Jeremi 14:22 - U TIENU MAAMA TILI 2013

²² Naani i nibuoli buyuogidi siiga, Pia yaa bulo n baa fidi ki teni ki taaga n mi? Naani ti tawadi n kpendinni ki taaga? Laa tie fini o Diedo ti Tienu ka? Ti dugi a po, kelima fini n tiendi laa bonla kuli.

Gourmanchéma Bible

²² Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Jeremi 14:22 ပူးပေါင်းရင်းမြစ်များ

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

1 Bi Badiba 17:14

O Diedo Isidayeli Tienu yedi: ‹Mi yoma kan luo ki yiega nni, Mi kpama mo kan luo li cuali nni, Hali o Diedo n baa teni Ki taaga n mi yaa daali.› »

1 Bi Badiba 18:1

U yogunu boncianla den pendi. U yialu bintaali, o Diedo go den yedi Elia: «Fii ki gedi o bado Akabi kani, kelima n baa teni ki taaga n go mi.

1 Bi Badiba 8:36

fini yua n ye hali tanpoli n cengi ba ki pa sugili a naacenba leni a niba Isidayeli yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mii mi diema po, ŋan den puni a niba yaa diema ke mi tie bi piama yeni.

Jobi 28:26

Wan den bili li bali maama ki taaga po, Ki bili u sanu mi tañigima Leni i tatantani po yaa yogunu,

Jobi 5:10

Wani n teni ke ki taaga mi u tingbanu po, Ki teni ke mi ñima soangidi i kuani.

Pisomi 130:5

N dugi o Diedo po yo leni n pali kuli, Ki dugi o maama po.

Pisomi 135:7

O yen teni ti tawadi n fii Hali ki tinga bianu, Ki teni i tañigi n cuani ki taaga, Ki teni u faalu mo n luodi.

Pisomi 147:8

O pini tanpoli leni ti tawadi, Ki bogindi ki taaga ki tinga po, Ki teni ke ti muadi mo pudi a juana po.

Pisomi 25:21

Mi teginma leni li papienli n kubi nni, Kelima n bili n dugidi a yaa kane!

Pisomi 25:3

Yaaba n dugi a po kuli kan le fe. I fe baa cuo yaaba n janbidi a fanma fanma.

Pisomi 27:14

Dugi o Diedo po! Paagi aba, ki paagi a pali! Dugi o Diedo po!

Esayi 30:18

Lani yaa po yo, ke o Diedo Guu ki baa ŋanbi yi po. O baa fii ki gbadi yi po mi ninñima, Kelima o Diedo tie yaa Tienu n tiegi. Li pamanli ye leni yaaba n dugi o po kuli.

Esayi 30:23

Lanwani, o baa ŋaa ki taaga A bonbulikaala po, Ki tinga mo baa luoni Yaa bonluonkaala n yabi ki go mani mo. Landaali a yangola baa gedi Ki ban ŋmani yaa yankpaakaani n yabi nni.

Esayi 41:29

Diidi, bikuli tie fanma bebe, Bi tuona mo kuli tie fanma bebe, Bi buli kuli tie fanma leni yaala n ki ye.»

Jeremi 10:12

O tagi ki tinga leni o paalu, Ki tagi ŋanduna leni o yanfuoma. O tandi ti tawadi leni o yanfuoma.

Jeremi 10:13

O yaa li yedi mayenma, Mi ñima yen sani ki taani tanpoli. O yen teni ti tawadi n fii U tinbianu po, ki do tanpoli. O yen teni i tañigi n tieni ki taaga po. O den ñani u faalu wun wuo naani.

Jeremi 10:15

Baa pia mayuli Bi cila mo pia ti laadi, Bi fala yaa cua yaa daali, Bi baa bodi.

Jeremi 10:3

Laa nibuoli bogida ki pia fuomiba kuli. Bi yen pedi bu tibu li fuali nni, O tuonsoanbando n taa ki kpiediyaliga, Ki kpie bu bonŋanla.

Jeremi 16:19

O Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe, Yaa faama n ki pia mayuli

Jeremi 5:12

Bi pia i boandi o Diedo po, Ki tua ke o Diedo ki ye, Fala kan baa ti, Koma mo kan baa ti ki buali toabu.

Jeremi 5:24

Baa tua bi pala nni: «Tin fangi mani o Diedo ti Tienu, Yua n puuni ti ki taaga ki yogunu, Ki takpiaga leni ki tayuankaaga, Ki bili a dana u jetaagu po.»

Jeremi 51:16

O yaa maadi se mi ñima n dogini ti tawadi nni. O yen teni ti tawadi n fii Ki tieni mi tañigima ki taaga po. O yen ñani u tafaalu wun ye naani.

Ose Tili 2:7

Bi naa puni o yuli mi conconma po, Wani yua n mali ba yeni, Tiendi yaala n pia i fe, Ki tua: ‹N baa yaa ŋua n jaconcona, Bani yaaba n puuni nni n jiema leni n ñima, N pekobidi leni n len, N kpama leni n daama.›

Joeli 2:23

Yinba Siyon yaaba mo, yin mangi yi pala Kelima o Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Amosi 4:7

N den yie yi po, ki sieni ki taaga Hali ke u jetaagu da sieni ŋmaalitaa. N yen teni ke ki taaga n mi u naa dogu nni Ki lagidi ki ŋaa u naa dogu. N yen teni ki taaga n mi u naa kuanu nni, Ki cedi u naa kuanu mo n luo ka, ki kuodi.

Mise 5:6

Lanyogunu Jakob puoliŋuani yii n sieni, Baa yaa ye yaa nibuoli n yabi siiga. Nani yaa mangu n ña o Diedo kani, Bi nani ki taaga n mi yaa ñinboala ti muadi po yeni. Ki taaga yeni naa guu bi niba kani liba, Ki kan go ŋmani bi nisaaliba kani mo liba.

Mise 7:7

Ama mini, n baa yaa diidi o Diedo yo, N baa yaa dugi n faabima Tienu po, Kelima wani n Tienu baa gaa n miabu.

Matie 5:45

Yeni yi baa yaa tie yi Baa yua n ye tanpoli bila, kelima o yen tendi, ke o yienu pudi bi nibiadiba leni bi niŋanba kuli po, ki yen tendi ke ki taaga mi bi niteginkaaba leni yaaba n ki tiegi kuli po.

Mi Tiadima 28:12

O Diedo baa luodi yi po o ŋalimanŋamo, ki yaa tuuni yi diema po ki taaga ki yogunu, ki seligi yi nii tuona kuli. Nibuotoe n baa yaa kpendi ki ledi yi kani, yinba wani, yi kan ledi oba kuli kani.

Mi Tiadima 32:21

Bi fiini n nunponli leni yaala n ki tie Tienu, Ki fiini n pali leni bi buli yii n tie fanma, Mini mo, n baa fiini bi yaa nunponli Leni yaa nibuolu n ki tie nibuomoanu, N baa fiini bi pala leni yaa nibuolu n ki pia yama.