Jeremi 15:15 - U TIENU MAAMA TILI 2013

¹⁵ Fini o Diedo, a bani likuli, Tiadi n po ki todi nni, Tuu n po n panli leni yaaba n wangi nni fala. Da kpa nni, fini yua yaa pali n ki be tontoni. Bandi ke n laa i fe buoli kuli kelima a po.

Gourmanchéma Bible

¹⁵ Fini Li Miali Diedo a bani likuli Tiadi npo, todi nni Tu npo n panli leni yaaba n wangi nni fala. Da kpa nni, fini yua yaa pali n ki be tontoni. Bandi ke n laa i fe buoli kuli kelima a yaa po.

Jeremi 15:15 ပူးပေါင်းရင်းမြစ်များ

Nehemi 13:22

N go den bili ke Levi buolu n ŋanbi bi baa, ki cua ki yaa guu a buliñoana, ki gagidi ki ŋanbi U Tienu fuodima daali. «N Tienu, ŋan tiadi n po kelima laa bonla po, ki kubi nni kelima a ninñingbadicianma po.»

Nehemi 13:31

N go den bili Isidayeli yaaba n baa yaa tendi ti daadi leni li bonluonkakpiala kuli yaa yogunu. «N Tienu, ŋan tiadi n po, ki mangi n po a nunga.»

Nehemi 5:19

«N Tienu, ŋan tiadi n po kelima min tieni bi naa niba po yaala, ki ŋanbi n po.»

Nehemi 6:14

«N Tienu, ŋan tiadi Tobiya, Sanbala leni bi tuona po. Ŋan go tiadi o saawalipualo yua n tie pua, ki yi Noadia leni bi saawalipuaba yaaba n sieni po, bani yaaba n den lingi ki baa jieni nni.»

Jobi 10:7

A bani cain ke mii pia biili, Ke oba mo kan fidi ki faabi nni a nuu nni.

Pisomi 102:24

Mi nuama siiga yo ke o wadi n fidu, Ki koabigi n miali dana.

Pisomi 106:4

O Diedo, a yaa baa ti faabi a niba, Ŋan tiadi ti po. A yaa baa ti faabi a niba yaa yogunu, Ŋan faabi timo.

Pisomi 119:84

A go puni mini a naacemo n tieni danaŋa yo? A baa jia yaaba n faligidi nni buudi beyogunu?

Pisomi 17:3

A Diidi n pali bonŋanla, Ki goandi li ku ñiagu. A biigidi nni, Ama ŋaa laa tagiliba kuli. N ñoabu mo naa kua n liiga.

Pisomi 39:13

Cengi n jaandi, o Diedo! Diadi a tubili ki cengi n miabu, Da ŋmini, n yaa buudi yaa yogunu, Kelima n tie caano a kani. N tie yaa nilo n ye, U yogunu waamu bebe po ki tinga nni, Nani n yaajanba yeni.

Pisomi 44:22

Naani U Tienu yua n bani li pali nni ŋasiili, Kan bi bandi la?

Esayi 38:3

O den maadi ki tua: «Ŋain, gbadi n po mi ninñima o Diedo! Tiadi ke n cuoni a nintuali leni mi teginma leni papienli, ki go tiendi yaala n dagidi a nuni po.» Esekiasi den buudi hali boncianla.

Jeremi 12:3

Fini o Diedo, a bani nni, A nua nni, a bani yaala n ye n pali nni. Nani ban ñani yaa pe ki baa n kodi yeni, Piadi ki sieni ba mi kodima daali po.

Jeremi 15:10

N naa, ŋan mali nni yeni po n teni, Ke mi yebiadima ŋmaa nni. Mini n tie mi diema kuli po, Yua fiini mi niama leni ku fuugu. Mii dini panli, mii teni nitoa mo panli, Ke bi niba kuli nan solini nni.

