Jeremi 23:25 - U TIENU MAAMA TILI 2013

²⁵ N gbadi yaa saawalipuaba n pua mi faama n yeli nni ki tua: «N dangi! N dangi!»

Gourmanchéma Bible

²⁵ N gbadi yaa sawalipuaba n pua mi faama n yeli nni ke bi tua: «N dangi! N dangi!»

Jeremi 23:25 ပူးပေါင်းရင်းမြစ်များ

Mi cilima 37:5

Josefi den dangi ti dangidi, ki waani o kpeliba ke bi den nandi o ki pugini, kelima tini yaa po.

Mi cilima 37:9

O go den dangi ti dangidi, ki waani o kpeliba. O den yedi: «N dangi ke u yienu, o ŋmaalo leni piiga n ŋmabiyenga den labini n nintuali.»

Pisomi 139:2

A bani n kalima leni n fiima. A tuodi ki bani n jaga kuli ke li da foagi.

Pisomi 139:4

Hali ke n daa maadi maamiba kuli, Fini o Diedo tuodi ki bani mikuli cain.

Jeremi 13:27

Jerusalemi n laa a conconma leni a cagindi n ñiidi maama, A juana yula po leni i kuani nni. Lani n teni ke fala jagi a yuli po, Fini yua n ye ti joagindi nni yeni! Beyogunu yo, ke laa tuongunda baa gbeni?»

Jeremi 14:14

O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Jeremi 16:17

Kelima n nuni diidi ban tiendi yaala kuli. Bi tuona naa duagi n nuni po, n nua bi tagili kuli mo.

Jeremi 23:28

Yaa saawalipualo n dangi ti dangidi, wan togidi o dangidi. Yaa saawalipualo n gbadi n maama mo, n caa ma bonŋanla. O Diedo yedi: «Naani ti kankagidi leni mi bima tie yenme?» O Diedo n yedi yeni.

Jeremi 23:32

N nani yaa saawalipuaba n pua saawali leni yaa dangidi n tie faama. O Diedo n yedi yeni. Yaaba n togidi bi dangidi, ki tulindi n niba leni bi boandi leni bi yuboanli. Mii soani ba, mii puogi ba liba. Baa pia fuomiba kuli bi naa niba po. Mini o Diedo n yedi yeni.»

Jeremi 27:10

Bi pua yi saawalifaama, ki bua yin foagidi leni mi diema, ke min ña yi maama nni, yin bodi.›

Jeremi 27:15

Mini o Diedo ki soani ba, ke bi nan pua saawalifaama n yeli nni, ki bua min ña yi maama nni, ki bolini yi, yinba leni yaa saawalipuaba n pua yi po laa saawalibuoli kuli.»

Jeremi 29:23

Bi tieni ti cagindi Isidayeli diema nni, ki ban conbi leni bi lieba puoba, ki pua mi faama n yeli nni, yaa yogunu ke n naa den puogi ba liba. N bani la, mini n go tie li siedo mo. Mini o Diedo n yedi yeni.»

Jeremi 29:8

Li Miali Diedo U Paaciamu Kuli Daano, Isidayeli Tienu yedi: «Yin da teni yi saawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli,

Jeremi 8:6

N tie suo ki cengi. Bi maama ki dagidi. Oba kuli ki miadi sugili o biadima po, Oba ki tua: ‹Ŋain, n tieni be nno?› Bikuli li tiini ki suagi liige, Nani yaa taami n tiini bu toabu nni yeni.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Esekieli 22:28

U dogu yeni saawalipuaba yen bobini laa bonla kuli leni yaa bonlekaala leni yaa saawalo n tie faama, nani ban boali yaa bilini li muanli yeni. Bi tua: ‹Li Miali Diedo U Tienu yedi mi naa maama!› Ke o Diedo mo naa yedi liba kuli.

Sakari 13:3

Li yaa tie ke nilo go pua saawali, o baamado leni o naamado baa yedi o: ‹Li pundi ŋan kpe, kelima a maadi ki pua mi faama, ki nan yedi ke o Diedo n soani a.› Lanwani o baa leni o naa, bani yaaba n mali o yeni baa muu ki kpa o, wan pua mi saawalifaama yaa yogunu.

Mi Coadima 12:6

O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni.

Matie 1:20

Wan den maliti yeni yaa yogunu, o Diedo maleki den doagidi o kani ti dangidi nni, ki yedi o: «Josefi, Davidi bijua, ŋan da jie ki taa Mariyama wan tua a pua, kelima wan punbi yaa biga, o punbi ga kelima U Tienu Fuoma Yua paalu po yo.

Luki 12:3

Lani yaa po, yin baa yedi yaala li biigili nni kuli, bi baa gbadi la u yensiinu. Yin baa soabidi yaala a diena nni, bi baa kpaani la bi niba kuli n gbadi.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.