Jeremi 23:17 - U TIENU MAAMA TILI 2013

¹⁷ Bi ñigini ki yedi yaaba n fali nni: ‹Yi baa baa mi yanduanma!› Bi go yedi yaaba n ŋua bi pajuaga mo: ‹Yebiadima kan nandi yi!›

Gourmanchéma Bible

¹⁷ Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 23:17 ပူးပေါင်းရင်းမြစ်များ

2 Samueli 12:10

Lani yaa po, kukaama kan ji luo a diegu nni abada, kelima a fali nni ki taa Hititi buolu yua Uri pua ke o tua a pua.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi saawalipuaba mo: «Da pua mani ti po yaa saawalo n tiegi! Yaa banbidi ti mani! Yaa togidi ti mani yaala n mani.

Esayi 57:21

N Tienu yedi ke yanduanma Ki ye bi nibiadiba po.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua tientoe, ki gbaandi ki pugi yi. Ban tua nani ku naa gbanñagidigu yaagu n ki go pia fuomiba kuli yeni!›

Jeremi 18:12

Ama bi yedi: ‹Ti baga ki ye, ti li baa yaa ŋua ti yantiabiada yo.› »

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 3:17

Lanyogunu bi baa yaa yi Jerusalemi, “O Diedo bali kalikaanu.” I nilanbuoli kuli baa sani Ki cua Jerusalemi dogu yeni niinni, O Diedo yeli nni. Bi kan go baa ki ŋua bi pajuaga sanyuogidi.

Jeremi 4:10

N den yedi: «Ŋain n Diedo U Tienu! A taani ki boandi Jerusalemi dogu Leni bi naa niba kuli, ki yedi ba: ‹Yi baa baa mi yanduanma! Ke bu toabu mo nan cua ki baa ñani ti miana.› »

Jeremi 5:12

Bi pia i boandi o Diedo po, Ki tua ke o Diedo ki ye, Fala kan baa ti, Koma mo kan baa ti ki buali toabu.

Jeremi 6:14

Bi nua yaa nufanu n pua n niba yeni leni mi kafaama, Ki kpaagi ki tua: «Yanduanma, yanduanma.» Ki nan sua yanduanma ki ye.

Jeremi 7:24

Ba leni lani kuli, baa cengi. Baa diadi bi tuba ki cengi. Bi ŋoadi bi pajuaga ya joagini yaa tundi, ki guani puoli, kaa suagi liiga.

Jeremi 8:11

Bi nua yaa nufanu n pua n niba leni mi kafaama. Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi 9:14

Lani n teni ke Li Miali Diedo U Paaciamu Kuli Daano, Isidayeli Tienu yedi nanda: Lani yaa po, n baa ñuni bi naa niba ti loabidi, ki teni ban yaa ye leni li paboanli.

Jeremi Bubula 2:14

A saawalipuaba baa a po li bonlekaala, Yaa bonlekaala n ki pia ñuadiba, Kaa pia fuomiba kuli mo. Baa kadi ki waani a tagili kuli cain, Ki baa ñani a ti yonbidi nni. Bi baa a po yaa bonlekaala n kaa mani, Ki go pia i boandi.

Esekieli 13:10

Bi teni ke n niba yaadi kelima bi tua: ‹Mi yanduanma ye!› Ki nan sua yanduanma ki ye. N niba maa u bilinu ke bi mo boalini u leni li muanli.

Esekieli 13:19

Yi fiagidi nni n niba kani, kelima orje waamu po leni mu dupenjenmu po, ki kpaani yaaba n ki bi pundi ki kpe, ki ŋaani yaaba n ki bi pundi ki yaa ye, ki boandi yeni n niba.

Esekieli 13:22

Yi faama po, yi den wudi o niteginka gbanu, ba ke mini n ba ki bua ki biidi o pali. Yi paagidi bi nibiadiba pala, ki teni ke baa lebidi bi pala, ki baa ŋaa bi tuonbiadi ki yaa fo.

Amosi 9:10

Bu toabu baa je n niba siiga ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Mise 3:5

O Diedo yedi yaa saawalipuaba n boandi o niba, Ke bi yaadi ki ŋaa o sanu: «N niba yaa puni yi bonŋmankaala, Se yin yaa tua ba ke mi yemanma baa yaa ye. Ama bi yàá puni yi bonŋmankaaliba mo, Yin yaa tua ba ke bu toabu baa cua.

Sofoni 1:12

Landaali, n baa gaani Jerusalemi nni kuli leni mu fidisanmu, Ki lingi ki faligi yaa niba n dua ki fuo ki maadi bi pala nni, Ki tua: ‹O Diedo kan fidi ki tieni yaala n ŋani bi yaala n bia.›

Sakari 10:2

Diidi mani i buli n guandi yi Yaala kuli tie faama, A baabuula n doagidi yaala kuli Tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu N ki pia kpaalo yeni.

Malaki 1:6

Li Miali Diedo U Paaciamu Kuli Daano yedi: «Ki biga jigindi o baa, O naacemo mo kpiagidi o canbaa. N yaa tie yi Baa, min pundi ki baa yaa jigidi yeni ye le? N yaa tie yi Canbaa, min pundi ki baa yaa kpiagidi yeni ye le? Yinba bi kopadicianba n fali n yeli ki nan tua: ‹Ti fali a yeli lede?›

Mi Coadima 11:20

Ama yi baa ŋmani ti ŋmamunli, ki guo hali tin yaa ña yi miani nni, hali yi yama n ña ti niinni. Li baa soani yeni, kelima yi fali o Diedo yua n ye yi siiga, ki buudi o nintuali ki tua: ‹Be yaa po yo, ke ti den ñani Ejipiti po?› »

Luki 10:16

Jesu go den yedi o ŋoadikaaba: «Yua n cengi yi maama cengi n yaama, yua n yie yi mo yie mini, yua n yie mini mo yie yua n soani nni.»

Mi Tiadima 29:18

Yaa nilo n gbadi li naa poli maama kuli, n da boandi o yuli o pali nni ki yedi: ‹N baa baa mi yanduanma, ba n yaa tiendi min bua yaala, kelima ban joagi yaa tinga naa go bua ñima.›

Mi Tiadima 29:19

O Diedo kan tieni o po sugili. Ama o Diedo pabienli leni o nunponli baa baa laa nilo po. Yaa solindi n diani li naa tili nni kuli n baa o po. Lani, o Diedo baa duuni ki ñani o yeli mi tinfanma nni.

1 Tesaloniki 4:8

Lani yaa po, yua n yie laa tundi kuli, waa yie nisaalo ka, o yie U Tienu yua n puni yi o Fuoma Yua yo.

1 Samueli 2:30

Lani yaa po, mini o Diedo Isidayeli Tienu yedi: ‹N den bili ke a diegu leni a baadiegu baa yaa tuuni li kopadiciantuonli n nintuali hali yaa yogunu kuli. Ama dinla n kadi ki waani ke li kan go tua yeni. N baa kpiagi yua n kpiagi nni, ama yaaba n fali nni, n baa fali ba.