Jeremi 15:20

N baa teni ŋan tua bi naa niba po kumoanguonli. Bi baa tuogi leni a bu toabu, Ama bi kan paadi a, Kelima n ye leni a, Ki baa faabi a, ki go kubi a. Mini o Diedo n yedi yeni.

Jeremi 17:16

O Diedo, a bani ke mini ka den mia ke fala n cua. A bani ke mini ka go den mia ke u nufanu daali n cua. Yaa maama n ñani n ñoabu nni mo kuli, a bani ma.

Jeremi 18:23

Fini o Diedo bani ban lu yaa janbi kuli Ki bua ki kpa nni. Ŋan da tieni sugili bi biadima po. Ŋan da duuni ki ñani bi tuonbiadi a nintuali. Teni ban yaa jegibi a nintuali, A pabienli daali mo, ŋan fii ki sedi bi po!

Jeremi 20:11

O Diedo tie n po nani o jakoandimoano, Lani n teni ke yaaba n fii n po baa tuudi ki baa. Bi kan paadi. I fe baa cuo ba leni ban gbali maama. Li baa tua yaa fe n baa waagi Ki ye kaa pia sundima.

Jeremi 20:12

Fini Li Miali Diedo U Paaciamu Kuli Daano Biigidi o niteginka. A nua yaa jaga leni yaa yantiana n wuo. N baa le ŋan baa tuu ba li panli maama, Kelima n cua ki piani n yuli fini yaa kane.

Jeremi 20:8

Min baa maadi yaa yogunu kuli, Se min kuudi. N yen tua: «Tugumoangu leni mabinga bebe n ye.» O Diedo maama po teni ke n tie Fe leni laadi bonla daali kuli.

Jeremi Bubula 3:64

O Diedo ŋan soani bani moko yeni. Ŋan guani ba bi janda.

Jeremi Bubula 3:66

O Diedo, ŋoadi ki deli ba leni li pabienli, Ki bolini ba fini o Diedo tinfanma nni.

Matie 10:22

Bi niba kuli baa nandi yi, kelima n yeli po. Ama yua n baa juuni hali mi juodima baa faabi.

Matie 19:29

Yua mo n fii ki ŋaa o diena, o naataanjaba, o naataanpola, o baa, o naa, o bila, yaa ka o kuani kelima n yeli po, o baa baa likuli taalima kobiga kobiga, ki go baa yaa miali n kan gbeni.

Luki 21:17

Bi niba kuli baa nandi yi kelima n yeli po,

LOMA YAABA 12:19

N buakaaba, da tuu mani mi biadima panpaani yi yula po. Ama yin cedi mani U Tienu pabienli daali n cua, kelima li diani: «Mini n tie o pantuulo, mini n baa tuu mi biadima panpaani,»

LOMA YAABA 8:35

Ŋme n baa paadi ti leni Kilisiti yaa buama? Fala bi? Ti yanyagidi bi? O falabiado bi? Mi koma bi? Mi luoma bi? Yaa fala n baa fidi ki cuani mi kuuma bi? Bi ki jugisiega n baa paadi ti leni o buama?

2 Korenti 5:11

Nani tin bani o Diedo fangili n tie yaala yeni, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yimoko bani ti cain.

2 Timote 4:14

O maano Alekisandri den tieni nni mi biadima boncianla. O Diedo baa guani o nani o tuona n tie maama.

Mi Doagidima 18:20

Tanpoli, mangi a pali u bodima po. Yinba bi nigagidiŋanba, Bi tondiba leni bi saawalipuaba kuli Mo n mangi yi pala, Kelima U Tienu tuu yi po li panli ki jia u buudi.»

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi, ki daa jia ti buudi leni ki tinga niba, ki guani ba bi panpaani ti soama po?»

Bi Bujiaba 16:28

Lani, Samison den jaandi ki mia o Diedo ki yedi: «Li Miali Diedo U Tienu, n mia ŋan tiadi n po. Fini U Tienu, ŋan pa nni u fidu sanu ne bebe, ke min baa ki tuu Filisiti yaaba n nunliedi panli yenma.»