Jeremi 25:9 - U TIENU MAAMA TILI 2013

⁹ n baa soani ban yini nujienu po yaa niba kuli leni Nebukanesa Babilonni bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain, lan tua gbanankpiendi leni ñuali bonla. Likani mo baa tua diegbengu yaa yogunu kuli po.

Gourmanchéma Bible

⁹ N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 25:9 ပူးပေါင်းရင်းမြစ်များ

2 Bi Badiba 24:2

Lanwani, o Diedo den soani yaa toagola n fenli ke a ñani Kalide diema nni, Siiri, Moabi leni Anmoni buolu siiga ke a cua ki nugi Juda diema, nani U Tienu naacenba, bi saawalipuaba n den yedi ke o Diedo maadi maama.

2 Bi Badiba Jama 29:8

Lanwani, o Diedo pali den beni Juda diema yaaba leni yaaba n ye Jerusalemi po. O den ŋaa o niba li paboanli nni, ki go teni ke bi tua jejeciami leni ñuali bonla, nani yin nua maama moala leni yi nuni.

2 Bi Badiba Jama 36:21

Lanwani, o Diedo n den teni ke o saawalipualo Jeremi maadi yaa maama yeni den tieni: «Bi baa ŋaa mi diema bina piilele, hali mi fuodima yogunu n gbeni, ki fidi ki biini ban ki den fidi ki ŋoadi ki kubi yaa fuodima yogini yeni.»

Mi Kpanjama 21:1

O bado pali tie nani u kpenu yene, O Diedo nuu nni. O pegidi u wan bua naanpo yo.

Esayi 10:5

O Diedo yedi: «Fala n baa Asiiri yaaba, yaaba n tie N pabienli gbadunduli! Yaa gbiamu n ye bi nuu nni yeni Doagidi n pabienli.

Esayi 13:3

N teni n ñoamabonbilikaana Yaaba n gagidi bi yula n po, N yini n jakoanda moko, Ki baa doagidi n pabienli Leni yaaba yaa pala n mani ki koani ki paadi po.

Esayi 39:7

Bi go baa cuo a bijaba, a bimadimu, ki ban teni ban tua moagilimu Babilonni bado diegu nni.»

Esayi 44:28

N maadi Sirusi ki yedi ke o tie n yankpaalo. O baa yaa tiendi n yanbuama kuli. O baa yedi Jerusalemi dogu po: ‹Ban guani ki maa u!› Ki go yedi U Tienu diegu po mo: ‹Ban cili ku tanpuuli!› »

Jeremi 1:14

Lanwani, o Diedo den yedi nni: «Nujienu po yo ke mi yebiadima Baa cili yaaba n ye mi diema nni kuli po.

Jeremi 1:15

N baa yini mi diema yaaba, Yaaba n goa nujienu po kuli. Bikuli baa cua ki kali bi bali kalikaani po, Jerusalemi dogu buliñoabu kani, Ki gaani ki lindi i naa bilini Yii n ye Juda dogi nintuali kuli. O Diedo n yedi yeni.

Jeremi 10:22

Ti gba ke bu lanbu kpendi. Laa lancianbu ñani nujienu diema po yo, Ki baa teni Juda dogi n tua diegbendi Leni tanboe yekaanu.

Jeremi 12:14

O Diedo yedi mi naa maama Isidayeli yieninlieba yaaba n ki ŋani yeni po, bani yaaba n fie min puni n niba Isidayeli yaaba yaa tinga. Diidi, n baa ñani ba bi tinga nni. N baa ŋabi ki ñani Juda buolu bi siiga.

Jeremi 18:16

Bi teni ke bi dogu kpandi ki tua Ti jawaandi bonla Leni li ñuali bonla. Yaaba n tagi likani kuli, Ti jawaandi leni i yanbani cuo ba Ke bi fegini bi yula.

Jeremi 2:15

Ti yangbanbidi fii ki sedi bi po, Ki duni ki mua mi jama, Ki cuani mi diema po li paboanli. Niba ki go ye ban juu bi dogi yii yeni niinni.

Jeremi 20:4

Diidi o Diedo n yedi yaala: ‹N baa ŋaa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilonni bado n diedi Juda yaaba kuli, ki taa bi tianba ki gedini Babilonni, ki kpa bi tianba leni ki jugisiega.

Jeremi 24:9

N baa teni ban tua ti jawaanciandi leni fala bonla li ŋandunli nibuoli po. Bi baa tua fe, ñuali, laadi leni ti solindi bonla min baa lu ba naani kuli po.

Jeremi 25:8

Lani n teni ke Li Miali Diedo U Paaciamu Kuli Daano maadi nanda: «Nani yin naa cengi n nialu yeni,

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi, ti yanyagidi, ti laadi, li ñuali leni u yualu bonla, min baa yadi yi yaa nibuoli kuli siiga.

