Jeremi 23:14 - U TIENU MAAMA TILI 2013

¹⁴ Ama Jerusalemi saawalipuaba kani, N laa yaa bonla n gundi hali boncianla. Bi pia mi conconma, Ki cuoni i boandi nni. Bi paagidi yaaba n tiendi mi biadima pala, Hali yaala ke oba kan ŋaa o biadima. N nuni po, bikuli tie nani Sodomi yeni, Ke Jerusalemi niba mo nani Gomori yeni.»

Gourmanchéma Bible

¹⁴ Ama Jelusalema sawalipuaba kani, N laa yaa bonla n gundi hali boncianla. Bi pia mi conconma Ki cuoni i boandi nni. Bi paagidi yaaba n tiendi mi biadima pala, Ki baa teni ke oba kan pegidi ki ŋa o biadima. N nuni po bikuli tie nani Sodoma yeni. Jelusalema niba mo nani *Gomola yene.»

Jeremi 23:14 ပူးပေါင်းရင်းမြစ်များ

Mi cilima 13:13

Sodomi yaa niba den bia hali boncianla, ki tie tuonbiaciandi danba o Diedo nintuali.

Mi cilima 18:20

O Diedo den yedi: «Bi niba mua Sodomi leni Gomori yaaba biadima, bi tuonbiadi yabi hali ke li pendi.

Mi cilima 19:24

Lanyogunu, o Diedo den teni ke li cidibili leni u mu ñani o Diedo kani, ki mini nani ki taaga yeni, ki baa Sodomi leni Gomori po.

Mi cilima 19:25

O den bolini laa dogi kuli, laa fanma leni yaa niba n den ye i dogi nni kuli, ki go bolini ki tinga tiidi leni li muadi kuli.

Esayi 9:15

Bi naa niba gobidikaaba baa biani ba. Yaaba n teni ke bi gobidi ba mo baa bodi cain.

Jeremi 14:14

O Diedo den yedi nni: «Bi saawalipuaba pua faame n yeli nni. Mii soani ba, mii puogi ban yedi liba. Mii maadi leni ba mo. Bi pua faame ke bi laadi li bonla, bi tuonli li tie baayuadiidu leni buli ŋoadima. Bi taani bi pala nni boandi yo, ki pua yi po saawali.»

Jeremi 18:13

Lani n teni ke o Diedo yedi nanda: Buali mani i nibuoli siiga, Ŋme n kpa gbadi laa bonla buolu? Isidayeli soani yaa tuona n gundi boncianla.

Jeremi 20:16

Landaali n tua nani o Diedo n bolini Yaa dogi kaa gbadi i po ninñima yeni! Li daali yeni n gbadi i moe ku tiŋaagu Leni a bubula u yensiicocolu!

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Bi go yedi yaaba n ŋua bi pajuaga mo: ‹Yebiadima kan nandi yi!›

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋaa bi tagibiadu leni bi tuongunda.»

Jeremi 23:32

N nani yaa saawalipuaba n pua saawali leni yaa dangidi n tie faama. O Diedo n yedi yeni. Yaaba n togidi bi dangidi, ki tulindi n niba leni bi boandi leni bi yuboanli. Mii soani ba, mii puogi ba liba. Baa pia fuomiba kuli bi naa niba po. Mini o Diedo n yedi yeni.»

Jeremi 29:21

Li Miali Diedo U Paaciamu Kuli Daano, Isidayeli Tienu maadi Kolaya bijua Akabi leni Maaseya bijua Sedesiasi, yaaba n pua mi saawalifaama n yeli nni: «N baa lu ba Babilonni bado Nebukanesa nuu nni. Bi baa pua ki kpa ba yi nunbu nni.

Jeremi 29:23

Bi tieni ti cagindi Isidayeli diema nni, ki ban conbi leni bi lieba puoba, ki pua mi faama n yeli nni, yaa yogunu ke n naa den puogi ba liba. N bani la, mini n go tie li siedo mo. Mini o Diedo n yedi yeni.»

Jeremi 36:2

«Taa li tigbabikaali ki diani min maadi a yaa maama Isidayeli, Juda leni i nibuoli po, ki cili hali min kpa maadi leni a yaa daali Josiasi yogunu, ki ban pundi hali dinla.

Jeremi 49:18

Nani Sodomi, Gomori leni yaa dogi n pugidi n den baa yaa falabiado yeni, o Diedo yedi ke oba kuli kan go kali lankani. Nisaalimiali kuli kan go kali likani.

Jeremi Bubula 4:6

N niba diema badisalo tagili cie, Sodomi dogu yaaba tuonbiadi, Yaaba n den ŋmadi ki baa yenma Ke niloba ki pieni ki luni ba.

