 29:14 - U TIENU MAAMA TILI 2013

¹⁴ N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Gourmanchéma Bible

¹⁴ N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 29:14 ပူးပေါင်းရင်းမြစ်များ

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

Pisomi 126:1

Ban caa Jerusalemi ki yiini yaa yanbu. O Diedo n den ñani Siyon yaaba ti yonbidi Ki kpeninni ba, li den tie ti po nani ti dangidi yene.

Pisomi 126:4

O Diedo, ñani ti niba ti yonbidi ki kpeninni ba, Nani yaa kpeni n kuodi n yen guani Ki baa mi ñima maama yeni.

Pisomi 32:6

Nidugika kuli n jaandi a Li yogunu yaa pundi. Ba mi ñima yaa gbie ki kandi, Mi kan milini yaaba n ŋua o Diedo.

Pisomi 46:1

Bi yanyinba yudaano yani siiga yanbu. Kore buolu yanbu, ban yiini yaabu leni ki nialiñiliga.

Esayi 14:1

O Diedo baa gbadi mi ninñima Jakob puoliŋuani po. O go baa guani ki gandi Isidayeli yaaba. O baa guani ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakob buolu.

Esayi 43:5

Da jie mani liba, kelima n ye leni yi. N baa ñani yi puoliŋuani puoli po ki guani yi, N baa yini ki taani yi nintuali po.

Esayi 43:6

N baa yedi nujienu po diema: ‹Guani ba!› Ki yedi nuganu po diema mo: ‹Da baa ki kubi ba!› Teni n bijaba n ña yaa diema N ye foagima ki kpeni, Ki ñani n bisiaba mo hali U tinbianu ki guani ba.

Esayi 45:19

Mii maadi wuoli nni, Naankani n biigi ki ye ki tinga nni ka. Mii den yedi Jakob puoliŋuani: Lingi mani nni u damu nni. Mini o Diedo n yedi yeni yaala n tiegi, Ki doagidi yaala n dagidi.»

Esayi 55:6

Lingi mani o Diedo Yin baa fidi ki le o yaa yogunu. Jaandi mani ki mia o, Wan kuu yi kani yaa yogunu.

Jeremi 12:15

Ama n yaa ŋabi ba yaa yogunu, se mi ninñima n guani ki cuo nni bikuli yendo yendo po, min goa ki guani ba yuakuli o tinga nni, yuakuli o diema nni.

Jeremi 3:14

Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 30:10

Fini n naacemo Jakob, Da jie liba, o Diedo n yedi yeni. Isidayeli, da digibi ba! Diidi n baa faabi a ki tinga nni Leni a puoliŋuani n ye ti yonbidi yaa diema nni. Jakob baa guani ki mangi o pali Mi fuodima po leni mi yanduanma po. Oba kuli kan go cua ki lengi o yama.

Jeremi 30:18

O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 31:16

O Diedo yedi nanda: ‹Da mua, duuni ki ñani a nunsiidi Kelima a tuona baa baa i panpaani. Mini o Diedo n yedi yeni. A bila baa ña bi yibalinba denpo ki kpeni.

Jeremi 31:17

Mi suginma ye a po saala po, Kelima a bijaba baa ti faa ki guani bi diema nni.› Mini o Diedo n yedi yeni.

Jeremi 31:23

Li Miali Diedo U Paaciamu Kuli Daano, Isidayeli Tienu maadi yaa maama n tie ne: «Diidi mani ban go baa yedi yaala Juda diema leni mi dogi, min baa teni bi yonbi n guani ki kpeni yaa yogunu: ‹Fini mi teginma diegu, mi gagidiŋanma juali, o Diedo n seligi a!›

Jeremi 51:10

O Diedo, teni ti teginma n doagidi. Cua mani Siyon nni, Tin togidi o Diedo ti Tienu n tieni yaala.

Jeremi 8:3

Yaaba n sieni laa nibuobiadu siiga, bani yaaba ke n yadi yadi ba i kaani kuli yeni, mi kuuma baa yaa tuninni bi po li miali. Mini Li Miali Diedo U Paaciamu Kuli Daano n yedi yeni.»

Esekieli 37:21

Li yaa puoli, a baa waani ba mini o Diedo U Tienu n yedi yaala. N baa taani Isidayeli yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Esekieli 39:25

Ama o Diedo U Tienu yedi: «Moala n baa guani Jakob buolu, ban den cuo yaaba ti yonbidi yeni, ki gbadi Isidayeli buolu po mi ninñima. N baa yaa pia li nunponli, n yeli yaali n gagidi ki ŋani yeni po.

Amosi 9:14

N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Mise 4:12

Ama i nilanbuoli yeni niba Naa bani mini o Diedo yantiana. Baa bani min jagi ke n baa tieni yaala. Mini n taani ba nani ban yen taani a dibaba u jalu nni maama yeni.

Sofoni 3:20

Lanyogunu n baa guani ki kpeninni yi. Li baa yaa tie min baa guani Ki taani yi yaa yogunu. Yi baa le ke n lebidi yi yema, Ki teni yin guani ki baa yi kpiagidi, Yi yela mo n ña li ŋandunli nibuoli nni kuli.» Mini o Diedo n yedi yeni.

LOMA YAABA 10:20

Esayi den pia li papaali ki cie ki yedi: «Yaaba n kaa lingi nni, bani n laa nni, N den doagidi n yuli Bani yaaba n kaa lingi nni po.»

Mi Tiadima 30:1

Musa den yedi: «Min bili yi po yaala, li seli leni ti solindi nni yeni kuli baa tieni. Yaa yogunu ke o Diedo ti yadi yadi yi, ki kuani yi i nilanbuoli siiga, yi baa kpaagi li po.

Mi Tiadima 30:3

o Diedo baa guani yi niba yaaba n den ye ti yonbidi kuli. O baa gbadi yi po mi ninñima, ki guani ki taani yi, ki ñani yi o Diedo yi Tienu n den yadi yadi yi yaa diema nni.

Mi Tiadima 30:5

O Diedo yi Tienu baa teni yin guani yi baanba n den die yaa diema nni, ke yimo n go diedi ma. O baa tieni yi mi ŋanma, ki teni yin yabidi ki cie yi baanba.

Mi Tiadima 4:7

U laa nibuociamu mo n pia u tieni, ke u kuu leni u, nani Li Miali Diedo ti Tienu n kuu leni ti maama, ki todi ti, ti yaa mia o yaa yogunu?