Jeremi 23:39 - U TIENU MAAMA TILI 2013

³⁹ Lani yaa po, o baa ña yi maama nni cain. O baa lu yinba leni yi dogu kuli foagima, wan den puni yinba leni yi baanba yaa dogu yeni.

Gourmanchéma Bible

³⁹ Kelima lani yaa po n baa ña yi maama nni cain. Yinba leni u dogu kuli, n baa lu yi foagima min den puni yi yu, yinba leni yi baanba.

Jeremi 23:39 ပူးပေါင်းရင်းမြစ်များ

Mi cilima 4:16

Lanwani, Kayini den sani ki foagidi leni o Diedo. O deni den ye Nodi diema nni, yaama n ye Edeni puoli po.

Mi cilima 6:17

Lanwani, nmo baa yini ki tabolinkaaga n cua ki bolini ki tinga, ki bolini mialifo kuli. Yaala n ye ki tinga nni kuli baa kpe.

2 Bi Badiba 23:27

O Diedo den yedi: «N baa ñani Juda yaaba n nintuali, nani min den ñani Isidayeli yaaba maama yeni. N baa yie Jerusalemi dogu, min den gandi yuu leni min den gandi yaa diegu ki yedi kupo ke n baa yaa ye lankani.»

Pisomi 51:11

Buli a nunga ki da nua n tuonbiadi. Duuni ki ñani n po n tagili kuli.

Mi Kpanjama 13:13

Yua n fali i tundiŋami baa bodi, Ama yua n fangi li bali maama Baa baa i panpaani.

Esayi 48:15

Mini de, mini n li maadi yeni! Mini n yini o ki teni ke o cua. O tuonli mo baa cuoni o po.

Esayi 51:12

Li tie mini lige, mini n baagidi yi. Be yaa po ke yi baa yaa jie o nisaalo Yua n baa kpe? O nisaalo biga, yua yaa miali n tie Nani ku muagu yeni, Be yaa po ke yi baa jie o,

Jeremi 12:7

N ŋaa n diegu, Ki luni n faali, Min den bua yaala leni n pali kuli yeni, N ŋaa likuli bi yibalinba nuu nni.

Jeremi 23:33

O Diedo den yedi Jeremi: «Li yaa tie ke saawalipualoba bi kopadiciamo buali a: ‹O Diedo yedi ke o baa waani be yaa fala yo?› Ŋan guani ki yedi ba: ‹O Diedo n yedi ke o baa waani yi yaa fala tie ke o baa lu ki diani yi.

Jeremi 23:38

Yi yaa go yedi: ‹O Diedo jagi yaala n bia!› O Diedo yedi mine. Nani yin maadi ki tua ke o Diedo jagi yaala n bia yeni, ke nan soani ban yedi yi ke yin da go tua, o Diedo jagi yaala n bia,

Jeremi 35:17

Mini Li Miali Diedo U Paaciamu Kuli Daano, Isidayeli Tienu yedi: «N den maadi leni ba, ama baa cengi. N den yini ba, ama baa tuo. Lani yaa po, n baa teni min den waani ke yaa fala n baa baa Jerusalemi leni Juda yaaba yeni, n nandi ba.»

Jeremi 36:31

N baa fii ki sedi fini leni a puoliŋuani leni a naacenba po, kelima bi tagili po. N baa teni min den waani ke yaa fala n baa cua, ke baa cengi yeni, n baa Jerusalemi leni Juda yaaba.»

Jeremi 52:3

Yaala n den tiendi Jerusalemi dogu nni leni Juda diema nni kuli, den taani ki biendi o Diedo pali, hali yaala ke o den ñani bi maama nni cain. Sedesiasi den fiini mi yiema Babilonni bado Nebukanesa po.

Jeremi 7:15

N baa deli ki foagidi yi n kani, nani min yie yi kpiiba, Efrayimi puoliŋuani kuli maama yeni.› »

Jeremi Bubula 5:20

Li gaa lede ke a sundi ti po yogunu kuli, Naani a baa lu ki diani ti daali kuli po yo?

Esekieli 34:11

Mini o Diedo U Tienu yedi mi naa maama: «Mini n ba n ji baa kubi n yandi ki go yaa faami bi po.

Esekieli 34:20

Li tie lani yaa po yo ke mini o Diedo U Tienu yedi ba mi naa maama: «Mini n ba n baa jia ti buudi yaa pia n gbengi leni yaa pia n ñili siiga,

Esekieli 5:8

Li tie lani yaa po ke o Diedo U Tienu yedi mi naa maama: N baa cua ki fu leni yi, ki jia yi buudi i nilanbuoli nintuali.

Esekieli 6:3

Ŋan yedi: ‹Cengi mani o Diedo U Tienu maama, yinba yaaba n ye Isidayeli juana po! Li Miali Diedo U Tienu yedi mi naa maama: Yinba yaaba n ye a joaciama leni a joabila po, yinba yaaba n ye a joatanmaba nni leni ti joaloandi nni, n baa tuogi yi leni bu toabu ki bolini yi juana po padibinbina.

Esekieli 8:18

Mini moko, n baa soani ba tuonli leni n pali n fii maama. N kan mua bi po, n kan gbadi bi po ninñima mo. N kan cengi ba, ba bi yaa kuudi ki miadi nni ke min faabi ba.»

Esekieli 9:6

Kpa mani ba ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia mi maalima o yutunli po kuli. Yin cili n diegu kani.» Bi den cili ki kpa yaa nikpela n ye U Tienu diegu kani.

Ose Tili 4:6

N niba bodi kelima baa pia bandima. Nani yin yie kaa bandi nni yeni, Nmoko baa yie yi, ki ñani yi, Min den puogi yi yaa tuonli yaa niinni. Nani yin sundi yi Tienu bali maama po yeni, Nmoko baa sundi yi puoliŋuani po yene.

Ose Tili 5:14

N baa yaa tie Efrayimi buolu Leni Juda buolu po nani o yangbanlo yene. Mini n li baa dadi ki toadi toadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Levi 26:28

n baa sedi yi po leni li pabienli, ki pua ki faligi yi taalimilele goga yi tuonbiadi po.

Matie 25:41

Li yaa puoli, o baa yedi yaaba n ye o ganu: ‹Fuadi mani n kani, yinba ti solindi yaaba! Gedi mani yaa fantanbuogu n ki pia gbindima po, ban den gbiidi yaagu ku tuotabigu yudaano leni o yaa malekinba po.

Mi Tiadima 32:39

Lanwani, moala, diidi mani ki bandi Ke mini bebe n tie U Tienu. Mini yaa ka mo, tientoa ki ye. Mini n puuni li miali, mini n go kpaani. Mini n poagiliti, mini n go buu. Niloba mo kan fidi ki lobidi la n nuu nni.

2 Tesaloniki 1:9

Bi buudi baa yaa tie yaa bolinma n ki pia gbenma. Bi baa paadi cain leni o Diedo nunga leni o kpiagidi paalu,