Esekieli 13:16

Isidayeli yaaba siiga kaa go pia bi saawalipuaba, yaaba n pua saawali Jerusalemi po, ki laa ke mi yanduanma ye u po, yanduanma n ki ye yaa yogunu! Mini o Diedo, U Tienu n yedi yeni.›

Esekieli 13:19

Yi fiagidi nni n niba kani, kelima orje waamu po leni mu dupenjenmu po, ki kpaani yaaba n ki bi pundi ki kpe, ki ŋaani yaaba n ki bi pundi ki yaa ye, ki boandi yeni n niba.

Esekieli 22:25

Jerusalemi dogu saawalipuaba fiini mi yiema u niinni, nani yaa yangbanlo n yen duni, ki toadi wan cuo yaa yanga yeni, bi baa fie bi niba piama, bi tiadi, ki kpa bi niba, ki teni a kpepuona n yabidi u dogu nni.

Ose Tili 6:10

N laa cagindibaane Isidayeli yaaba siiga, Lankane ke Efrayimi conbi, Ke Isidayeli yaaba mo joagini bi yula.

Amosi 4:11

N den bolini yi siiga bi tianba, Nani min den bolini Sodomi leni Gomori dogi maama yeni. Yi siiga yaaba n sieni den tie nani ban kuudi Yaa datala u mu nni yeni. Ba leni lani kuli, yii den lebidi ki guani n kani. O Diedo n yedi yeni.

Mise 1:5

Lani kuli baa tieni kelima Jakob Puoliŋuani biadima po. Lani kuli baa tieni kelima Isidayeli Yaaba tuonbiadi po. Jakob puoliŋuani yiema ŋoadi ŋmenba? Laa tie Samari ka yo? Juda yaaba buŋoadima ŋoadi ŋmenba? Laa tie Jerusalemi ka yo?

Mise 3:11

Jerusalemi bujiaba gaani a suuna ki ja ti buudi, Likani kopadicianba bangi li bali maama ti ñuadi po, Bi saawalipuaba mo pua saawali i ligi po. Ama leni lani kuli, bi baa ki dugi o Diedo po ki tua: «Naani o Diedo ki ye leni ti? Fala kan nandi ti abada.»

Sofoni 3:4

U saawalipuaba tie japaadanba Leni jajanbidiniba. U kopadicianba joagini yaala n gagidi ki ŋani, Ki miidi o bali maama mo.

Sakari 13:2

Landaali, n baa bolini i buli mi diema nni, ke oba kuli kan go tiadi ba bi yela. N baa bolini yaaba n pua mi faama ke bi tie saawalipuaba leni bi yantiajoagindi.

Malaki 1:1

O Diedo n den teni ke Malaki soagini o maama yaama Isidayeli yaaba po.

Matie 11:24

Li tie lani yaa po ke n yedi a, ti buudi daali Sodomi yaa fala kan yaa bia ki pundi a yaa fala.»

Mi Tiadima 32:32

Ama bi duvenkuani tie Sodomi tiidi yo, Bi tinga mo Gomori yaa tinge. Bi tiidi bonluonkaala gbie leni ti loabidi, Bi bonluonkaala bonjoana mo to.

1 Timote 4:2

Bi baa yaa ŋua bi bangi-faadanba yaa palieda, bani yaaba yaa pala siedi n kpe, nani ban juu yaala leni yaa kudi n tongi ki moandi yeni.

2 Pieri 2:6

Wani U Tienu go den buni ki cuo Sodomi leni Gomori dogi, ki buoni yi ke yi tua fantanpienma. O den teni ke i dogi yeni tua nannanli, U Tienu yiekaaba yaaba n baa yuandi ki cua po.

Jude 1:7

O go den tieni yene, Sodomi, Gomori leni li dobila yaaba po. Bani yaaba n den tieni nani laa malekinba yeni, ki puni bi yula mi conconma leni ti cagindi buoli kuli po. Ba moala bi laadi yaa mu n kan gbindi buudi fala, ki tie bi niba kuli po nannanli, ki tuodi ki tundi ba.

Mi Doagidima 11:8

ki ŋaa ban yaa bili u dogu fanma nni, ban pua mi kpanjama ki yini yaa dogu Sodomi leni Ejipiti. Lankane ke bi den joani bi Diedo li dapoanpoanli po, ki kpa o.

Mi Doagidima 19:20

O den cuo ki fuayanga, wani leni o saawalipua-faadaano, yua n den tiendi mi bancianma o nintuali, ki boandi yaaba n gaa ki fuayanga maalima, ki go gbaani ki kpiagi o nannanli. O den luni bani bonbilie kuli ku fantanbuogu nni ke bi fo, li cidibili n co naani.

Mi Doagidima 21:8

Ama bi jawaandanba, yaaba n ki daani, ti cagindi danba, bi nikpaba, mi conconma buoli kuli danba, u ñoagubiadu danba, i buli danba leni yaaba n pua mi faama kuli, bikuli yekaanu baa yaa tie u mu leni li cidibili n co yaa kpenu nni. Lani n tie mi kuliema.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i buli danba, yaaba n bua mi faama ki go pua ma kuli, baa yaa ye niinpo.