Jeremi 18:11 - U TIENU MAAMA TILI 2013

¹¹ Maadi moala leni Juda yaaba leni Jerusalemi yaaba, ki yedi ba: o Diedo yedi: ‹Diidi n bogidi yi po mi yebiadima. N pia min jagi yi po yaala. Guani ki lebidi mani yi sanyuogidi. Lebidi mani yi tagi.›

Gourmanchéma Bible

¹¹ Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

Jeremi 18:11 ပူးပေါင်းရင်းမြစ်များ

Mi cilima 11:7

Cua mani tin jiidi ki ŋmadi bi maama, lani n tie ban da go gbadi biyaba maama.»

1 Bi Badiba 22:23

Mise go den yedi: «Ŋan cengi, o Diedo kuani i boandi a saawalipuaba kuli ñoana nni. O Diedo jagi ke o falabiado baa baa ŋa.»

2 Bi Badiba 17:13

O Diedo den soani Isidayeli leni Juda yaaba po bi saawalipuaba leni yaaba n nua saala bonla kuli, ki yedi ba: «Lebidi mani ki ŋaa yi sanbiadi, ki yaa kubi n bali maama leni n ñoamabona. Yin yaa ŋua mani n bali maama kuli cain, min den bili yi yaajanba po yaa bali maama ki soani n naacenba bi saawalipuaba ke bi waani yi yaama yeni.»

2 Bi Badiba 22:13

«Yin gedi mani ki buali o Diedo mini leni Juda yaaba kuli po, kelima ban laa yaa tili na maama po. O Diedo pali beni ti po boncianla, kelima ti yaajanba naa den tuo ki ŋua laa tili maama. Baa den tieni yaala n bili ti po lienni kuli.»

2 Bi Badiba 5:5

Siiri bado yeni den guani ki yedi o: «Fii ki gedi Isidayeli yaaba dociamu Samari, n baa soani bi bado po li tili.» Lanwani, Naama den taa ŋanjilifa kilo kobitaa, wula kilo piiluoba leni badiliada piiga.

Esayi 5:5

Lanwani, n baa teni yin bandi Moala min baa soani n duventiidi Kuanu yaa tuonli. N baa fobi ku goangoangu ki lu, Yaa yandi n bua ban kua ki ŋmani, Yaa santagiba mo n baa, ban ŋmaa.

Esayi 57:1

O niteginka bodi, Ke niloba ki kpaagi lipo. Bi cua ki taa yaa niba n tiendi mi ŋanma, Ke oba ki bandi yaala yaa po Ke bi taa o niteginka, Ke mi yebiadima n da baa o.

Jeremi 11:11

Lani n teni ke o Diedo yedi mi naa maama: «N teni ke fala nandi ba. Bi kan fidi ki cia, bi baa yaa mua ki yi nni, nmo nan kan cengi ba.

Jeremi 11:19

N den tie nani yaa pebiga yaa yama n dingi, ke bi caani ga u kodikaanu po yeni. Mii den bani ban den pia n po yaa yanjagibiada. Bi den tua: «Tin bolini bu tibu bun soangi yaa yogunu. Tin ñani o bi nisaaliba siiga, ban da go taa o yeli moko!»

Jeremi 18:18

Jeremi yibalinba tianba den yedi: «Cua mani tin juogi ki baa tin baa kuani Jeremi naani, kelima li bali maama kan kpe ke bi kopadicianba ye. Tundi kan gbeni ke bi yanfuodanba ye. Saawali mo kan gbeni ke bi saawalipuaba ye. Cua mani tin kpa o leni ti maama, ki da cengi o mayedikaama.»

Jeremi 19:15

Li Miali Diedo U Paaciamu Kuli Daano, Isidayeli Tienu yedi mine: «N baa teni min den maadi yaa yebiadima maama yeni, n baa u naa dogu leni wun die yaa dogi kuli, kelima bi juagi bi pala kaa bua ki cengi n maama.»

Jeremi 19:3

A baa yedi ba: «Juda diema badiba leni Jerusalemi yaaba, cengi mani Li Miali Diedo Isidayeli Tienu, U Paaciamu Kuli Daano n yedi yaala: ‹N baa teni mi yebiadima n cua u naa kaanu, hali ke yua n gbadi li laabaalo kuli n womi.›

Jeremi 25:2

Jeremi den maadi leni Juda yaaba, Jerusalemi yaaba kuli nintuali, ki yedi:

Jeremi 25:5

Bi tua: ‹Yuakuli n ŋaa o sangolimu, ki cedi yi bontienkaala yaala n bia yeni. Lani n tie yin yaa kaa yaa yogu n tuu yaa yogu o Diedo n puni yinba leni yi yaajanba yaa diema nni.

Jeremi 26:13

Moala, lebidi mani yi tagu leni yi tuongunda. Cengi mani o Diedo yi Tienu nialu, yeni o baa cedi wan bi jagi ke o baa tieni yi yaa bonbiadila yeni.

Jeremi 26:3

Daalinba bi baa cengi, yuakuli n ŋaa o sanjagimu. Yeni, n baa lebidi min jagi ke n baa tieni ba yaa bonbiadila, kelima bi tuongunda po.

