Jeremi 23:16 - U TIENU MAAMA TILI 2013

¹⁶ Li Miali Diedo U Paaciamu Kuli Daano Maadi yaa maama n tie ne: «Da cengi mani yaa saawalipuaba N pua yi po saawali yeni maama! Bi boandi yi yo. Bi togidi yi ban bungi yaala bi pala nne. Laa tie yaala n ñani mini O Diedo ñoabu nni ka.

Gourmanchéma Bible

¹⁶ Li Miali Diedo U Paaciamu Kuli Daano, maadi yaa maama n tie na: «Da cengi mani yaa sawalipuaba n pua yipo sawali yeni maama! Bi boandi yi yo. Bi togidi yi bi pala nni bonlekaala. Laa tie yaala n ñani mini Li Miali Diedo ñoabu nni ka.

Jeremi 23:16 ပူးပေါင်းရင်းမြစ်များ

1 Bi Badiba 22:11

Kenaana bijua Sedesiasi den taa ti kuboandi ki duadi a yina. O den yedi Akabi ke o Diedo den yedi yaa maama n tie ne: «A baa tuoni ki guli Siiri yaaba leni a naa yina hali ki bolini ba.»

2 Bi Badiba 17:15

Bi den yie o bali maama, ki biidi wan den loli yaa ŋantaado leni bi yaajanba, ki yie wan den tundi ba yaa tundi. Bi den yie ki ŋoadi i buli, yaaba n tie fanma, ki tua fanma nani bani yeni. Bi den togidi yaa nilanbuoli n lindi ba, o Diedo n den kuani ba ban da ŋoadi yaaba.

2 Bi Badiba Jama 18:5

Isidayeli diema bado den taani o saawalipuaba kobinaa, ki buali ba: «Tin gedi ki koani leni Ramoti dogu Galaadi diema nni, bi min cede?» Bi saawalipuaba kuli den yedi o: «Ŋan gedi, U Tienu baa taa u ki tieni a nuu nni.»

Mi Kpanjama 19:27

N bijua, ŋan da cengi yaa bangima, N baa teni ŋan ŋaa mi banma sanu.

Jeremi 14:14

O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Jeremi 2:5

O Diedo go yedi: Yi yaajanba laa n kani i laa tagile, Ki sani ki foagidi leni nni? Bi sani ki ŋoadi mi faama, Ki tua biba fanma?›

Jeremi 23:21

Mii soani laa saawalipuaba, Ke bi nan sani ki gedi. Mii maadi leni ba, Ke bi nan pua saawali.

Jeremi 23:26

Hali u laa yogunu yo ke laa saawalipuaba baa yaa baa ki mangidi bi pala mi faama saawalipuama nni? Hali u laa yogunu yo ke bi go baa yaa pua mi faama ki tulindi n niba?

Jeremi 29:23

Bi tieni ti cagindi Isidayeli diema nni, ki ban conbi leni bi lieba puoba, ki pua mi faama n yeli nni, yaa yogunu ke n naa den puogi ba liba. N bani la, mini n go tie li siedo mo. Mini o Diedo n yedi yeni.»

Jeremi 29:8

Li Miali Diedo U Paaciamu Kuli Daano, Isidayeli Tienu yedi: «Yin da teni yi saawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli,

Jeremi 9:12

O Diedo yedi: «Li tie ke bi ŋaa n bali maama, min den teni ba yaama yeni. Baa cengi n nialu, baa ŋoadi nani min den bili bi po maama.

Jeremi 9:20

Kelima mi kuuma kua ti diebona kani. Mi kua ti dieŋama nni. Mi guu a bila i sani nni, Ki guu bi nipanba mo mu daamu nni.

Jeremi Bubula 2:9

Siyon buliñoana feli ki tinga nni. O bolini a, ki pua ki mudi o sendabila. O bado leni o koanbala kuli ye I nilanbuoli siiga. Bali maama ki go ye, Ba o saawalipualo ki go baadi Bonlekaala o Diedo kani.

Esekieli 13:16

Isidayeli yaaba siiga kaa go pia bi saawalipuaba, yaaba n pua saawali Jerusalemi po, ki laa ke mi yanduanma ye u po, yanduanma n ki ye yaa yogunu! Mini o Diedo, U Tienu n yedi yeni.›

Esekieli 13:23

Lanwani, yi kan go naani bonlekaala. Yi kan go bu baagu bi po. N baa faabi n niba yi nuu nni. Lani, yi baa bandi ke n tie Li Miali Diedo.› »

Esekieli 13:3

Mini o Diedo U Tienu yedi mi naa maama: Fala n baa bi saawalipua-yanluodanba po, yaaba n ŋua bi yaa yantiaceli ki naa laa liba kuli.

Esekieli 13:6

Bi bonlekaala tie fanma, bi saawalo mo tie faama, bi tua: ‹O Diedo yedi!› Ki nan sua ke o Diedo mo naa soani ba. Bi sugini ke ban yedi yaala n tieni.

Esekieli 22:28

U dogu yeni saawalipuaba yen bobini laa bonla kuli leni yaa bonlekaala leni yaa saawalo n tie faama, nani ban boali yaa bilini li muanli yeni. Bi tua: ‹Li Miali Diedo U Tienu yedi mi naa maama!› Ke o Diedo mo naa yedi liba kuli.

Mise 2:11

Yaa nibuolu n tie ne bua yaa nilo n tiini, Ki ŋua u faalu ki pua mi faama ki tua: ‹N baa maadi yi po duven maama Leni mi dabiadima yaa maama.›

Matie 7:15

Fangi mani yi yula leni bi saawalipua-faadanba. Bi kpendi yi kani ki dingi nani i pe yeni, ama moamoani po, bi tie nani yaa fuasangbanbiadi n bua ki bolini yi yeni.

LOMA YAABA 1:21

Ba ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yanluoma nni. Bi yanpiima teni ke bi kua li biigili nni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.