Jeremi 35:11

Nebukanesa Babilonni bado, n den cua ki baa mi diema yaa yogunu yo ke ti den yedi: ‹Fii mani tin gedi Jerusalemi, ki sani Babilonni yaaba toatieba leni Siiri yaaba toagoli. Li gaa yene, ke ti cua ki kali Jerusalemi dogu nni.› »

Jeremi 36:2

«Taa li tigbabikaali ki diani min maadi a yaa maama Isidayeli, Juda leni i nibuoli po, ki cili hali min kpa maadi leni a yaa daali Josiasi yogunu, ki ban pundi hali dinla.

Jeremi 36:29

Ŋan fu leni Juda bado Joakimi ki yedi o: «O Diedo yedi nanda: Fini, a juu laa tigbabikaali ki tua: Li gaa lede ke a diani yaa maama n tie ne? ‹Babilonni bado baa cua ki bolini yaa diema n tie ne, mi niba leni mi yandi kuli. Laa pia kuli tama.›

Jeremi 4:7

O yangbanlo sani ki ñani o wuonkaanu, Yua bolindi i nibuoli fii ki cili li cenli. O ñani o deni, Ki baa kuani mi diema nni li paboanli. A dogi baa bodi u mu nni, Nilo kan sieni i niinni.

Jeremi 40:2

Badidiegu guudikaaba yudaano den yini Jeremi, ki yedi o: «O Diedo a Tienu den tuodi ki waani a, yaa fala n baa nandi u naa kaanu.

Jeremi 43:10

Ŋan yedi ba: «Li Miali Diedo U Paaciamu Kuli Daano, Isidayeli Tienu yedi: ‹N soani ban yini Babilonni bado Nebukanesa n naacemo. N baa bili o bali kalikaanu, min teni ke a bugini yaa tana yeni po, ki ladi bu kpalibu.

Jeremi 46:20

Ejipiti tie yaa naasalo n ŋani bonŋanla. Ama ki naasibiadiga ñani nujienu po ki cua ki tabini o.

Jeremi 49:19

O Diedo yedi: «N tie nani yaa yangbanlo n ñani Jurden fuali nni, ki caa li ñinbunli po yeni. N li baa yedi bugibu yenma Ki teni Sodomi n sani, Min kaani min gandi yua, Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 6:1

Benjamen buolu, sani mani ki ña Jerusalemi. Piebi mani li naatuntunli Tekoa dogu nni, Fiini ki sieni mani li jakoandicabili Beti-Keremi dogu nni, Kelima fala leni mi yebiadima Ñani nujienu po ki kpendi.

Jeremi 8:16

Bi gba i taami dunli hali Dan diema nni, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni, U dogu leni yaaba n ye u niinni.»

Esekieli 12:20

Bi diema baa tua fanpienma, bi dogi yii den pia bi niba boncianla yeni mo n tua diegbendi. Lani, bi baa bandi ke n tie Li Miali Diedo.»

Esekieli 16:40

Bi baa teni bi niba n fii a po. Bi baa lugidi a a tana ki kpa ŋa, ki cua cua ŋa leni bi jugisiemu.

Esekieli 21:11

Lanwani, fini nisaalo biga, buudi ki poali ki buani kelima li paboanli po, ki buudi bikuli nintuali.

Esekieli 26:7

Mini o Diedo U Tienu yedi mi naa maama: ‹N baa teni bi badiba kuli bado, Babilonni bado Nebukanesa n ña nujienu po leni i taami, ti toateliti, bi tanjagiba, bi niba boncianla leni bi toatieba boncianla, ki baa yinba Tiiri dogu yaaba.

Esekieli 36:5

Lanwani, mini o Diedo, U Tienu yedi mi naa maama: ‹N pabiencianli nni, n fu leni yaa nilanbuoli n lindi Isidayeli diema. N fu leni Edomi yaaba yo ki cie. Bi pamanli nni leni bi faliga nni, bi den cua ki fagi mi diema yankpaakaani ke yin tua bi yii.

Danieli 5:18

O bado, tanpolijoma Tienu den dini a baa Nebukanesa li bali, ke o tua badiciamo ki go puni o ti kpiagidi leni ti jigidi, ki ñani o yeli.

Habakuki 1:12

Naani fini ka li tie o Diedo hali mi cilima? Naani fini ka li tie n Tienu yua n Gagidi ki ŋani, Ke a miali mo ki pia bianu? O Diedo, a gandi Kalide yaaba ki puni ba u paalu, Ke ban tundi ti leni tundifala. Ama fini n tie ti faabima tangu.

Habakuki 1:17

Lanwani, naani bi baa gedi ki ban yaani bi taali, Ki guani ki yaa kpaani bi niba kaa gba ninñimiba?

Mi Tiadima 28:37

Yi baa tua pakili, ñuali leni fe bonla o Diedo n baa gedini yi yaa nibuoli kuli kani.