Jeremi 21:7 - U TIENU MAAMA TILI 2013

⁷ Li yaa puoli, mini o Diedo n yedi: ‹N baa taa Juda bado Sedesiasi, o koanbala leni u naa dogu niba kuli, bu toabu leni mi koma n dini ki ŋaa yaaba, ki ŋaa ba Babilonni bado Nebukanesa leni yibalinba leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi ninñima. Niloba kan cia. O kan juogi ba.› »

Gourmanchéma Bible

⁷ Li yaa puoli mini Li Miali Diedo n yedi: ‹N baa taa Juda bado Sedesiasi, o koanbala leni u naa dogu niba kuli bu toabu leni mi koma n dini ki ŋa yaaba, ki ŋa ba Babilona bado Nebukanesa leni yibalinba, leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi niñima. Niloba kan cia. O kan juogi ba.› »

Jeremi 21:7 ပူးပေါင်းရင်းမြစ်များ

Esayi 27:11

I beni yaa kuodi bi yen kua yi, Bi puoba n cua ki taa yi ki ban kuuni. Li den tie yaa niba n ki pia yanfuoma, Yua n den tagi ba ki den gbadi bi ninñima, Yua n den tagi ba ki den juogi ba.

Esayi 47:6

N pali den beni n niba po, Ke n teni ke bi laa i fe, Ki den taa ba ki tieni yi nuu nni. Ama yii den gbadi bi po ninñimiba kuli. Yi den tuni ba o jakpelo yaala n kpiagi.

Jeremi 13:14

Mini o Diedo yedi ke n baa taa ba ki pua ba leni biyaba. N baa pua ki mudi bi bidanba leni bi bila kuli yenma, ke oba kuli kan cia. N kan gbadi bi ninñima, liba mo kuli kan teni ke n kan bolini ba.»

Jeremi 14:12

Ba bi yaa loli bu ñoabu, n kan cengi bi paboandanmoe. Ba bi yaa cuani a padijuukaana leni bu paabu pada, n kan gaa bi po, kelima n baa teni bu toabu, mi koma leni u yianbiadipuodiko n dudi ba.»

Jeremi 15:5

O Diedo yedi: «Jerusalemi, oba kuli kan gbadi a ninñima. Oba kuli kan mua a po. Oba kuli kan gbegi ba ki buali yaala n pia ŋa.

Jeremi 15:9

Yaa pua n mali jabilele coagi, Ki baa kpe o panma nni. I fe cuo o ki gbadi o bonŋanla. Bi siiga yaaba n baa sieni mo, Bi yibalinba baa kpa ba leni ki jugisiega. Mini o Diedo n yedi yeni.»

Jeremi 19:7

Lankane n baa bolini Juda leni Jerusalemi yaaba juogu. N baa teni bi yibalinba yaaba n ki gba ninñima yeni jugisiemu n kpa ba. N baa teni i kaabi leni i tanboe n ŋmani bi tinkpiba.

Jeremi 20:4

Diidi o Diedo n yedi yaala: ‹N baa ŋaa ŋa leni ti jawaanciandi, fini leni a danlinba kuli. Bi yibalinba jugisiemu baa je ba a nunbu nni. N baa teni Babilonni bado n diedi Juda yaaba kuli, ki taa bi tianba ki gedini Babilonni, ki kpa bi tianba leni ki jugisiega.

Jeremi 22:25

N baa lu ŋa yaaba n bua ki ñani a miali nuu nni. Lani n tie Nebukanesa, Babilonni bado leni bani Kalide yaaba yeni, ŋan digibi bani yaaba yaa kani.

Jeremi 27:6

Moala, mini n puni laa diema buoli kuli n naacemo Babilonni bado Nebukanesa, ki go puni o ku muagu nni yandi tin yaa tuuni o po.

Jeremi 32:4

Juda bado Sedesiasi kan cia Babilonni yaaba nuu nni. Ama Babilonni bado li baa muubi o bonŋanle. Bi baa kadi leni biyaba nungbaananaa, wan maadi leni o.

Jeremi 34:3

Amo kan ŋmadi o nuu nni. Bi baa cuo ŋa leni u paalu, ki teni o. A nuni baa le Babilonni bado nuni. Yi baa kadi nungbaananaa, wan maadi leni a ke soagindo ki ye. A baa gedi Babilonni.›

Jeremi 36:29

Ŋan fu leni Juda bado Joakimi ki yedi o: «O Diedo yedi nanda: Fini, a juu laa tigbabikaali ki tua: Li gaa lede ke a diani yaa maama n tie ne? ‹Babilonni bado baa cua ki bolini yaa diema n tie ne, mi niba leni mi yandi kuli. Laa pia kuli tama.›

Jeremi 37:17

O bado Sedesiasi den soani ke bi yini o, ke o boni leni o ŋasiili nni badidiegu nni, ki buali o: «Naani o Diedo pia n po maamiba?» Jeremi den guani ki yedi: «O pia a po!» O den yedi: «Babilonni bado baa diedi a.»

Jeremi 50:17

Isidayeli tie nani i yangbanli n deli Yaa pia ke o bodi yeni. Asiiri bado n kpa dini o. Nebukanesa Babilonni bado mo juodi ki mudi o kpaba.

Jeremi Bubula 2:20

Diidi, o Diedo diidi! A soani ŋme yo li naa tuonli? Naani li bi tie tilade bi puoba N ŋmani bi bimadimu, Ban bua yaa biwaala bonŋanla? Naani li tie tiladi bi kopadicianba N kpe u kaangagidiŋamu nni?

Jeremi Bubula 2:22

Nani u badu daali yeni, Ŋan yini n yieninlieba. O Diedo pabienli daali Kan yaa pia yua n baa sani ki cia, Li kan yaa pia yua n baa sieni leni miali. Min den bua yaaba bonŋanla ki wubi ba yeni, N yibali bolini ba.

Esekieli 23:28

Li Miali Diedo U Tienu yedi: N baa taa ŋa ki teni ŋan nani yaaba yeni leni a yama n den ñani yaaba yaa nni yeni.

Esekieli 7:9

Ninñima kan cuo nni yi po. N kan ŋaa yi fanma. N baa cuo yi yi tagili po, Ki pa yi yi cagindi panpaani kuli. Yeni yi baa bandi ke n tie Li Miali Diedo, Yua n pua yi.

Esekieli 8:18

Mini moko, n baa soani ba tuonli leni n pali n fii maama. N kan mua bi po, n kan gbadi bi po ninñima mo. N kan cengi ba, ba bi yaa kuudi ki miadi nni ke min faabi ba.»

Esekieli 9:10

Lanwani, mini moko, ninñima kan cuo nni bi po, n kan ŋaa ba fanma, ama n baa pa ba bi tuona panpaani.»

Mi Tiadima 28:50

U baa yaa tie yaa nibuolu yaa nunga n bia, yuu n naa fangi jakpelo, ke ninñima mo naa pia u bonwaala po.