Jeremi 23:24 - U TIENU MAAMA TILI 2013

²⁴ Naani o nilo pia wan baa wuoni naani ke n kan le o? O Diedo n yedi yeni. Naani mii gbieni ki tinga leni tanpoli kuli?» O Diedo n yedi yeni.

Gourmanchéma Bible

²⁴ Naani o nilo pia wan baa wuoni naani ke n kan le o? Naani mii gbieni ki tinga leni tanpoli kuli?» Li Miali Diedo n yedi yeni.

Jeremi 23:24 ပူးပေါင်းရင်းမြစ်များ

Mi cilima 16:13

Agari den buali o yuli yaa buali n tie ne: «Naani n li laa o Diedo moamoane?» Li yaa puoli, o den puni o Diedo yua n den maadi leni o yaa yeli n tie ne: «U Tienu yua n nua nni.»

1 Bi Badiba 8:27

Ama daa, naani U Tienu baa fidi ki yaa ye ki tinga nni moamoani? Diidi baa tanpoli leni o yabinu kuli ki dagidi o po, ki ban buali min maa a po yaa diegu ne.

2 Bi Badiba Jama 2:6

Lanwani, moala, ŋan soani n po yaa nilo n bani ki go pia mi yanfuoma wula tuonli nni, ŋanjilifa tuonli nni, ti kumoandi leni ti kudi tuonli nni, ki go bani ki sie a caba leni yaa siema n moani leni yaa siema n moani ki suudi, ki go bani ti kpiedi. O baa yaa tuuni leni n yaa niba, n baa Davidi n den gandi yaaba ke bi ye Juda diema nni leni Jerusalemi dogu nni, ki mo bani laa tuonli.

2 Bi Badiba Jama 6:18

Ama, naani moamoani U Tienu baa fidi ki taani ki yaa ye leni bi niba ki tinga po? Diidi ba tanpoli leni o yabinu kuli ki dagidi o po, ki ban buali min maa a po yaa diegu ne.

Jobi 34:21

U Tienu diidi ki kpaagi o nisaalo tuada, Ki nua o taayaagima kuli.

Jobi 34:22

Laa pia yaa biigili Bi yaa kuuma jinjingu n baa fidi Ki tua kaanpaalu bi nibiadiba po o nintuali.

Pisomi 10:11

O tua o pali nni: «U Tienu sundi! O buli o nunga ki kan faami lipo abada.»

Pisomi 139:7

N baa gedi le ki foagidi leni a? N baa sani ki gedi le ki foagidi a nintuali?

Pisomi 139:8

N yaa doni tanpoli, a ye lipo. N yaa ban duani bi tinkpiba diema nni, A didi ye lankani moko.

Pisomi 148:13

Yikuli n taani ki pagi o Diedo, Kelima wani bebe yaa yeli n ñani, Wani n die ki tinga leni tanpoli!

Pisomi 90:8

A bili ti tagili a nintuali, Ki go bili tin wuoni yaa tuonbiadi Kuli a yenma nni.

Mi Kpanjama 15:3

O Diedo nuni nua i kaani kuli, O diidi bi nibiadiba leni bi niŋanba kuli.

Esayi 29:15

Mi yebiadima baa baa yaaba N wuondi o Diedo bi jaga, Ki tiendi bi tuona kuli li biigili nni. Bi maadi ki tua: «Ŋme n nua ti, ŋme n bani ti?»

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 66:1

O Diedo yedi mine: «Tanpoli tie n bali kalikaanu, Ki tinga mo tie n taaŋmaakaanu. Yi go baa fidi ki maa n po be yaa diebuolu yo? Bi, le n go baa fidi ki tua n po n fuodikaanu?

Jeremi 16:17

Kelima n nuni diidi ban tiendi yaala kuli. Bi tuona naa duagi n nuni po, n nua bi tagili kuli mo.

Jeremi 32:19

A yanjagili yabi, a bontienkaala mo ki pia lie. A nuni ŋubidi ki nua bi nisaaliba tuada kuli, ki baa pa yuakuli o tuona panpaani.

Jeremi 49:10

Kelima mini n baa kpabidi Esayu. N baa doagidi o ŋalimano wuonkaani kuli. O kan go fidi ki wuoni. Bi baa bolini o puoliŋuani, O kpiiba, o yieninlieba kuli kaa go ye.

Esekieli 8:12

U Tienu den yedi nni: «Nisaalo biga, ŋaa laa Isidayeli yaaba nikpela, yuakuli o dieli nni, wan gagidi yaa kaanu, ki tiendi yaala li biigili nni o bulo po? Bi tua: ‹O Diedo naa nua ti, o ŋaa mi diema.› »

Esekieli 9:9

O den guani ki yedi nni: «Isidayeli leni Juda yaaba n tieni yaa tuonbiadi yabi hali boncianla. Mi diema gbie leni mi nisoama ke u dogu mo gbie leni ti tuonbiadi, kelima bi tua: ‹O Diedo ŋaa mi diema. O Diedo kan fidi ki le liba kuli.›

Danieli 2:22

O doagidi yaala n duagi cain, O bani yaala n ye li biigili nni, Kelima mi yenma gaani ki lindi o.

Efesa 1:23

Kilisiti Nitaanli yeni tie o gbanandi, ki tie o yedagidikaama, wani yua n dagidi bikuli po li bonla kuli nni.

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.