Jeremi 20:18 - U TIENU MAAMA TILI 2013

¹⁸ Be n teni ke n ñani n naa tugu nni, Ki baa le fala leni ku coagingu bebe, Ke n miali dana kuli baa n juodi fe nni?

Gourmanchéma Bible

¹⁸ Be teni ke n ñani n naa tugu nni, Ki baa le fala leni ku coagingu bebe, Ke n miali yema dana kuli baa n juodi fe nni?

Jeremi 20:18 ပူးပေါင်းရင်းမြစ်များ

1 Bi Badiba 19:4

Ama wani o ba den kua mi fanpienma nni ki go ban cuoni damunli cenli, ki ban kali sene tinga ki mia mi kuuma ki yedi: «Li dagidi, o Diedo. Ŋan taa n miali moala, kelima mii cie n baanba.»

Jobi 14:1

Pua n mali yua kuli miali koabi, Ki go gbie leni ti yanyagidi.

Jobi 14:13

A yaa bua ki wuoni nni bi tinkpiba diema nni, Ki kubi nni lienni ŋasiili nni, Hali a pali n kuugi, Ki bili yaa yogunu ke a baa tiadi n po,

Jobi 3:20

Be yaa po yo ke U Tienu teni, Ke yua n ye leni fala laadi u yienu pudima? Be yaa po yo ke o puni li miali, Yaaba mo n ye leni li paboanli?

Jobi 5:7

Moamoani o nisaalo mali fala po yo, O baa pendi nani i mukaabi yeni.

Pisomi 102:3

Da buli nni a nunga n paboanli daali! Diadi a tubili ki cengi nni n bubula daali! Jaligi ki gaa n jaandi!

Pisomi 69:19

Nagini nni ki tua n todika! Faabi nni leni n yibalinba!

Esayi 1:6

Ki cili a taana ki ban pundi Hali li yuli siiga, Puu kuli ki pia laafia. Mi poagilima, a binbila leni a nala N ye i kaani kuli. Baa ŋuudi a nala yeni, baa fini a, Baa wuli a po mi kpama.

Esayi 51:7

Cengi mani nni, Yinba yaaba n bani mi teginma! Yinba yaaba n kubi n bali maama yi pala nni, Yin da jie bi niba n baa waani yi yaa fe, Ki digibi leni ban baa fali yi maama po,

Jeremi 15:10

N naa, ŋan mali nni yeni po n teni, Ke mi yebiadima ŋmaa nni. Mini n tie mi diema kuli po, Yua fiini mi niama leni ku fuugu. Mii dini panli, mii teni nitoa mo panli, Ke bi niba kuli nan solini nni.

Jeremi 15:18

Be n teni ke n fala ki pia gbenma? Be n teni ke n nali mo kan soangi? Be n teni ke n buu li ke li naa soangidi? Naani a li baa yaa baa ki boandi nni, Nani ku boankuongu yene?

Jeremi 3:25

Ti fe n tie ti duankaadi, Ti jigidima mo n tie ti kpalipinkaadi, Kelima tinba leni ti baanba, Ti tieni ti tuonbiadi o Diedo ti Tienu po. Ti panma yogunu ki ban pundi hali dinla, Tii cengi o Diedo ti Tienu yedima.

Jeremi 8:18

N payianu ki pia ñoagu, N gbanu mo kuli wudi.

Jeremi Bubula 1:12

Lan da tua mani yeni yinba yaaba N tagi u sanu kuli po. Diidi mani ki le, Li yaa pia yaa fala n naaninni, O Diedo n waani nni yua, O pabiencianli daali.

Jeremi Bubula 3:1

N tie yaa nilo n laa i fe Leni o Diedo pabienli gbiamu.

Habakuki 1:3

Be yaa po ke a teni ke n laadi Yaa yebiadima n tie ne? Be yaa po ke a ŋmini ki nua Ke bi niba tiendi yaala n ki ŋani? Mii nua kuli bontoala yaaba n gaani Ki lindi nni siiga se mabinga leni paalu, Koana leni niama n ye i kaani kuli.

Jan n diani U Tienu Laabaaliŋamo maama 16:20

N waani yi i moamoani ke yi baa buudi ki go mua, ama ŋanduna yaaba baa mangi bi pala. Li pabiidili baa cuo yi, ama yi pabiidili baa lebidi ki tua pamanli.

Jesu Tondiba Tuona 5:41

Jesu tondiba n den ñani bi cancantieba taanli kani, bi den mangi bi pala leni U Tienu n sua ke li pundi ban le i fe o Diedo yeli po.

2 Timote 1:12

Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli, hali li daali n pundi.

Hebilunba 10:36

Li pundi ke yin yaa pia li juunli ki se ke li pa, ke yin tieni U Tienu yanbuama ki dudi, ki baa wan den niani ke o baa pa yi yaala.

Hebilunba 11:36

Bi den ñuadi bine, ki pua ba i baliji, ki go kpaa bi tianba ti kpaadi, ki kuani ba li kpaadidieli nni.

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 13:13

Lanwani, tin ña mani ki gedi o kani li nagili niinpo, ki taani leni o o fe nni.