Jeremi 22:17 - U TIENU MAAMA TILI 2013

¹⁷ Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A tugumoangu mo yabi boncianla.

Gourmanchéma Bible

¹⁷ Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A yaa tugumoangu mo yaba boncianla.

Jeremi 22:17 ပူးပေါင်းရင်းမြစ်များ

1 Bi Badiba 21:19

Ŋan yedi o ke o Diedo yedi: ‹A kpa o nilo ki go taa o piama!› Ŋan go yedi o ke o Diedo yedi: ‹I sangbanli n den lia Naboti soama naankani yeni, bi go baa lia amoko yaa soama lankane.› »

2 Bi Badiba 23:37

Joakimi den tieni yaala n ki dagidi o Diedo po li bonla kuli nni nani o yaajanba.

2 Bi Badiba 24:4

leni wan den kpa yaa niba n ki pia tagili ki gbieni Jerusalemi bi soama yaa po. O Diedo ki den bua ki pa sugili.

2 Bi Badiba Jama 36:8

Joakimi jama yua sieni, wan tieni yaa cancagintuona leni yaala n den ye o niinni kuli diani ki bili Isidayeli leni Juda diema badiba tili nni. O bijua Joakini n den gaa o kaanu.

Jobi 31:7

Li yaa tie ke n taali jadi Ki ŋaa yaa sanu n tiegi, N pali yaa ŋoadi n nuni n bua yaala, Joagindiba yaa tabini n nii,

Pisomi 10:3

O nibiado pagi o yuli leni wan jagi ki tieni yaala. O yaa tieni i janbi ki baa yaala, Se wan soli ki go ñuadi o Diedo.

Mi Ñama 18:21

Ŋan gandi bi niba siiga bi yanfuodanba yaaba n fangi U Tienu, ki bua i moamoani ki nani li suuli. Ŋan dini ba li bali ke ban tua niba tudili tudili, niba kobiga kobiga, niba piimuu muu leni niba piiga piiga yudanba.

Mi Kpanjama 24:2

Kelima bi pala nni, Bi li kpaagi yaala n bia bebe, Bi ñoana nni maama mo ki ŋani.

Esayi 56:11

Bi tie sangban-tugidanba, Baa pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Ke yuakuli li lingi o yuceli ŋamu.

Jeremi 17:11

Nani yaa ñuñuuga n wugini Wan kaa ŋaa yaa jena, Li tie yene leni yua n baa piama ke laa tiegi. O baa tuadi ki baa o panma siiga. O yema juodima po mo, Wan tua yanluodaano.

Jeremi 19:4

Nani ban ŋaa nni ki teni ke u kaanu ne ki go pia bandima, ki juugi likani a dugibila tientoe po, bi baanba leni Juda badiba leni bani bi ba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 22:3

O Diedo yedi nanda: Yin yaa tiendi mi teginma leni yaa bujiali n tiegi. Faabi mani ban faligidi yaa nilo yua n duoliti o nuu nni. Yin da faligi ki duoli o caano, ki kpienbiga leni li kpepuoli. Yin da wuli yua n ki pia tagili soama nekanba.

Jeremi 6:13

A bonwaala leni a nikpela kuli, Lingi bi yucela ŋamu bebe yo. Ki cili o kopadiciamo ki ban tuoni o saawalipualo, Bikuli ye i janbi po yo.

Jeremi 6:6

Li Miali Diedo U Paaciamu Kuli Daano yedi nanda: «Pedi mani ti daadi, Ki tiini ki deni i bilini, Ki gaani ki cebini Jerusalemi. Mini n taa u dogu yeni ki teni yibalinba, Kelima mabinga bebe n ye laa dogu nni.

Jeremi 7:6

yi yàá mabini o caano, ki kpienbiga leni li kpepuoli, kaa wuli yua n ki pia tagili soama u naa kaanu, yi yàá ŋoadi tientoe yii n baa cuani yi po fala,

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani, Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o saawalipualo ki ban taani o kopadiciamo, Bikuli li ye i janbi po yo.

Esekieli 18:12

kaa guandi ban ledi o kani ki bili yaala, ki ŋua i buli, ki go tiendi ti cagindi,

Esekieli 19:6

O den gaandi a yangbanjala siiga. O den baa u fidu bonŋanla Ki den bandi wan baa cuo maama. O den ŋmani bi niba.

Esekieli 19:7

O den pua ki mudi bi badiba diedi, Ki teni ke bi dogi kuli tua diegbendi. Mi diema leni mi niba kuli Den ye leni ti jawaandi, Bi yaa gbadi o dunli yaa yogunu.

Esekieli 19:9

Bi den pudi o maja ki kuani o ku kpaku nni. Bi den gedini o Babilonni bado kani, Ki kuani o li kpaadidieli nni, Ke ban da go gbadi o nialu Isidayeli diema juana po.

Esekieli 22:6

Diidi, Isidayeli badijaba wuliti mi soama a niinni, yuakuli leni o paalu n da maama.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia ñoamamandi bebe. Bi gbanandi bonbuakaala n die ba.

Mise 2:2

Bi yama yaa baa yua yaa kuanu nni bi yen fie u, Bi yama yaa didi baa yua yaa diegu nni bi yen fie ku. Bi mabindi o diedaano leni o diegu, Ki mabindi o nilo leni o piama.

Mise 3:10

Yi maa ki pugidi Siyon dogu mi soama nni, Ki go maa Jerusalemi dogu mo li nikpali nni.

Sofoni 3:3

Bi yudanba tie nani yaa yangbanli N gaandi ki duni, Bi bujiaba tie nani yaa fuasangbanli N yen goadi ku ñiagu, Ki co li bonla ki ŋmani likuli Kaa baa sieni liba mi faama po.

LOMA YAABA 1:29

Yaala n kaa tiegi kuli gbie bi pala nni, yaala n bia, mi ŋaliŋabuama leni mi biadima. Bi pala go gbie leni li nunponli, mi kukpama, li koanli, mi niama buoli kuli, bu nunfanbiadibu leni ku tugutongu.

1 Korenti 6:10

a suuda, bi ŋaliŋabuaba, a dañogaada, yaaba n sugidi bi niba leni i janbi danba kuli kan baa biinu U Tienu diema nni.

Kolosi 3:5

Lanwani, yin kpa mani ŋanduna bonbuaka-biadila, yaala n die yi gbananbuoli, mi conconma, ti cagindi buoli kuli, ti gbanandi bonbuaka-biadila, yaala n joagini yaa buama kuli leni mi ŋalimanbuama, yaala n tie nani i buli ŋoadima yeni.

Josue 7:21

N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»

2 Pieri 2:14

Bi nua mi conconma nuni, ki kan tieni tuonbiadi ki guo. Bi gbie leni mi ŋaliŋabuama, ki boandi ki dadi ki guliti yaaba n tadi. U Tienu solindi jagi bi yula po.

2 Pieri 2:3

Bi bangi-faadanba yeni ŋaliŋabuama po, baa teni ban yaa boandi yi leni bi bangifaama, ki baadi yi kani li baali. Bi buudi cuonu peli ki bili bi po hali yogunu, bi bolinma mo kan go waagi.

1 Samueli 8:3

Ama baa den ŋua bi baa Samueli fuuli, bi den bua mi piama boncianla ki gaani a suuna, ki saagi a moamoancakpiga.