Jeremi 3:1

O Diedo yedi: «O joa yaa ñani o pua, Ke o ñani o kani ki ban kuni jatoa, Naani laa joa go baa guani ki taa o pua yeni? O yaa guani taa o mo, Laa diema kan joagini cain te? Amo conbi leni a jaconcona boncianla, Ki nan go bua ki guani n kani. Mini o Diedo n yedi ke li kan tuo.

Jeremi 3:22

Guani mani n kani, Yinba a biyenyieda yeni. N baa paagi yi leni yi yenyiema. Lani, yi baa yedi: «Tinba nne! Ti tie a yaabe. Yeni de! Fini n tie Li Miali Diedo ti Tienu.»

Jeremi 35:15

N den soani yi kani n naacenba bi saawalipuaba, ki lindi ki tuuni ba u yogunu kuli, ke ban yedi yi: «Yuakuli n pegidi ki ŋaa o sanbiadu, lebidi mani yi bontienkaala, da pia mani ŋantaadi leni tientoe, ki kpiagidi yi. Yaa ye mani, min puni yinba leni yi baanba yaa diema nni.» Ama yi naa cengi. Yi naa diadi yi tuba ki gaa n tundi.

Jeremi 36:3

Yeni, li fidi ke Juda yaaba n fangi min jagi ki baa tieni ba yaa bonbiadila kuli, ki ŋaa bi tuadibiada. Bi yaa tieni yeni, n baa pa ba sugili bi tagili leni bi tuonbiadi po.»

Jeremi 36:7

Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Jeremi 4:1

Isidayeli, mini o Diedo n yedi a: «A yaa lebidi ki guani n kani, Ki ñani a cagindi kuli n nintuali, Yeni, a kaa go puagi.

Jeremi 4:14

Jerusalemi, ñani a pali nni mi biadima, Lani n tie ŋan baa mi faabima. Hali u laa yogunu yo, ke a baa waagi Ki kubi a pali nni ti yantiabiadi?

Jeremi 4:23

N diidi ki tinga ki sua kaa pia nunga, Puu ki ye ki niinni mo. N diidi tanpoli mo ki sua yenma ki go ye.

Jeremi 4:6

Sieni mani li jakoandicabili Siyon po. Sani mani ki ban wuoni, Kelima n teni ke mi yebiadima ñani nujienu po, Ki kpendi leni li yuboancianli!

Jeremi 51:11

Sondi mani yi piemi bonŋanla. Gbieni mani yi luona! O Diedo jagi ki bolini Babilonni. O fiini Medi yaa badiba yo, Ke ban soani li tuonli. Li tie o pantuuli yaa yogunu yo, Wan baa tuu li panli o diegu po yaa yogunu.

Jeremi 7:3

Li Miali Diedo U Paaciamu Kuli Daano, Isidayeli Tienu yedi: ‹Lebidi mani yi sani leni yi tuada, lani n tie min cedi yin yaa ye nekanba.›

Esekieli 13:22

Yi faama po, yi den wudi o niteginka gbanu, ba ke mini n ba ki bua ki biidi o pali. Yi paagidi bi nibiadiba pala, ki teni ke baa lebidi bi pala, ki baa ŋaa bi tuonbiadi ki yaa fo.

Esekieli 18:23

Mini o Diedo U Tienu yedi: ‹Naani n bua o nibiado kuuma yo? Min sugini yaala tie wan lebidi o tagu ki yaa ye ki fo.›

Jonasi 3:8

Bi niba leni ti yandi kuli n la li paboanli tiadi, bi niba n mia U Tienu leni bi fidu kuli, ki lebidi ki ŋaa bi sanbiadi leni bi nii n tiendi yaa biadima.

Mise 2:3

Li tie lani yaa po yo ke o Diedo yedi: «Diidi, n baa teni u nufanu n pua yaa nibuolu n tie ne. Lanyogunu yi kan go yaani yi yula Ki cuoni leni ti japaadi, Kelima li baa yaa tie fala yogunu yo.

Sakari 1:3

Ama moala, ŋan yedi ba daa: ‹Yin lebidi ki guani mani n kani, nmoko baa guani yi kani.› Mini Li Miali Diedo U Paaciamu Kuli Daano n yedi yeni!

Jesu Tondiba Tuona 26:20

N den kpa wangi Damasi yaaba, ki yuandi ki wangi Jerusalemi yaaba leni Jude diema nni yaaba kuli. N go den wangi bi nilanba moko, ke ban lebidi bi pala ki ŋoadi U Tienu, ki yaa tuuni yaa tuona n doagidi ke bi lebidi.

Jaki 4:13

Moala, cengi mani n maama, yinba yaaba n tua: «Dinla, yaa ka saala, ti baa fii ki gedi u naa dogu, yaa ka une, ki ban bindi lipo, ki yaa tiendi u kpendu ki baadi ti ñuadi.»

Jaki 5:1

Moala yinba a piada, cengi mani! Yin yaa buudi a bubupaala, kelima yaa fala n baa baa yi po.