Jeremi 2:7 - U TIENU MAAMA TILI 2013

⁷ N cuani yi i tiidi n dua yaa diema nni, Ke yin baa ki ŋmani yaa bonluonkaala n mani, Ama yi cua ki teni ke n diema joagini, Yi teni ke n faali diema Kpandi ki tua cagindi bonla.

Gourmanchéma Bible

⁷ N cuani yi ti tiidi n dua yaa diema nni Ke yin baa ki ŋmani yaa bonluonkaala n mani, Ama yi cua ki teni ke n dogu *joagini Yi teni ke n faali diema kpandi ki tua cagindi bonla.

Jeremi 2:7 ပူးပေါင်းရင်းမြစ်များ

Nehemi 9:25

Bi den diedi i bilini n lindi ki cebini yaa dogi, Mu tinŋanmu leni ti ŋalimandiedi, Ban gbiidi yaa caana leni i duventiidi, Olivie leni i tilondi boncianla. Bi den dini ki guo. Bi den gbengidi, Ki ye mi yemancianma nni, Kelima a ŋanbicianli po.

Nehemi 9:26

Ama ba yeni, bi den fii ki fiini mi yiema a po. Bi den luni a bali maama, Bi den kpa a saawalipuaba yaaba n den tigini ba Ke ban guani a kani. Bi den tudi a po tudicianma.

Esayi 19:25

Li Miali Diedo U Paaciamu Kuli Daano n baa seligi ma, ki yedi: «Li seli n yaa ye leni n niba Ejipiti yaaba, Asiiri yaaba, yaaba n tie n tagima leni Isidayeli yaaba, min die yaaba.»

Jeremi 16:18

N baa pa ba bi tuonbiadi panpaani taalimilie bi tagili leni bi tuonbiadi po, kelima bi joagini n diema leni bi tuongunda leni bi cancaginbuli yii n ki fo yeni.»

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 3:2

Yaadi ki noanli a juana yula po, Naani a pia ŋan kaa cagini a yuli naani? A den kaa i sani nne ki guu a jaconcona, Nani Arabi nilo yua n ye mi fanpienma nni yeni. A joagini mi diema Leni a yanluoma leni a conconma.

Jeremi 3:9

O cancagintuada ya n ki wuo joagini mi diema. O cagini o yuli ki pugi ti daadi leni a tana.

Jeremi 32:23

Bi cua ki diedi ma, ama bi naa cengi a maama, baa cuoni nani a bali maama n den bili bi po maama. Baa tieni ŋan den puogi yaala. Lani n teni ke a cuani bi po o naa fala kuli.

Jeremi 32:30

Isidayeli leni Juda yaaba nan li tiendi yaala n ki mani n po hali bi panma nne. Isidayeli yaaba leni bi tuada li biidi n pali bebe. Mini o Diedo n yedi yeni.

Esekieli 20:24

N den poli, kelima baa den tieni n mabilikaama n yedi yaala, ki den fali n bali maama, ki go den joagini n fuodima dana, ki den cedi ke bi baanba buli baa ki die ba.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi, ki den padi bi pada lankani. Bi den bieni n pali leni ban den kpendinni likani yaa paabu, yaa padijuukaana leni ban den cabini yaa ñincaba kuli.

Esekieli 20:6

Landaali n den yugidi n nuu ki poli, ke n baa ñani ba Ejipiti diema nni, ki gedini ba min den bili bi po yaa diema nni, mi naaŋanma leni ti siadi n dua yaa diema nni, yaa diema n ŋani ki cie mi diema kuli.

Esekieli 23:35

Li tie lani yaa po yo, ke mini o Diedo U Tienu yedi mi naa maama: «Nani ŋan sundi n po ki luni nni a puoli po yeni, a conconma leni a cagindi panpaani kuli, baa guani ki jiidi a yuli po.»

Esekieli 36:17

«Nisaalo biga, cengi, Isidayeli yaaba n den ye bi diema nni yaa yogunu, bi tagi leni bi tuona den gundi maama ke bi den joagini bi diema yeni. Bi tagi den joagini n po nani yaa pua n laa o ŋmaalo yeni.

Ose Tili 9:3

Bi kan yaa kaa o Diedo diema nni, Bani Isidayeli buolu baa guani ki gedi Ejipiti. Bi baa n yaa di yaa jiema n joagini Asiiri diema nni.

Mise 2:10

Fii mani ki yaa caa! Nekanba kan go yaa tie yi fuodikaanu, Kelima yi tuonbiaciandi n cuani yi fala. Yeni de, yaa fala n bia baa cua nekanba.

Mi Coadima 13:27

Ban den togidi Musa yaala, den tie line: «Ti gedi ŋan den soani ti yaa diema po. I moamoani, mi tie mi naaŋanma leni ti siadi n dua naani. Diidi, lipo bonluonkaala nne.

Mi Tiadima 21:23

o tinkpilo kan dua ki juani ku daagu yeni po. Ama yi baa piini o landaali lige, kelima ban joani yua ku daagu po kuli, tie ti solindi bonla U Tienu nintuali. Lani n tie yin da joagini o Diedo yi Tienu n puni yi, ke yin diedi yaa tinga yeni.»

Mi Tiadima 32:9

Li Miali Diedo biinu n tie o niba, Jakob n tie o yaa biinu.

Mi Tiadima 6:18

Yi baa yaa tiendi yaala n tiegi, ki ŋani o Diedo nuni po. Lani n tie yin yaa ye leni li pamanli, ki kua ki diedi o Diedo n den poli ki niani yi baanba, ke o baa pa yi yaa dieŋanma yeni niinni.