Jeremi 22:20 - U TIENU MAAMA TILI 2013

²⁰ Do Liban juana po ki kpaani! Kpaani bonŋanla Basan penpeligu po! Do Abarimi juali po ki kuudi, Kelima a jaconcona kuli mudi yoab.

Gourmanchéma Bible

²⁰ Do Libani juana po ki kpaani! Kpaani bonŋanla Basana penpeligu po! Do Abalimi juali po ki kuudi Kelima a jaconcona kuli mudi yoap.

Jeremi 22:20 ပူးပေါင်းရင်းမြစ်များ

2 Bi Badiba 24:7

Ejipiti bado ki go den ña o diema nni, kelima Babilonni bado den fie wani Ejipiti bado n den die yaala kuli, ki cili Ejipiti kpenu kani, ki yaa caa hali Efrati kpenciamu bianu.

Esayi 57:13

Yi yaa ti buudi yaa yogunu, Yi buli, yin taani yi yeni kuli N faabi yi naa! U faalu baa tugi i buli yeni kuli. Mi fawaama mo baa taa yi. Ama yua n sani ki wuoni n kani kuli, Baa je mi diema bali ki diedi n joagagidikaali.

Jeremi 2:25

Ŋan moandi ki da gedi taapiena, Ki da tuo ñuñuunu mo n kuoni a nialu. Ama a yedi: «Lebidima kan go tieni, Kelima n bua bi canba yeginu!»

Jeremi 2:36

Be yaa po yo ke a baa tieni li naa bonla kuli, Ki lebidi a sanu? Ejipiti diema baa janbi a, Nani Asiiri diema n janbi a maama yeni.

Jeremi 2:37

Lankani moko a baa ña ki tugi a nii a yuli po, Kelima o Diedo ñani a ŋan dugi yaaba yaa po kani. A kan ŋmani bi kani liba kuli mo.

Jeremi 22:22

U faalu baa tugi a gobidikaaba kuli. A jaconcona baa gedi ti yonbidi. Lanwani, i fe baa cuo ŋa, Ŋan le u yualu kelima a biadima po.

Jeremi 25:9

n baa soani ban yini nujienu po yaa niba kuli leni Nebukanesa Babilonni bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain, lan tua gbanankpiendi leni ñuali bonla. Likani mo baa tua diegbengu yaa yogunu kuli po.

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 4:30

Fini Jerusalemi ban jugi yua, A go baa tieni be? Naani a go baa la yaa tiadi n moani colicoli? Naani a go bogidi a baa leni wula tiadi? Naani a go baa diani a nuni cilo? A bobi ki ŋanbidi a yuli fanme, A jaconcona fali a, Bi ji lingi a kuume.

Jeremi Bubula 1:19

N yini n jaconcona, Ama bi boandi nni. N kopadicianba leni n nikpela Kpe u dogu nni, Ban den lingi mi jiema yaa yogunu, Ki bua ki gaa bi miana.

Jeremi Bubula 1:2

Ñiagu kuli o mua, O nunsiidi mo tagidi o tankpina po. O jaconcona siiga, Oba kuli ki baagidi o. O buakaaba kuli ñani o puoli, Ki kpandi ki tua o yibalinba.

Esekieli 23:22

Oholiba, o Diedo U Tienu yedi mi naa maama: ‹N baa teni a jaconcona kuli n fii ki sedi a po, a yama n den ñani bani yaaba yaa niinni yeni. N baa ñani ba i kaani kuli ban fii ki sedi a po.

Esekieli 23:9

Li tie lani yaa po yo, ke n den luni o, O jaconcona Asiiri yaaba nuu nni, wan den mangi o pali leni yaaba.

Esekieli 27:6

Bi den taa Liban yaa sediri daadi, Ki yoagini a ñinbiagu. Bi den kpie a ñinkaaliti, Leni Basan diema yaa seni daadi, Ki den kpie a kalikaani mo leni a luonñina, Ban den ñandi ya Asiiri diema po, Ki kpendinni Kitim diema kpendega nni.

Mi Coadima 27:12

O Diedo den yedi Musa: «Do Abarimi juali ne yuli po, ki diidi min baa pa Isidayeli yaaba yaa diema.

Mi Tiadima 32:49

«Ŋan do Abarimi juana po, Nebo joataali po, yaali n ye Moabi diema nni, ki tiegi leni Jeriko. Ŋan diidi Kanana diema, min puni Isidayeli yaaba yaa diema.